പ്രിയപ്പെട്ടതേ... പുറത്ത് ആകാശം കറുത്തുരുണ്ട്, ഭൂമിയെ പ്രണയിച്ചു പെയ്യാൻ തുടങ്ങിയിട്ടുണ്ട്... മണ്ണിൽ നിന്ന് ഉയരുന്ന ആ സുഗന്ധത്തിന് പോലും നിന്റെ ഓർമ്മകളുടെ നനവാണ്... പക്ഷേ, എനിക്കിന്ന് ഈ തണുപ്പിനോട് പ്രണയമില്ല... കാരണം, ഈ കുളിരിലും എന്നെ പൊതിഞ്ഞു പിടിക്കാൻ നിന്റെ കൈകളുടെ ചൂടില്ല... എന്റെ ശ്വാസത്തോട് ചേർന്നുനിൽക്കാൻ നിന്റെ ഉടലിന്റെ സുഗന്ധമില്ല... നിന്റെ കരിമിഴികളിലെ ആ നോട്ടവും, ചുണ്ടിലെ ആ പുഞ്ചിരിയും ഇല്ലാതെ ഈ പെയ്യുന്ന മഴ വെറുമൊരു വെള്ളച്ചാട്ടം മാത്രമാണ്... നമ്മൾ ഒരുമിച്ച് നനഞ്ഞ ആ ഇന്നലകളിലേക്ക് എന്റെ മനസ്സ് വീണ്ടും വീണ്ടും ഓടിയെത്തുന്നു... ആകാശം ഭൂമിയെ പുൽകുന്നത് പോലെ എനിക്ക് നിന്നെ പുൽകണം എന്നുണ്ട്... നിന്റെ നെഞ്ചിലേക്ക് മുഖം ചേർത്ത്, ഈ ലോകത്തിലെ മുഴുവൻ തണുപ്പിനെയും നിന്റെ പ്രണയച്ചൂടിൽ അലിയിച്ചു കളയണം എന്നുണ്ട്... നീയില്ലാത്ത ഈ രാവിൽ, പെയ്യുന്ന ഓരോ തുള്ളിയും എന്റെ ഏകാന്തതയെ കൂടുതൽ ആഴമുള്ളതാക്കുകയാണ് ചെയ്യുന്നത്... അതെ, ഇവിടെ മഴയുണ്ട്... പക്ഷേ നീയില്ല എന്ന സത്യം ആ മഴയേക്കാൾ വലിയൊരു നനവായി എന്റെ കണ്ണുകളിൽ പെയ്യുന്നുണ്ട്...@☘️കുപ്പിവള☘️ #💞 നിനക്കായ് #ഞാൻ