#🙏आई एकविरा 🙏 #🌻दुर्गा देवी😇 #🙏श्री महालक्ष्मी #🙏भक्तीमय सकाळ🎬 #🙏भक्तीमय सकाळ🎬 #🙏जय माता दी शुक्रवार , श्रीलक्ष्मीची भूपाळी.. उठा उठा हो अंबाबाई | या विश्वाची तू मुक्ताई | भक्त लागती चरणी , दास लागती चरणी | आता सोडा शयनमंचक आई ||१|| ललना सवे घेऊनी येती | पंचगंगेच्या घागरी रिचवती | चरण प्रक्षाळा आई , माझ्या अंबाबाई | रवि उभा तिष्टत नभी ||२|| पैठणी पिवळी तुजसाठी | धाडीली लक्ष्मीकांते प्रेमापोटी | नको रुसू आता बाई , गे माझे अंबाबाई | दावी आता मुखदीप्ती ||३|| तू स्वये धन देवता | दागिना आणू मी कोणता | हे श्रीहरीवल्लभा , हे व्यंकट वल्लभा | उघडी कमलनयन आता ||४|| तुजसाठी आणिली आई | ही बकुळ फुलांची वेणी | उठी उठी कमले विमले , हे श्रीमहन्मंगले | तुज आळविती चक्रपाणि ||५|| करवीरनगरीची तू राणी | तुला जोडुनिया पाणि | भक्त सेवेसी उत्सुक , दास सेवेसी उत्सुक | प्रमोद तल्लीन होऊनी उभा असे ||६|| सदानंदीचा उदयोस्तु , लक्ष्मीरमण गोविंदा गोविंदा गोविंदा.. आज शुक्रवार.. हृदयस्थ श्रीविष्णूंच्या नित्य निवास | ओंकार रूप असे जिचे खास | त्या शुभलक्ष्मी , जयलक्ष्मीला | वंदन प्रथम माझे श्रीअंबेला ||१|| गरुड वाहन तुज साजे | गळा चंद्रहार सुंदर शोभतसे | त्या श्रीव्यंकटेश पद्मावतीला | वंदन प्रथम माझे श्रीअंबेला ||२|| शंख , चक्र गदा , पद्म शोभती | अष्ट आयुधे दुष्टांसी मर्दिती | दक्षिण हस्त नित्य वर प्रदानाला | वंदन प्रथम माझे श्रीअंबेला ||३|| हार नवरत्नांचा गळा शोभतो | हिरवा चुडा तो हाती खणकतो | भरजरी शालुचा पदर सळसळला | वंदन प्रथम माझे श्रीअंबेला ||४|| हिरा चमकतो नथीत जिच्या | पायात जोडवी मासोळी जिच्या | तांबूल शोभे जिच्या वदनाला | वंदन प्रथम माझे श्रीअंबेला ||५|| ध्यानी ध्यावी नित्य श्रीमहालक्ष्मी | श्रीकरी , शुभकरी , नित्य सुवासिनी | दृष्ट न लागो माझ्या त्रिपुरसुंदरीला | हे मस्तक लागो त्या श्री चरणाला ||६|| जय जगदंब.. जय जगदंब.. ॐ श्रीं ह्रीं श्रीं कमले कमलालये प्रसीद प्रसीद श्रीं ह्रीं श्रीं ॐ महालक्ष्म्यै नमः || 🌹🙏|| ॐ महालक्ष्म्यै नमः ||🙏🌹