ഇന്ത്യൻ രൂപയുടെ മൂല്യത്തകര്‍ച്ച ചരിത്രത്തിൽ ഇതുവരെ കണ്ടിട്ടില്ലാത്ത സാഹചര്യത്തിൽ പിടിച്ചു നിര്‍ത്താനാവാതെ തുടരുന്നു. ഇന്ന് വ്യാപാരം ആരംഭിച്ചയുടൻ രൂപയുടെ മൂല്യം യു എസ് ഡോളറിനെതിരെ 18 പൈസ ഇടിഞ്ഞ് 96.38 എന്ന എക്കാലത്തെയും താഴ്ന്ന നിരക്കിലെത്തി. ഇന്നലെ ഡോളറിന് 96.20 എന്ന നിരക്കിലാണ് രൂപ വ്യാപാരം അവസാനിപ്പിച്ചിരുന്നത്. ഓരോ ദിവസവും ഡോളറുമായുള്ള വിടവ് എക്കാലത്തെയും തകര്‍ച്ചയിലേക്ക് വളരുകയും രൂപ കൂടുതലായി ശോഷിക്കയും ചെയ്യുന്ന കാഴ്ചയാണ്. രൂപയെ സംരക്ഷിക്കാൻ റിസർവ് ബാങ്കും സർക്കാരും വിവിധ പ്രതിരോധ നടപടികൾ സ്വീകരിക്കുന്നുണ്ടെങ്കിലും ലക്ഷ്യം കാണാത്ത സാഹചര്യമാണ്. ഫലപ്രദമായ ആസൂത്രണവും മുന്നൊരുക്കവും ഇല്ലാതെ അടിയന്തര ഘട്ടത്തിൽ വിയര്‍ക്കുന്ന കാഴ്ചയാണ്. ആഗോള പ്രതിസന്ധികൾക്ക് മുന്നിൽ താല്കാലിക പരിഹാരങ്ങളെല്ലാം നിഷ്പ്രഭമാകുന്ന സ്ഥിതിയാണ് നിലവിലുള്ളത്. #🆕 ലേറ്റസ്റ്റ് അപ്ഡേറ്റ്