हा धोंड्याचा बाजार हाय की मुलीच्या बापाची थट्टा? जरा विचार करा की राव! 😡👇 सध्या इन्स्टाग्राम उघडलं ना, तर नुसता जावयबापूंचा थाट, चांदीची ताटं, सोन्याची नाणी, पाय धुणे... काय तो जेवणाचा नखरा! आधी 'प्री-वेडिंग'च्या नावाखाली बापाची कंबर तोडली आणि आता या 'धोंड्याच्या' निमित्तानं सोशल मीडियावर नुसता पैशाचा माज अन प्रदर्शन मांडलंय! आरं, ज्यांच्याकडं पैसा हाय, माजवायला इस्टेट हाय, त्यांनी खुशाल सोन्याच्या ताटात जेवावं. पण ज्या गरिबाच्या घरात २-३ मुली आहेत, त्या ग्रामीण भागातल्या बापाचा विचार केलाय का कधी? शेतात घाम गाळून पोरीचं लगीन कसं तरी उरकणारा तो बाप... त्याला आता या सोशल मीडियाच्या दिखाव्यामुळं 'जावयाचा मानपान कसा करू?' या विचारानं रातभर झोप येत नसल. रील बनवून आणि स्टेटसला मिरवून तुम्ही नको त्या प्रथा मोठ्या करताय. तुमच्या या हट्टापायी स्वतःच्याच जन्मदात्या बापाच्या गळ्याला फास लागतोय, हे तुमच्या कसं डोक्यात येत नाय? हुंडाबळी कमी झालेत म्हणून आता या 'धोंड्याच्या' नावाखाली बापाचा बळी घ्यायचा ठरवलाय का काय? दिखावा माणसाला संपवतो! गरिबाच्या बापाची अब्रू सोशल मीडियावर विकू नका. तुम्हाला काय वाटतं मित्रांनो, हा रीलचा दिखावा थांबायला हवा की नाही? कमेंट करून तुमचं कडक मत मांडायला विसरू नका! #🎭Whatsapp status