*క్రైస్తవుడా! దిగులు చెందకు..!!* ఈ అంశంము చదువుతూ వున్నప్పుడు ఒకవేళ నీ జీవితము సమస్యల సుడిగుండాల్లో చిక్కి నీ జీవిత పడవ అటుఇటు కొట్టబడుతూ ఉందేమో, అద్దరికి చేరే దారి కానరాక అలసి సొమ్మసిల్లి పోతూవున్నావేమో, చేరదీసేవారు లేక ఆదరించేవారు కానరాక అల్లాడిపోతూవున్నావేమో, దేవునియందు భయభక్తులు కలిగి జీవిస్తునప్పటికీ, ఆయన చిత్తం చేయాలని తపిస్తూ వున్నప్పటికీ, నీ జీవిత నావకు యేసయ్యనే నావికుడిగా అంగీకరించి, నీ జీవితాన్ని ఆయన చేతిలో పెట్టుకున్నప్పటికీ అనారోగ్యం, అపనిందనలు, అప్పుల బాధలు, అవమానములు, అపార్థాలు అనే అలల చేత కొట్టబడి నీ జీవిత నావ తలక్రిందులయ్యే పరిస్థితుల్లో చిక్కుకొని వున్న నీకు ఓ ప్రశ్న రాకమానదు. ‘‘నేను ఇంతగా అల్లాడిపోతూ వుంటే నన్ను నడిపించే నావికుడైన యేసయ్య ఏం చేస్తున్నట్టు, అసలు దేవుడు వున్నాడా? వుంటే ఆయన నా నావలో (జీవితంలో) వున్నాడా? వుంటే ఈ పరిస్థితులనుబట్టి ఆయన ఏమనుకుంటున్నాడు, ఎలా నన్ను అద్దరికి చేర్చబోతున్నాడు? అసలు అద్దరికి చేరుస్తాడా? లేక నిర్ధాక్షిణ్యంగా ముంచి వేస్తాడా? అనే ప్రశ్నలు నిన్ను వేధిస్తువున్నాయి కదూ! ఒకరోజు సముద్రంలో పయనిస్తున్న ఓడ ఆర్దాంతరంగా ఓ గొప్ప తుఫానులో చిక్కుకుంది. ఓడ అటుఇటూ ఊగిపోతూ వుంది. అలలు పైపైకి ఎగిసిపడుతూ వున్నాయి. ఓడ మునిగిపోతుందేమోనన్న భయము ప్రయాణిస్తున్న ప్రతి ఒక్కరిని ఉక్కిరి బిక్కిరి చేస్తూ వుంది. ప్రాణభయంతో ఒకిరిని ఒకరు గట్టిగా పట్టుకొని బిక్కుబిక్కుమంటూ ఉన్నారు. అదే సమయంలో ఒక కుర్రవాడు దైర్యంచేసి అసలు ఈ ఓడను నడిపించే కెప్టెన్‌ని కలుసుకొని పరిస్థితి ఏమిటో తెలుసుకొంటే ఎంతైనా మంచిందని గ్రహించి, బయట బీకర వాతావరణం ఆవరించి వున్నప్పటికీ ధైర్యము చేసి బహు కష్టము మీద ఓడను నడుతున్న కెప్టెన్ గది దగ్గరకు చేరుకున్నాడు. ఆ క్యాబిన్ తెరచి కెప్టెన్‌తో మాట్లాడదామని అనుకున్నాడుకానీ, అతనిలో ఎన్నో ఆలోచనలు... అసలే బయట వాతావరణం బాగోలేదు, ఓడ ఇటుఅటు కొట్టబడుతుంది. కెప్టెన్ ఎంతో టెన్షన్ ఒత్తిడిలో వుండివుంటాడు. ఒకవేళ నేను వెళ్ళి డిస్టర్బ్ చేస్తే ఓడకేమైనా అవుతుందేమో అనే భయంతో కాసేపు క్యాబిన్ బయటే ఉండిపోయాడు. కాసేపైన తర్వాత ధైర్యం చేసి నెమ్మదిగా క్యాబిన్ తలుపు తెరిచి ఆశ్చర్యపడిపోయాడు... కారణం..??? అతను అనుకున్నట్టు కెప్టెన్ ఒత్తిడికి లోనైపోయి, చెమటలు పట్టేసి, టెన్షన్ పడిపోతూ ఓడ నడిపించుటలేదు. తలుపు తెరచిన వెంటనే ఎంతో ప్రశాంతమైన ముఖము కలిగిన ఆ కెప్టెన్ చిరునవ్వుతో... ఆ కుర్రాడ్ని చూపి లోపలికి రా! అని అనెనట. అంతే! ఆ కుర్రాడు అమాంతంగా తలుపు వేసేసి పరుగుపరుగున వెళ్ళి ఓడలోపల ప్రాణాలు అరచేతిలో పెటటుకొని బిక్కుబిక్కుమంటున్న వారితో ‘‘మీరు ఇంకేమి భయపడనవసరం లేదు, మనకేం కాదు, మనం క్షేమముగా అద్దరికి చేరతాం, ధైర్యం తెచ్చుకోండి.’’ అని ఆవేశంతో అంటూవుంటే, అసలు సంగతేంటో చెప్పవయ్యా బాబూ! అని ఓ పెద్దాయన అరిచాడట. అందుకు ఆ కుర్రవాడు నేను కెప్టెన్‌ను చూశాను. అతని ముఖములో ఎటువంటి టెన్షన్, చింత, ఒత్తిడి లేదు, అంతేకాదు నేను అతని ముఖములో చిరునవ్వు చూశాను. మనకేం కాదు మనం సురక్షితంగా అద్దరికి చేరతాం అని అన్నాడట. అప్పటివరకూ వారిని పట్టి పీడిస్తున్న మరణభయం కెప్టెన్ చిరునవ్వు చూశాక ఒక్కసారిగా వారిని విడిచి పట్టేసింది. మరుసటిరోజు వారు క్షేమంగా అద్దరికి చేరుకున్నారు. ప్రియ చదువరీ! నీ జీవితం తుఫానులో చిక్కుకుందా? నీ జీవిత నావకు యేసయ్య నావికుడా? అయితే ఆయన ముఖమును చూడు. నిన్ను చూసి ఆయన చిరునవ్వు నవ్వుతాడు. కారణం... ఆయనకు తెలుసు ‘‘ నీకు ఏ అపాయం, ఏ కీడు సంభవించదని (కీర్తన 91:7) ఆయన నిన్ను తన అరచేతిలో చిత్రించుకొన్నాడని (యోషయా 49:16). కొంతకాలము శ్రమపడిన తర్వాత నీకు రావలసిన క్షేమస్థితిని నువ్వు పొందుకుంటావని (1పేతురు 5:10). నీ జీవితం కుదుటపడుతుందని, ఆయనను ప్రేమించిన నీకు సమస్తము మేలు కొరకే సమకూడి జరుగుచున్నవని (రోమా 8:28) ఆయనకు తెలుసు కాబట్టి నువ్వు చింతించనవసరం లేదు. ‘‘నీ దుఖ దినములు సమాస్తములుగును. దు:ఖమును, నిట్టూర్పును ఎగిరిపోవును.’’ (యెషయా 35:9) అప్పుడు భక్తుడైన దావీదుతో నీవే అంటావు ‘‘శ్రమనొంది యుండుత నాకు మేలాయోను’’ (కీర్తన 119:71). - సేకరణ ________________________________________ *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - link:* https://chat.whatsapp.com/GgA4dXmexxS3aMMqqRNead *************************************** *Telegram group Link* https://t.me/+XtII92fKOXAyNWQ9 ******************************* - మీ సహోదరుడు మోషే *- (Calvary Kiranalu )* *-(📲 9550576444)* *************************************** #✝️Jesu✝️ #Jesus #jesu #యేసు ప్రభువు #✝️తెలుగు క్రైస్తవ వాట్సాప్ స్టేటస్ ⛪️💒 #JESU I LOVE YOU JESUS