📖നേർവയാന എപ്പിസോഡ് :1394 ഇന്നത്തെ വിഷയം: അല്ലാഹുവിലേക്കുള്ള പ്രബോധനം ▪️ഭാഗം - 04 ➖➖➖➖➖➖➖➖➖➖ 🔲അവിടുന്ന് ﷺ പ്രബോധനം തുടരുകയും, സത്യം വ്യക്തമാക്കുകയും, വാളുകൊണ്ടുള്ള ജിഹാദ് ആരംഭിക്കുകയും ചെയ്തു. ജനങ്ങളെ നന്മയിലേക്കും സന്മാർഗത്തിലേക്കും ക്ഷണിക്കുവാനും, നബി ﷺ യുടെ പ്രബോധനം വിശദീകരിച്ചുകൊടുക്കുവാനും വേണ്ടി ദൂതന്മാരെ അയച്ചു. സൈനിക സംഘങ്ങളെ നിയോഗിച്ചു. അറിയപ്പെട്ട യുദ്ധങ്ങൾ നയിച്ചു. അങ്ങനെ അല്ലാഹു അവിടുത്തെ കരങ്ങളിലൂടെ തന്റെ ദീൻ വിജയിപ്പിക്കുകയും, ദീൻ പൂർത്തിയാക്കുകയും, അവിടുത്തെ മേലും സമുദായത്തിന് മേലും അനുഗ്രഹം പൂർത്തീകരിക്കുകയും ചെയ്തു. ദീൻ പൂർത്തിയാക്കുകയും, സന്ദേശം വ്യക്തമായി എത്തിക്കുകയും ചെയ്ത ശേഷം അവിടുന്ന് ﷺ വഫാത്തായി. ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ അവിടുത്തെ വഫാത്തിന് ശേഷം സ്വഹാബികൾ رضي الله عنهم ആ ദൗത്യം ഏറ്റെടുത്തു. അവർ ആ മാർഗത്തിൽ സഞ്ചരിച്ചു. അല്ലാഹുവിലേക്ക് ക്ഷണിച്ചു. ഭൂമിയുടെ വിവിധ ഭാഗങ്ങളിലേക്ക് അവർ പ്രചരിച്ചു. സത്യത്തിന്റെ പ്രബോധകരായും അല്ലാഹുവിന്റെ മാർഗത്തിൽ സമരം ചെയ്യുന്നവരായും, അല്ലാഹുവിന്റെ കാര്യത്തിൽ ഒരാളുടെയും ആക്ഷേപത്തെ ഭയക്കാത്തവരായും അവർ നിലകൊണ്ടു. അവർ അല്ലാഹുവിന്റെ സന്ദേശങ്ങൾ എത്തിക്കുകയും, അവനെ ഭയപ്പെടുകയും, അല്ലാഹുവിനെയല്ലാതെ മറ്റാരെയും ഭയക്കാതിരിക്കുകയും ചെയ്തു. ➖➖➖➖➖➖➖➖ Like and Follow Our Facebook page: https://www.facebook.com/WisdomMediaChannel/ ➖➖➖➖➖➖➖➖ അവർ ഭൂമിയിൽ യുദ്ധം ചെയ്യുന്നവരായും, സന്മാർഗികളായ പ്രബോധകരായും, നന്മ ചെയ്യുന്നവരായും, പരിഷ്കർത്താക്കളായും പ്രചരിച്ചു. അവർ അല്ലാഹുവിന്റെ ദീൻ പ്രചരിപ്പിക്കുകയും, അവന്റെ നിയമങ്ങൾ ജനങ്ങളെ പഠിപ്പിക്കുകയും, അല്ലാഹു ദൂതന്മാരെ അയച്ച വിശ്വാസസംഹിത വ്യക്തമാക്കുകയും ചെയ്തു. ആരാധന പൂർണ്ണമായും അല്ലാഹുവിന് മാത്രമാക്കുക, മരങ്ങൾ, കല്ലുകൾ, വിഗ്രഹങ്ങൾ തുടങ്ങിയവയെ ആരാധിക്കുന്നത് ഉപേക്ഷിക്കുക എന്നതായിരുന്നു അത്. അല്ലാഹുവിനോട് മാത്രമേ പ്രാർത്ഥിക്കാവൂ, അവനോട് മാത്രമേ സഹായം തേടാവൂ, അവന്റെ നിയമമനുസരിച്ച് മാത്രമേ വിധിക്കാവൂ, അവന് മാത്രമേ നമസ്കരിക്കാവൂ, അവന് മാത്രമേ നേർച്ച നേരാവൂ തുടങ്ങിയ ആരാധനാ കാര്യങ്ങൾ അവർ വ്യക്തമാക്കി. ആരാധന അല്ലാഹുവിന്റെ മാത്രം അവകാശമാണെന്ന് അവർ ജനങ്ങൾക്ക് വിശദീകരിച്ചു. അതിന് തെളിവായി അല്ലാഹുവിന്റെ വചനങ്ങൾ അവർ ഓതിക്കേൾപ്പിച്ചു: يَا أَيُّهَا النَّاسُ اعْبُدُوا رَبَّكُمُ ജനങ്ങളേ, നിങ്ങളുടെ രക്ഷിതാവിനെ നിങ്ങള്‍ ആരാധിക്കുവിന്‍). (ഖു൪ആന്‍:2/21) ➖➖➖➖➖➖➖ Like and Follow Our Instagram Page: https://www.instagram .com/wisdom_media_channel/ ➖➖➖➖➖➖➖➖ وَقَضَىٰ رَبُّكَ أَلَّا تَعْبُدُوا إِلَّا إِيَّاهُ നിന്റെ രക്ഷിതാവ് വിധിച്ചിരിക്കുന്നു; അവനെയല്ലാതെ നിങ്ങള്‍ ആരാധിക്കരുത്‌ എന്ന്. (ഖു൪ആന്‍:17/23) إِيَّاكَ نَعْبُدُ وَإِيَّاكَ نَسْتَعِينُ നിന്നെ മാത്രം ഞങ്ങള്‍ ആരാധിക്കുന്നു. നിന്നോട് മാത്രം ഞങ്ങള്‍ സഹായം തേടുന്നു. (ഖു൪ആന്‍:1/5) فَلَا تَدْعُوا مَعَ اللَّهِ أَحَدًا ആകയാല്‍ നിങ്ങള്‍ അല്ലാഹുവോടൊപ്പം മറ്റാരെയും വിളിച്ച് പ്രാര്‍ത്ഥിക്കരുത്‌. (ഖു൪ആന്‍:72/18) ➖➖➖➖➖➖➖➖➖ Source: Kanzul uloom #peaceradio #wisdommedia #WisdomIslam #wisdomyouth