ਕ੍ਰਿਸ਼ੀ ਵਿਗਿਆਨ ਕੇਂਦਰ, ਫਰੀਦਕੋਟ ਵਿਖੇ ਲੜਕੀਆਂ ਅਤੇ ਔਰਤਾਂ ਲਈ ਮਿਤੀ 1 ਜੂਨ 2026 ਤੋਂ 5 ਜੂਨ 2026ਤੱਕ 5 ਦਿਨਾਂ ਦਾ ‘ਕੱਪੜਿਆਂ ਦੀ ਪੇਂਟਿੰਗ- ਪਿੰ੍ਰਟਿੰਗ ਅਤੇ ਬੰਨਾਈ -ਰੰਗਾਈ’ ਸਿਖਲਾਈ ਕੋਰਸ ਡਾ. ਰਾਕੇਸ਼ ਕੁਮਾਰ, ਇੰਚਾਰਜ, ਕੇ ਵੀ ਕੇ, ਫ਼ਰੀਦਕੋਟ ਦੀ ਰਹਿਨੁਮਾਈ ਹੇਠ ਲਗਾਇਆ ਗਿਆ। ਇਸ ਵਿੱਚ ਕੋਟਕਪੂਰਾ, ਨਵਾਂ ਕਿਲ੍ਹਾ, ਨਾਨਾਕਸਰ ਬਸਤੀ ਅਤੇ ਫਰੀਦਕੋਟ ਤੋਂ 25 ਸਿਖਿਆਰਥੀਆਂ ਨੇ ਭਾਗ ਲਿਆ।ਇਸ ਮੌਕੇ ਡਾ. ਰਾਕੇਸ਼ ਕੁਮਾਰ ਨੇ ਸਿਖਿਆਰਥੀਆਂ ਨੂੰ ਕੇ. ਵੀ. ਕੇ. ਫਰੀਦਕੋਟ ਵਿਖੇ ਲੱਗਣ ਵਾਲੇ ਸਿਖਲਾਈ ਕੋਰਸਾਂ ਬਾਰੇ ਜਾਣਕਾਰੀ ਦਿੱਤੀ ਅਤੇ ਇਸ ਸਿਖਲਾਈ ਨੂੰ ਆਰਥਿਕ ਪੱਧਰ ਤੇ ਅਪਨਾਉਣ ਲਈ ਪ੍ਰੇਰਿਤ ਕੀਤਾ। ਡਾ. ਕਰਮਜੀਤ ਕੌਰ, ਸਹਾਇਕ ਪ੍ਰੋਫੈਸਰ (ਗ੍ਰਹਿ ਵਿਗਿਆਨ) ਨੇ ਕੱਪੜਿਆਂ ਦੀ ਪੇਂਟਿੰਗ- ਪਿੰ੍ਰਟਿੰਗ ਅਤੇ ਬੰਨਾਈ -ਰੰਗਾਈ ਤਕਨੀਕ ਨੂੰ ਕਿੱਤੇ ਵਜੋਂ ਅਪਨਾਉਣ ਸੰਬੰਧੀ ਲੋੜੀਂਦੀ ਜਾਣਕਾਰੀ ਦਿੱਤੀ। ਇਸ ਤੋਂ ਇਲਾਵਾ ਉਹਨਾਂ ਨੇ ਰੰਗ ਚੱਕਰ, ਰੰਗਾਂ ਦੇ ਸ਼ੇਡ ਬਣਾਉਣੇ, ਕੱਪੜੇ ਦੀ ਚੋਣ ਅਤੇ ਵੱਖ-ਵੱਖ ਆਰਟੀਕਲ ਤਿਆਰ ਕਰਨ ਬਾਰੇ ਵਿਸਥਾਰ ਨਾਲ ਦੱਸਿਆ।ਡਾ. ਕਰਮਜੀਤ ਕੌਰ ਅਤੇ ਮੈਡਮ ਨਵਦੀਪ ਕੌਰ ਸੰਧੂ (ਪ੍ਰੋਗਰਾਮ ਅਸਿਸਟੈਂਟ) ਨੇ ਕੱਪੜਿਆਂ ਦੀ ਪੇਂਟਿੰਗ- ਪਿੰ੍ਰਟਿੰਗ ਦੇ ਸਬੰਧ ਵਿੱਚ ਬਲਾੱਕ ਪਿੰ੍ਰਟਿੰਗ, ਸਕਰੀਨ ਪਿੰ੍ਰਟਿੰਗ, ਸਟੈੱਨਸਲ ਪ੍ਰਿੰਟਿੰਗ ਦੀ ਪ੍ਰੈਕਟੀਕਲ ਸਿਖਲਾਈ ਦਿੱਤੀ। ਇਸ ਤੋਂ ਇਲਾਵਾ ਕੱਪੜੇ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਬੰਨਣ, ਅਲੱਗ-ਅਲੱਗ ਰੰਗਾਂ ਦੀ ਵਰਤੋਂ ਕਰਕੇ ਰੰਗਣ ਅਤੇ ਆਰਟੀਕਲ ਜਿਵੇਂ ਦੁਪੱਟੇ, ਕਮੀਜ਼, ਚਾਦਰਾਂ, ਮੇਜ਼ ਕਵਰ, ਆਦਿ ਬਣਾਉਣ ਸੰਬੰਧੀ ਹੱਥੀਂ ਕੰਮ ਕਰਨ ਦੇ ਸਿਧਾਂਤ ਅਨੁਸਾਰ ਸਿਖਲਾਈ ਦਿੱਤੀ।ਇਸ ਕਿੱਤੇ ਵਿੱਚ ਮੁਹਾਰਤ ਹਾਸਲ ਕਰਨ ਲਈ ਸਿਖਆਰਥੀਆਂ ਨੇ ਵੱਖ-ਵੱਖ ਡਿਜ਼ਾਇਨਾਂ ਦੇ ਆਰਟੀਕਲ ਤਿਆਰ ਕੀਤੇ। ਲੜਕੀਆਂ ਅਤੇ ਔਰਤਾਂ ਨੇ ਇਸ ਕੋਰਸ ਦੌਰਾਨ ਬਹੁਤ ਦਿਲਚਸਪੀ ਨਾਲ ਸਿਖਲਾਈ ਲਈ ਅਤੇ ਇਸ ਜਾਣਕਾਰੀ ਨੂੰ ਆਮਦਨ ਵਧਾਉਣ ਦਾ ਜ਼ਰੀਆ ਬਣਾਉਣ ਲਈ ਉਤਸ਼ਾਹ ਦਿਖਾਇਆ।#punjabagriculturaluniversity #KrishiVigyanKendra #faridkot #KVK #Women #punjab #kisan #womensupportingwomen #📑ਸ਼ੇਅਰਚੈਟ ਜਾਣਕਾਰੀ 📑