_*🌶 ഇന്നത്തെ പാചകം 🍳*_ _*ചിക്കൻ പൊട്ടിത്തെറിച്ചത്*_ +-------+--------+---------+ _ഇന്നത്തെ പാചകത്തിൽ ഇന്ന് നാം ഒരു വ്യത്യസ്തമായ വിഭവം ആണ്‌ ഉണ്ടാക്കുന്നത്‌ .._ _ചിക്കൻ പൊട്ടിത്തെറിച്ചത്‌._ _പേര് പോലെത്തന്നെ ഒരു അഡാർ ഐറ്റമാണ് ഇത്._ _കാഴ്‌ചയ്‌ക്ക് ലോലിപോപ്പ് പോലെയും പാസ്ത പോലെയും നൂഡിൽസ് പോലെയുമൊക്കെ തോന്നിക്കുമെങ്കിലും ഈ നാലുമണി പലഹാരത്തിന്റെ ടേസ്റ്റ് ഒന്ന് വേറെ തന്നെയാണ്._ _കുട്ടികൾ ഏറെ ഇഷ്ടപ്പെട്ടു കഴിക്കുന്ന ഇവ വളരെ എളുപ്പത്തിൽ തയാറാക്കാം._ ________________________ 💥 _*ചിക്കൻ പൊട്ടിത്തെറിച്ചത്*_ 💥 ________________________ _*ആവശ്യം വേണ്ട സാധനങ്ങൾ*_ ______________________ _1. ചിക്കൻ ബ്രസ്റ്റ്- 200 ഗ്രാം_ _2. മഞ്ഞൾപ്പൊടി- ഒരു ടീസ്പൂൺ_ _3. ഇഞ്ചി-വെളുത്തുള്ളി ചതച്ചത് - ഒരു ടേബിൾസ്പൂൺ_ _4. ഗരം മസാല - അര ടീസ്പൂൺ_ _5. കശ്മീരി മുളക്‌പൊടി - ഒരു ടീസ്പൂൺ_ _6. നാരങ്ങാനീര്- രണ്ട്‌ ടേബിൾസ്പൂൺ_ _7. ഉപ്പ്- പാകത്തിന്_ _8. സമൂസ ഷീറ്റ്സ്- ആവശ്യത്തിന് (ഇത്‌ ചെറുതായി കട്ട് ചെയ്ത് എടുക്കുക)_ _9. മൈദ - രണ്ട്‌ ടേബിൾസ്പൂൺ_ _10. മുട്ട - ഒരെണ്ണം_ _______________________ _*തയ്യാറാക്കുന്ന വിധം*_ ________________________ _ആദ്യമായി ചിക്കൻ അധികം കട്ടിയില്ലാതെ നീളത്തിൽ മുറിച്ചെടുക്കുക. ഇനി ഒരു ചപ്പാത്തി റോളർ ഉപയോഗിച്ച് ഒന്ന് കുത്തി എടുക്കുക. ചിക്കൻ നേരെയായി കിട്ടാൻ വേണ്ടിയാണ് ഇങ്ങനെ ചെയ്യുന്നത്‌._ _ചിക്കനിൽ മുകളിൽ പറഞ്ഞിരിക്കുന്ന മസാലകൾ എല്ലാം ചേർത്ത് മാരിനേറ്റ് ചെയ്ത് 20 മിനിട്ട്‌ വയ്ക്കുക. ഇതിനുശേഷം ഒരു ബൗളിൽ രണ്ട് ടേബിൾസ്പൂൺ മൈദയും ഒരു മുട്ട ഉടച്ച് പതപ്പിച്ചതും നന്നായി മിക്സ് ചെയ്ത് ഇത് ചിക്കനിലേക്ക് ഒഴിച്ച് കൊടുക്കുക._ _ഓരോ ചിക്കൻ പീസ് എടുത്ത് സ്‌ക്യുവേർസിൽ കോർത്തെടുക്കുക. സമൂസ ഷീറ്റ് കട്ട് ചെയ്തതിൽ പൊതിഞ്ഞ് എടുത്തു ഫ്രൈ ചെയ്ത് എടുക്കുക. എണ്ണ ചൂടായാൽ തീ കുറച്ചു വേണം ഫ്രൈ ചെയ്യാൻ. അല്ലെങ്കിൽ ഷീറ്റിന്റെ നിറം പെട്ടെന്ന് മാറാൻ ഇടയുണ്ട്._ _ചിക്കൻ പൊട്ടിത്തെറിച്ചത് റെഡി. ഇത് ചൂടോടെ കഴിക്കുന്നതാണ് കൂടുതൽ രുചി._ +-----+-----+-----+-----+----+ #🍲 ഭക്ഷണപ്രേമി