இன்று 27.05.2036 பத்மினி ஏகாதசி 32 மாதங்களுக்கு ஒருமுறை வரும் அதிக ( புருஷோத்தம ) மாத வளர்பிறை ஏகாதசி . யாரேனும் இந்த ஏகாதசியின் பெருமைகளை பற்றி படித்தாலோ அல்லது கேட்டாலோ அவருக்கு மிகுந்த அளவில் தெய்வ பக்தி கிடைக்கும். இந்த விரதக்கதையினை கேட்டவர்களும், படித்தவர்களும் மேலும் மற்றவர்களுக்கு எடுத்துக்கூறியவர்களும் மிகுந்த புண்ய பலனைப்பெறுகிறார்கள் என்றும் கோ தானம் செய்த பலன் பெறுகிறார்கள் என்றும் ஸ்காந்த புராணம் எடுத்துரைக்கின்றது. ஜோதிட சாஸ்திரத்தின்படி, 32 மாதங்கள் மற்றும் 16 நாட்களுக்குப் பிறகு அதிக ( புருஷோத்தம ) மாதம் வருகிறது. மகாராஜா யுதிஸ்டிரர் கூறினார்: "கிருஷ்ணா பத்மினி ஏகாதசியில் கடைப் பிடிக்க வேண்டிய வழிமுறைகளை பற்றி எனக்கு கூறுங்கள். மேலும் இதை கடை பிடிப்பவர் என்ன பலனை அடைவார் என்பதையும் எனக்கு கூறுங்கள். பகவான் கிருஷ்ணர் பதில் அளித்தார்: "மன்னா, இந்த ஏகாதசியை சிரத்தையுடன் கடைப்பிடிப்பவர் பகவான் பத்மநாபரின் பரமதபத்தை அடைவார். இந்த ஏகாதசி ஒருவரின் எல்லா பாவ விளைவுகளையும் அழித்து விடும்.." இந்த ஏகாதசியின் முழு பலன்களை பற்றி எடுத்துரைக்க பிரம்மாவாலும் இயலாது. இருப்பினும் முன்பு ஒரு காலத்தில் செல்வம் மற்றும் முக்தியை அளிக்கக்கூடிய இந்த பத்மினி ஏகாதசி யின் புகழை பிரம்மா நாரதரிடம் விளக்கி கூறினார். பகவான் கிருஷ்ணர் தொடர்ந்தார். "ஒருவர் இந்த ஏகாதசியை கடைபிடிக்க, ஏகாதசியின் முன்தினமான தசமி நாளன்றே துவங்க வேண்டும். புனித நாமங்களை ஜபிக்க வேண்டும். ஒருவர் தேவையற்ற பேச்சுக்களில் ஈடுபடக் கூடாது. ஏகாதசி அன்று இரவு விழுத்திருந்து புனித நாமங்கள் மற்றும் பகவானின் தன்மைகளை புகழ வேண்டும்..." "ஏகாதசி இரவில் முதல் மூன்று மணி நேரம் விழுத்திருப்பவர் அக்னி ஸ்தோமா யாகத்தை செய்த பலனை அடைவார்..." 🔹முதல் ஆறு மணி நேரம் விழித்திருப்பவர் வாஜ்பேய யாகத்தின் பலனை அடைவார். 🔹முதல் ஒன்பது மணி நேரம் விழுத்திருப்பவர் அஸ்வமேத யாகத்தின் பலனை அடைவார். 🔹முழு இரவு விழித்திருப்பவர் ராஜசூய யாகத்தின் பலனை அடைவார். துவாதசியன்று வைஷ்ணவர்கள் மற்றும் அந்தணர்களுக்கு உணவளித்த பிறகு விரதத்தை முடித்துக் கொள்ள வேண்டும் இந்த முறையில் இந்த ஏகாதசியை கடை ப்பிடிப்பவர் நிச்சயமாக முக்தி அடைவார். பகவான் கிருஷ்ணர் தொடர்ந்தார். "பாவமற்றவனே, உனது வேண்டுக்கோ ளுக்கு, இணங்கி நான் இந்த ஏகாதசி யை கடைப்பிடிக்கும் முறையினை விளக்கினேன்..." "இப்பொழுது புலஸ்ய முனிவர், நாரத முனிவருக்கு கூறிய சுவராஸ்யமான கதையை கவனமாக கேள்.." "ஒரு முறை கார்த்தவீர்யார்ஜூனா இராவணனை தோற்கடித்து சிறையில் அடைத்தார்..." "இராவணனை இக்கோலத்தில் கண்ட புலஸ்ய முனிவர் கார்த்வீர்யார்ஜீனாவி டம் சென்று இராவணனை விடுதலை செய்யுமாறு வேண்டினார். புலஸ்ய முனிவரின் வேண்டுதலுக்கு இணங்கி அரசன் இராவணனை விடுதலை செய்தார்.." "இந்த வியக்கத்தக்க நிகழ்ச்சியை கேட்ட நாரத முனிவர் புலஸ்ய முனிவரிடம் கேட்டார், முனிவரில் சிறந்தவரே! இந்திரன் உள்பட எல்லா தேவர்களையும் வென்ற இராவணனை கார்த்வீர்யார்ஜீ னாவால் எவ்வாறு வெல்ல முடிந்தது ? இதனை எனக்கு விளக்குங்கள்.." புலஸ்ய முனிவர் பதில் அளித்தார், "நாரதா! திரேதா யுகத்தில் ஹைஹயா வம்சத்தில் பிறந்த கிருதவீர்யா என்ற மன்னர் இருந்தார். இவருடைய தலைநக ர் மாஹிஸ்மதீபுரி. இவருக்கு ஆயிரம் மனைவிகள் இருந்தனர், ஆயினும் நாட்டை ஆள தகுந்த ஒரு மகன் இருக்கவில்லை..." "இவர் தன் முன்னோர்களையும் சாதுக்க ளையும் பூஜித்து வந்தார் மற்றும் முனிவ ர்களின் வழிமுறைப்படி பல விரதங்க ளை மேற்கொண்டார். இருப்பினும் அவருக்கு ஓரு ஆண்வாரிசு உண்டாகவி ல்லை ஆகையால் மன்னர் தவம் செய்ய முடிவு செய்தார்..." _தன் ராஜ்யத்தின் பொறுப்புகளை எல்லாம் பிரதம மந்திரியிடம் ஒப்படைத்து விட்டு தவம் செய்வதற்காக மரப்பட்டையால் செய்த ஆடையை அணிந்து காட்டிற்கு சென்றார்..." "தனது மனைவிகளில் ஒருவரான பத்மினி, மன்னர் அரண்மனையை விட்டு வெளியேறுவதை கண்டார். பத்மினி இக்ஸ்வாகு வம்சத்தில் தோன்றிய ஹரிச்சந்திரனின் மகள். பத்மினி தன் கணவர் தவம் செய்வதற்காக காட்டிற்கு செல்வதை அறிந்து உடனே தானும் தன் ஆபரணங்களை துறந்து கணவருடன் மந்தாரா மலைக்கு சென்றனர்..." மந்தார மலை உச்சியில் மன்னர் கிருத வீர்யா மற்றும் தன் மனைவி பத்மினி இருவரும் பத்தாயிரம் ஆண்டுகள் கடும் தவம் புரிந்தனர். தன் கணவரின் உடல் நாளுக்கு நாள் மெலிந்து போவதை கண்ட பத்மினி இதற்கு ஒரு தீர்வு காண நினைத்தாள். பத்மினி அத்ரி முனிவரின் மனைவியான அனுசுயாவிடம் கேட்டார். "கற்புக்கரசியே, என் கணவர் தவம் புரிவதில் பத்தாயிரம் ஆண்டுகள் கழித்தார்.ஓ, அதிர்ஷ்டசாலியே, எந்த ஒருவிரதத்தை மேற்கொண்டால் பகவான் திருப்தியடைந்து சிறந்த மன்னனாகக் கூடிய ஒரு மகனை எனக்கு அருள்வார் என்பதை கூறுங்கள்..." இவ்வாறு வேண்டிய பத்மினியிடம் அனுசுயா கூறினார், முப்பத்தி இரண்டு மாதங்களுக்கு ஒரு முறை லீப் வருடம் மாதம் தோன்றும். இந்த அதிக (புருஷோத்தம )மாதத்தில் வரக்கூடிய ஏகாதசிகள் பத்மினி மற்றும் பரமா. இந்த ஏகாதசியை கடைபிடிப்பதால், பகவான் மகிழ்ச்சி அடைந்து உன்னுடைய கோரிக்கையை நிறைவேற்றுவார். பகவான் கிருஷ்ணா மேலும் தொடர்ந்தார், அனுசுயாவின் வழிமுறைப்படி அரசின் பத்மினி இந்த ஏகாதசியைக் கடைப்பிடித்தாள். கேசவன் கருட வாகனத்தில் பத்மினியின் முன் தோன்றி தனக்கு வேண்டிய வரத்தை கேட்கச் சொன்னார். அரசி முதலில் பகவானை வணங்கி தனது பிரார்த்தனைகளை சமர்ப்பித்தார், பிறகு தனக்கு ஒரு மகனை அருளுமாறு வேண்டினார். பகவான் கூறினார், "சாந்தமும், நற்குணமும் நிறைந்த பெண்ணே !! உன்னுடைய விரதத்தால் நான் திருப்தி அடைந்தேன். அதிக ( புருஷோத்தம ) மாதத்தை விட எனக்கு பிரியமான மாதம் வேறு எதுவும் இல்லை .இந்த மாதத்தின் ஏகாதசிகள் எனக்கு பிரியமானவை. நீ இந்த ஏகாதசியை சரியாக கடைபிடித்திருக்கின்றாய். எனவே நிச்சயமாக உங்களுடைய விருப்பத்தை பூர்த்தி செய்கிறேன்..." பத்மினியிடம் இவ்வாறு கூறிய பகவான் பிறகு, அரசன் முன் சென்று, "மன்னா உன் மனைவியின் ஏகாதசியின் விரதத்தால் நான் மகிழ்ச்சி அடைந்தேன். உனக்கு வேண்டிய வரத்தை கேள்.." விஷ்ணு பகவானின் வார்த்தைகளை கேட்ட அரசன் மிக்க மகிழ்ச்சி அடைந்தார். மிக வலிமையுடன் எப்பொழுதும் வெற்றி யை அடையும்படியான ஒரு மகனை தனக்கு அருளுமாறு வேண்டினார். "மதுசூதனா, பிரபஞ்சத்தின் பகவானே, தேவர்கள், மனிதர்கள், பாம்புகள், மற்றும் அரக்கர்கள் போன்றவர்களால் வெல்ல முடியாத ஒரு மகனை எனக்கு அருளுங்கள்..." பகவான் மன்னர் வேண்டிய வரத்தை அருளி மறைந்தார். முழுமையாக திருப்தியடைந்த மன்னனு ம் அவர் மனைவியும் தங்கள் பழைய உடல்நிலையை அடைந்து தங்கள் நாட்டி ற்கு திரும்பினர். அரசி பத்மினி மிக்க வல்லமைபடைத்த ஒரு மகனை பெற்றெ டுத்தாள், அவன் கார்த்தவீரயார்ஜுன என புகழ் பெற்றான். மூவுலங்களிலும் தன்னை விட வலிமை மிக்க வீரர் இருக்கவில்லை, பத்து தலை கள் கொண்ட இராவணனும் கார்த்த வீயார்ஜுனாவால் தோற்கடிப்பட்டான். இந்த அற்புதமான கதையை கூறிவிட்டு புலஸ்திய முனிவர் விலகி சென்றார். பகவான் கிருஷ்ணன் கூறினார், "பாவம ற்ற மன்னா, அதிக ( புருஷோத்தம) மாசத்தில் வரும் ஏகாதசியை பற்றி உன்னிடம் விளக்கினேன். மன்னர்களில் சிறந்தவனே இந்த ஏகாதசியை கடைபிடிப்பவர் யாராயினும், பகவான் ஹரியின் பரமபதத்தை அடைவார். கிருஷ்ணரின் வாக்கிற்கு இணங்கி, மகாராஜா யுதிஸ்டிரர் தன் குடும்பத்து டன் இந்த ஏகாதசியை கடைப்பிடித்தார். ஒருவர் தன் வாழ்நாளில் இந்த ஏகாதசி யை நம்பிக்கையுடன் கடைப்பிடித்தால் அவர் புகழ் அடைவார். யாரேனும் இந்த ஏகாதசியின் பெருமைகளை பற்றி படித்தாலோ அல்லது கேட்டாலோ அவருக்கு மிகுந்த அளவில் தெய்வ பக்தி கிடைக்கும். இந்த விரதக்கதையினை கேட்டவர்களும், படித்தவர்களும் மேலும் மற்றவர்களுக்கு எடுத்துக்கூறியவர்களும் மிகுந்த புண்ய பலனைப்பெறுகிறார்கள் என்றும் கோ தானம் செய்த பலன் பெறுகிறார்கள் என்றும் ஸ்காந்த புராணம் எடுத்துரைக்கின்றது. சர்வம் ஶ்ரீ கிருஷ்ணார்ப்பணம்... 27.05.2026... நேசமுடன் விஜயராகவன்.... #🌻🌻காலை வணக்கம்🌻🌻 #🤔 ஆன்மீக சிந்தனைகள் #🙏பெருமாள் #✨கடவுள் #🙏ஜெய் ஆஞ்சநேயா