#🗣️ਇੱਕ ਹਫ਼ਤਾ ਜਨਤਕ ਪ੍ਰੋਗਰਾਮਾਂ ਤੋਂ ਦੂਰ ਰਹਿਣਗੇ CM ਮਾਨ #👉🏻 ਰਾਜਨੀਤਿਕ ਅਪਡੇਟਸ 📰 #👉CM ਭਗਵੰਤ ਮਾਨ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਇਕ ਹਫਤੇ ਦੇ ਵਿਪਸ਼ਯਨਾ ਸਾਧਨਾ ਲਈ ਬੇਂਗਲੁਰੂ ਰਵਾਨਾ ਹੋ ਗਏ ਹਨ।ਇਸ ਦੌਰਾਨ ਇਕ ਨਿੱਜੀ ਕੁਦਰਤੀ ਸਿਹਤ ਕੇਂਦਰ ਵਿਚ ਰਹਿ ਕੇ ਕੁਦਰਤੀ ਇਲਾਜ, ਯੋਗ, ਧਿਆਨ ਤੇ ਵਿਸ਼ੇਸ਼ ਆਹਾਰ ਯੋਜਨਾ ਜ਼ਰੀਏ ਸਿਹਤ ਦਾ ਫਾਇਦਾ ਲੈਣਗੇ। ਸਰਕਾਰੀ ਸੂਤਰਾਂ ਮੁਤਾਬਕ ਉਨ੍ਹਾਂ ਦੀ ਗੈਰ-ਹਾਜ਼ਰੀ ਦੇ ਬਾਵਜੂਦ ਸਰਕਾਰ ਦਾ ਕੰਮਕਾਜ ਪਹਿਲਾਂ ਦੀ ਤਰ੍ਹਾਂ ਜਾਰੀ ਰਹੇਗਾ। ਮੁੱਖ ਮੰਤਰੀ ਪਿਛਲੇ ਕਾਫੀ ਸਮੇਂ ਤੋਂ ਲਗਾਤਾਰ ਸਿਆਸੀ ਪ੍ਰੋਗਰਾਮਾਂ, ਪ੍ਰਸ਼ਾਸਨਿਕ ਬੈਠਕਾਂ ਤੇ ਸਰਕਾਰੀ ਗਤੀਵਿਧੀਆਂ ਵਿਚ ਬਿਜ਼ੀ ਰਹੇ। ਲਗਾਤਾਰ ਯਾਤਰਾਵਾਂ ਤੇ ਬਿਜ਼ੀ ਸ਼ੈਡਿਊਲ ਦੇ ਚੱਲਦੇ ਉਨ੍ਹਾਂ ਨੂੰ ਥਕਾਵਟ ਦੀ ਸ਼ਿਕਾਇਤ ਹੋਈ ਸੀ। ਡਾਕਟਰਾਂ ਦੀ ਸਲਾਹ ‘ਤੇ ਉਨ੍ਹਾਂ ਨੇ ਇਕ ਹਫਤੇ ਦਾ ਸਿਹਤ ਪ੍ਰੋਗਰਾਮ ਤੈਅ ਕੀਤਾ ਹੈ। ਇਹ ਵੀ ਪੜ੍ਹੋ : ਰਾਜਾ ਵੜਿੰਗ ਬਣੇ ਰਹਿਣਗੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ, ਸੁਖਜਿੰਦਰ ਰੰਧਾਵਾ ਨੂੰ ਬਣਾਇਆ ਕੌਰ ਕਮੇਟੀ ਦਾ ਚੇਅਰਮੈਨ ਬੇਂਗਲੁਰੂ ਵਿਚ ਮੁੱਖ ਮੰਤਰੀ ਕੁਦਰਤੀ ਚਕਿਤਸਾ ਤਹਿਤ ਸਰੀਰ ਦੀ ਸ਼ੁੱਧੀ, ਯੋਗ, ਧਿਆਨ ਤੇ ਵਿਸ਼ੇਸ਼ ਖਾਣ-ਪਾਣ ਦਾ ਪਾਲਣ ਕਰਨਗੇ। ਇਸ ਦੌਰਾਨ ਮਾਹਿਰ ਡਾਕਟਰ ਦੀ ਨਿਗਰਾਨੀ ਵਿਚ ਉਨ੍ਹਾਂ ਦਾ ਰੈਗੂਲਰ ਸਿਹਤ ਪ੍ਰੀਖਣ ਵੀ ਕੀਤਾ ਜਾਵੇਗਾ। ਲੋੜ ਮੁਤਾਬਕ ਇਲਾਜ ਤੇ ਡਾਇਟ ਪਲਾਨ ਵਿਚ ਬਦਲਾਅ ਕੀਤਾ ਜਾ ਸਕਦਾ ਹੈ। ਬੇਂਗਲੁਰੂ ਰਵਾਨਾ ਹੋਣ ਤੋਂ ਪਹਿਲਾਂ ਮੁੱਖ ਮੰਤਰੀ ਨੇ ਸੂਬੇ ਦੀਆਂ ਕਈ ਮਹੱਤਵਪੂਰਨ ਵਿਕਾਸ ਯੋਜਨਾਵਾਂ ਦੀ ਸਮੀਖਿਆ ਕੀਤੀ। ਉਨ੍ਹਾਂ ਨੇ ਵੱਖ-ਵੱਖ ਯੋਜਨਾਵਾਂ ਨਾਲ ਜੁੜੇ ਕੰਮਾਂ ਦਾ ਉਦਘਾਟਨ ਕੀਤਾ ਤੇ ਅਧਿਕਾਰੀਆਂ ਨੂੰ ਜ਼ਰੂਰੀ ਨਿਰਦੇਸ਼ ਦਿੱਤੇ ਤਾਂ ਕਿ ਉਨ੍ਹਾਂ ਦੀ ਗੈਰ-ਹਾਜ਼ਰੀ ਵਿਚ ਵਿਕਾਸ ਕੰਮ ਪ੍ਰਭਾਵਿਤ ਨਾ ਹੋਣ।