ਪੀ.ਏ.ਯੂ. ਦੇ ਮਨੁੱਖੀ ਵਿਕਾਸ ਅਤੇ ਪਰਿਵਾਰਕ ਅਧਿਐਨ ਵਿਭਾਗ ਨੇ ਬੀਤੇ ਦਿਨੀਂ ਅੰਡਰ ਗ੍ਰੈਜੂਏਟ ਅਤੇ ਪੋਸਟ ਗ੍ਰੈਜੂਏਟ ਵਿਦਿਆਰਥੀਆਂ ਲਈ ਕਰੀਅਰ ਕਾਊਂਸਲਿੰਗ ਬਾਰੇ ਵਿਸ਼ੇਸ਼ ਸੈਸ਼ਨ ਕਰਵਾਇਆ। ਸੈਸ਼ਨ ਵਿਚ ਸ਼੍ਰੀ ਸ਼ੋਭਾਨ ਸੋਈ ਮੁੱਖ ਕਾਰਜਕਾਰੀ ਅਧਿਕਾਰੀ ਕਲੇਅ ਗੁਰੱਪ ਆਫ ਸਕੂਲਜ਼ ਨੇ ਵਿਦਿਆਰਥੀਆਂ ਨੂੰ ਮੁਹਾਰਤ ਦੇ ਵਿਕਾਸ ਤੋਂ ਇਲਾਵਾ ਪੇਸ਼ੇਵਰ ਯੋਗਤਾ ਪੈਦਾ ਕਰਨ ਲਈ ਨੁਕਤੇ ਦੱਸੇ। ਉਹਨਾਂ ਨੇ ਮੌਜੂਦਾ ਸਮੇਂ ਅਨੁਸਾਰ ਵਿਦਿਆਰਥੀਆਂ ਨੂੰ ਰੁਜ਼ਗਾਰ ਦੇ ਮੌਕਿਆਂ ਵਾਸਤੇ ਤਿਆਰ ਹੋਣ ਖਾਤਰ ਅਹਿਮ ਜਾਣਕਾਰੀ ਮੁਹੱਈਆ ਕਰਵਾਈ। ਇਸ ਮੌਕੇ ਵਿਦਿਆਰਥੀਆਂ ਅਤੇ ਮਾਹਿਰਾਂ ਸਮੇਂ 47 ਜਣੇ ਹਾਜ਼ਰ ਸਨ।ਸੈਸ਼ਨ ਦੌਰਾਨ ਉੱਘੇ ਮਨੋਵਿਗਿਆਨ ਕੁਮਾਰੀ ਨੇਹਾ ਲਖਨਪਾਲ ਨੇ ਵਿਸ਼ੇਸ਼ ਭਾਸ਼ਣ ਦਿੱਤਾ। ਉਹਨਾਂ ਨੇ ਸੰਤੁਲਿਤ ਜੀਵਨ ਜੀਣ ਲਈ ਵਧੇਰੇ ਸੋਚ ਤੋਂ ਮੁਕਤ ਹੋਣ ਦੇ ਢੰਗ ਵਿਦਿਆਰਥੀਆਂ ਨੂੰ ਦੱਸੇ ਅਤੇ ਨਾਲ ਹੀ ਤਨਾਅ ਦਾ ਪ੍ਰਬੰਧਨ ਅਤੇ ਭਾਵੁਕ ਵਜੂਦ ਵਿਚ ਸੁਧਾਰ ਬਾਰੇ ਅਹਿਮ ਗੱਲਾਂ ਕੀਤੀਆਂ।ਕਮਿਊਨਟੀ ਸਾਇੰਸ ਕਾਲਜ ਦੇ ਡੀਨ ਡਾ. ਕਿਰਨ ਬੈਂਸ ਨੇ ਇਸ ਸੈਸ਼ਨ ਨੂੰ ਲਾਹੇਵੰਦ ਦੱਸਦਿਆਂ ਵਿਭਾਗ ਦੀਆਂ ਕੋਸ਼ਿਸ਼ਾਂ ਦੀ ਸ਼ਲਾਘਾ ਕੀਤੀ। ਵਿਭਾਗ ਦੇ ਮੁਖੀ ਡਾ. ਸੀਮਾ ਸ਼ਰਮਾ ਨੇ ਭਾਸ਼ਣ ਦੇਣ ਵਾਲੇ ਵਿਦਵਾਨਾਂ ਅਤੇ ਹਾਜ਼ਰੀਨ ਦਾ ਸਵਾਗਤ ਕੀਤਾ। ਸੈਸ਼ਨ ਦਾ ਸੰਚਾਲਨ ਡਾ. ਰਿਤੂ ਮਾਹਲ ਅਤੇ ਡਾ. ਰਸ਼ਮੀ ਉਪਰੇਤੀ ਨੇ ਕੀਤਾ।#punjabagriculturaluniversity #students #punjab #PAU #carrier #session #counselling #📑ਸ਼ੇਅਰਚੈਟ ਜਾਣਕਾਰੀ 📑