#🙏 ഭക്തി Status #🙋‍♀️ എൻ്റെ സ്റ്റാറ്റസുകൾ #വാടാമലരുകൾ #❤ സ്നേഹം മാത്രം 🤗 #💑 സ്നേഹം ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 39* *നാവിൽ രുചിയേറും അമ്മയുടെ അന്നപ്രസാദം* *അമ്മയെ തൊഴാൻ വരുന്നവർക്ക് അമ്മ 365 ദിവസവും അന്നം പ്രസാദമായി തരുന്നു. ഒരിക്കൽ കഴിച്ചാൽ ജീവിതത്തിൽ ഒരിക്കലും മറക്കാൻ കഴിയാത്ത സ്വാദാണ് അമ്മയുടെ സന്നിധിയിലെ ഈ മഹാപ്രസാദത്തിന്.* *എന്നും ഉച്ചയ്ക്ക് 12 മുതൽ 2.30 വരേയും, രാത്രി 8 മണി മുതൽ 9.30 വരേയും ആണ് അന്നദാനം നല്കുന്നത്. ദാനമായി നൽകുന്നതാണ് എന്ന് കരുതി അതിനായി ഉപയോഗിക്കുന്ന അരിയാണെങ്കിലും പച്ചക്കറിയാണെങ്കിലും എണ്ണയാണെങ്കിലും , എല്ലാം തന്നെ മികച്ച ഗുണനിലവാരമുള്ളതാണ്. അത് ഭക്തർക്ക് വയറു നിറയെ കഴിക്കാം, കൊടുക്കുന്ന ഭക്ഷണം പാഴാക്കരുത് എന്ന ഒരു നിബന്ധന മാത്രം.* *അന്നദാനം ഹാളിൽ വരി നിന്ന് വേണം ഭക്ഷണം വാങ്ങാൻ, ആദ്യം കഴുകി വൃത്തിയാക്കി വെച്ച പ്ലേറ്റ് നമ്മൾ തന്നെ എടുക്കണം, അതിൽ വിളമ്പുന്നവർ ആദ്യം അച്ചാറും പിന്നെ ഒരു രണ്ടാം കൂട്ടാനും തരും. അതിന് ശേഷം ചോറും രസവും വിളമ്പും, അതെടുത്ത് അവിടെ വിശാലമായ ഹാളിൽ താഴെ എവിടെ വേണമെങ്കിലും ഇരുന്ന് കഴിക്കാം. പ്രായമായവർക്കും ഭിന്നശേഷിക്കാർക്കും ഇരുന്നു കഴിക്കാനായി ടേബിളും കസേരകളും ലഭ്യമാണ്. കുടിക്കാൻ വെള്ളം ഗ്ലാസിൽ ഒഴിച്ചു വച്ചത് നമ്മൾ തന്നെ എടുക്കണം.* *ആദ്യം വിളമ്പിയത് കഴിഞ്ഞാൽ അടുത്ത കൗണ്ടറിൽ പോയി വീണ്ടും ചോറും അതിന്മേൽ സാമ്പാറും, പിന്നീട് മോരും പായസവും എല്ലാം ഇഷ്ടംപോലെ ലഭിക്കും. ശരിക്കും ആസ്വദിച്ചു കഴിക്കാം.* *ആ ഒരു പ്രസാദം, അതും ആവി പോവുന്ന നല്ല ചൂടോടെയുള്ള അതിൻ്റെ രുചി ഒന്ന് വേറെ തന്നെയാണ് ട്ടോ. അതിൽ അമ്മയുടെ സ്നേഹം വാത്സല്യം എല്ലാം ഉൾക്കൊള്ളുന്നു. മൂകാംബികയിൽ പോവുന്നവർ ദയവായി ഒരിക്കലെങ്കിലും ഈ മഹാ പ്രസാദം കഴിക്കണം. അതൊരു പുണ്യമാണ്.* *തുടരും......* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*