#🍲 ഭക്ഷണപ്രേമി _*🌶️ ഇന്നത്തെ പാചകം 🍳*_ *ഉണക്കമുന്തിരി അച്ചാർ* +-----+-------+------+-----+ ```അച്ചാർ പലതരം ഉണ്ടെങ്കിലും സ്ഥിരമായി ഒരേ രുചി തന്നെയാണെങ്കിൽ മടുപ്പ് തോന്നിയേക്കാം. അങ്ങനെയെങ്കിൽ ഉണക്കമുന്തിരി അച്ചാർ തയ്യാറാക്കി നോക്കൂ. പായസത്തിൽ ഇടാൻ മാറ്റി സൂക്ഷിച്ച മുന്തിരി മിച്ചം വന്നാൽ ഇങ്ങനെ ചെയ്തെടുത്തോളൂ. എരിവും പുളിയും വരുന്ന രുചികരമായ റെസിപ്പിയാണ് ഇതിൻ്റേത്.``` _______________________ *ചേരുവകൾ* _______________________ _വെളിച്ചെണ്ണ- 4 ടേബിൾസ്പൂൺ_ _ഉണക്കമുന്തിരി- 100 ഗ്രാം_ _കടുക്- 1 ടീസ്പൂൺ_ _വറ്റൽമുളക്- 3 എണ്ണം_ _കറിവേപ്പില- ആവശ്യത്തിന്_ _ഇഞ്ചി വെളുത്തുള്ളി പേസ്റ്റ്- 1 ടീസ്പൂൺ_ _കാശ്മീരിമുളുകുപൊടി- 2 ടീസ്പൂൺ_ _പച്ചമുളക്- 1 എണ്ണം_ _മഞ്ഞൾപ്പൊടി- അരടീസ്പൂൺ_ _കായം- അരടീസ്പൂൺ_ _പുളി- 1 കപ്പ് കുതിരത്ത വെള്ളം_ _ശർക്കര- 3 -4 ടേബിൾസ്പൂൺ_ _വിനാഗിരി- 1 ടേബിൾസ്പൂൺ_ _ഉലുവയും കടുകും പൊടിച്ചത്- 1 ടേബിൾസ്പൂൺ_ _______________________ *തയ്യാറാക്കുന്ന വിധം* _______________________ ```അടി കട്ടിയുള്ള ഒരു പാത്രത്തിൽ നാല് ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കി 100 ഗ്രാം ഉണക്കമുന്തിരി ചേർത്ത് വറുത്തുമാറ്റുക. അതേ എണ്ണയിലേക്ക് ഒരു ടീസ്പൂൺ കടുക് ചേർത്ത് പൊട്ടിക്കുക. കടുക് പൊട്ടിയതിനു ശേഷം, മൂന്ന് വറ്റൽമുളക്, കുറച്ച് കറിവേപ്പില, ഇഞ്ചിയും വെളുത്തുള്ളിയും അരച്ചത് ഒരു ടീസ്പൂൺ, ഒരു പച്ചമുളക് അരിഞ്ഞത് എന്നിവ ചേർത്ത് വേവിക്കുക. അതിലേക്ക് രണ്ട് ടീസ്പൂൺ കാശ്മീരിമുളകുപൊടി, അര ടീസ്പൂൺ മഞ്ഞൾപ്പൊടിയും, അര ടീസ്പൂൺ​ കായവും ചേർത്തിളക്കുക. ഒരു കപ്പ് പുളിവെള്ളം ചേർത്ത് തിളച്ചു വരുമ്പോൾ മൂന്ന് ടേബിൾസ്പൂൺ ശർക്കര ലായനി ഒഴിച്ചിളക്കുക. ഇതിലേക്ക് വറുത്ത മുന്തിരി ചേർത്തിളക്കാം. അവസാനം ഒരു ടേബിൾസ്പൂൺ വിനാഗിരി, ഒരു ടേബിൾസ്പൂൺ​ കടുകും ഉലുവയും പൊടിച്ചത് എന്നിവ കൂടി ചേർത്തിളക്കി അടുപ്പിൽ നിന്നും മാറ്റാം. ഇനി വൃത്തിയുള്ള ഒരു പാത്രത്തിലേയ്ക്കു മാറ്റി സൂക്ഷിക്കാം.``` +-----+-------+------+-----+