✍️ ഇന്ന് 09 ജൂൺ 2026. ഈ ഭൂമിയിലെ എന്റെ മുഴുവൻ ജീവിതത്തിന്റെ ദിവസങ്ങളെ കണക്കാക്കുമ്പോൾ എന്റെ യേശുവിനെ രക്ഷിതാവും നാഥനുമായി വിശ്വസിച്ചു ഏറ്റുപറഞ്ഞു ജീവിതത്തിലേക്ക് സ്വീകരിച്ച് സമ്പൂർണ്ണമായി ക്രിസ്തുവിന് എന്നെതന്നെ സമർപ്പിച്ചിട്ട് നാളിതുവരെ 49.25% ദിവസങ്ങൾ പിന്നിടുന്നു.( ജീവിതത്തിന്റെ പകുതിയോളം ). ദൈവത്തോട് ഒത്തൊരുമിച്ചുള്ള ജീവിതയാത്രയിൽ ഞാൻ അനുഭവിച്ചറിഞ്ഞ എന്റെ ജീവിതാനുഭവ സാക്ഷ്യം ഇതാണ്. ദൈവത്തോട് അവിടുത്തെ ആഗ്രഹത്തിനനുസരിച്ച് സമർപ്പിക്കുവാൻ നമ്മെത്തന്നെ വിട്ടുകൊടുക്കുമ്പോൾ ആദ്യം ലഭിക്കുന്നത് സ്വന്തം കുടുംബത്തിൽ നിന്നും, ബന്ധുമിത്രാദികളിൽ നിന്നും, സഹോദരങ്ങളിൽ നിന്നും, സഹപ്രവർത്തകരിൽ നിന്നും, ഔദ്യോഗിക മേഖലകളിൽ നിന്നും നിരന്തരമായി ഉണ്ടാകപ്പെടുന്ന പിന്തുണയില്ലായ്മയും, വെറുപ്പും, വിദ്വേഷവും, ഒറ്റപ്പെടുത്തലും, പരിഹാസവും, മാനസിക സംഘർഷങ്ങളും ആണ്. ഇവിടെയൊക്കെ ദുഷ്‌ടന്റെ ജ്വലിക്കുന്ന കൂരമ്പുകളെ കെടുത്തുന്നതിന്‌ നമ്മേ ശക്‌തരാക്കുന്ന വിശ്വാസത്തിന്റെ പരിച എടുത്തുകൊണ്ട് ദീർഘമായി ക്ഷമിച്ചും തിരിച്ചൊന്നും പ്രതികരിക്കാതെ സമാധാനത്തോടെയും ഉൾ മനസ്സുകൊണ്ട് പ്രാർത്ഥനയോടെയും മുന്നോട്ടുപോവാൻ കഴിയുമ്പോഴാണ് ദൈവഹിതമനുസരിച്ചു ശത്രുക്കളായി ഇപ്രകാരം പ്രത്യക്ഷപ്പെടുന്നവരുടെ മുമ്പിൽ ഏറ്റവും നല്ല വെളിച്ചമായി നമുക്ക് പ്രകാശിക്കുവാൻ സാധിക്കുന്നത്. ഞാൻ നിരന്തരം എനിക്ക് കാരണമില്ലാതെ ശത്രുക്കളായി തീർന്നവർക്ക് വേണ്ടി അവരിൽ കുടികൊള്ളുന്ന സാത്താന്റെ കുടിലതന്ത്രങ്ങളെ എതിര്‍ത്തുനില്‍ക്കാന്‍ ദൈവത്തിൽ സമർപ്പിച്ചുകൊണ്ട് അവരുടെ കരുണയ്ക്ക് വേണ്ടിയും, മാനസാന്തരത്തിനു വേണ്ടിയും, ദൈവത്തിന് ഏറ്റവും പ്രയോജനപ്പെട്ട മക്കളായി അവർ മാറ്റപ്പെടുന്നതിന് വേണ്ടിയും സഹിച്ചും ക്ഷമിച്ചും എല്ലാം ഉള്ളിലൊതുക്കിക്കൊണ്ട് പ്രാർത്ഥനയോടെ ദൈവത്തിന്റെ വചനം മനസ്സിൽ ഉരുവിട്ട് നാളിതുവരെയും പരാതികൾ ഇല്ലാതെ ഞാൻ യാത്ര തുടരുന്നു. എന്നാൽ, എന്നെ എവിടെയൊക്കെ ആരൊക്കെ ഒറ്റപ്പെടുത്തിയോ അവരുടെയൊക്കെ ഇടയിലെ ഏറ്റവും ഉയർന്ന സ്ഥാനത്ത് അവർ തന്നെ എന്നെ വീണ്ടും ക്ഷണിച്ചു കൂട്ടിക്കൊണ്ടു പോകുവാനും, അവർക്ക് വേണ്ടി പ്രാർത്ഥിക്കുന്നതിന് ആവശ്യപ്പെടുകയും, സ്വയം ശത്രുക്കളായവർ ഇപ്പോൾ മിത്രങ്ങളായി തീർന്നും മാറിക്കൊണ്ടിരിക്കുന്നു എന്നതാണ് ഞാൻ അനുഭവിച്ചറിഞ്ഞു കൊണ്ടിരിക്കുന്ന ഏറ്റവും വലിയ സത്യം. എനിക്ക് നിങ്ങളോട് പറയുവാൻ ഉള്ളത് ഇതാണ്, ജീവിതത്തിന്റെ മുന്നോട്ടുള്ള പ്രയാണത്തിൽ എന്ത് സംഭവിച്ചാലും അത് ദൈവത്തിന്റെ പദ്ധതിയാണെന്ന് വിശ്വസിച്ച്, അവിടുത്തെ കരങ്ങളിലേക്ക് ജീവിതത്തെ വിട്ടുകൊടുക്കുകയും ജീവിതത്തലുണ്ടാകുന്ന ഏത് വലിയ കൊടുങ്കാറ്റുകളിലും തിരമാലകളിലും പതറാതെ, ദൈവത്തിന്റെ സാന്നിധ്യത്തിലും സംരക്ഷണത്തിലും ആശ്രയിക്കുകയും . ദൈവത്തിനുവേണ്ടി വലിയ കാര്യങ്ങൾ ചെയ്യുന്നതിനേക്കാൾ, ചെറിയ കാര്യങ്ങളിൽ പോലും ദൈവകൃപ തിരിച്ചറിഞ്ഞ് നന്ദിയുള്ളവരായിരിക്കുകയും ആവശ്യങ്ങൾ ചോദിക്കുന്നതിനപ്പുറം, ദൈവവുമായി നിരന്തരമായ ഹൃദയബന്ധം സ്ഥാപിക്കുകയും, തളർത്തുന്നവർക്ക് വേണ്ടി ഒറ്റപ്പെടുത്തുന്നവർക്കുവേണ്ടി ക്ഷമിക്കുകയും മാപ്പ് കൊടുത്തുകൊണ്ട് പ്രാർത്ഥിക്കുകയും വചന അടിസ്ഥാനത്തിൽ ഹൃദയത്തിൽ ആഴപ്പെട്ട ദൈവ വിശ്വാസം പ്രതീക്ഷയോടെ ഉറപ്പിക്കുകയും ചെയ്യുക എന്നതായിരിക്കണം പരമപ്രധാനം. ദൈവം നിങ്ങളെയും നിങ്ങളുടെ കുടുംബത്തെയും സമൃദ്ധമായി അനുഗ്രഹിക്കട്ടെ! സമർപ്പണം : ബിനോജ് ബാബു ദി ഹാപ്പി ഫാമിലി #🙋‍♀️ എൻ്റെ സ്റ്റാറ്റസുകൾ #😇 ഇന്നത്തെ ചിന്താവിഷയം