*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷🌷జూన్ 6🌷🌷🌷* *"యెహోవా సన్నిధిలో నుండి..పారిపోవలెనని యోనా" లేచెను (యోనా 1:3)* యోనా కథ, నిజముగా జరిగిన కథ. ఇది పరిశుద్ధాత్మ ద్వారా పరిశుద్ధ గ్రంథములో వ్రాయబడినది. ఆయన పరిసయ్యులతో మాట్లాడుచున్నప్పుడు ప్రభువైన యేసు క్రీస్తు యోనాను గూర్చిన సంఘటన ఎత్తి మాట్లాడెను. మనము ఆయన చెంతకు వచ్చు వరకు, ఆయన మార్గములను అర్ధము చేసికొను వరకు ప్రేమ గల దేవుడు మనలను వెదకుటలో ఆయన ప్రేమను, ఓపికను ఎట్లు కనబరచునో ఇది మనకు తెలియజేయు చున్నది. కానీ, మనము మన బుద్ధిహీనతను బట్టి ఆయన యొద్ద నుండి పారిపోవుటకు చూచుదుము. ఆయనకు విధేయత చూపుట కంటే దేవుని యొద్ద నుండి పారిపోవుట ద్వారానే బాగుగా నుందుమని అనుకొందుము. దేవుడు, యోనాకు నీనెవె పట్టణమునకు పోయి పశ్చాత్తాపమును గూర్చి బోధించు గొప్ప బాధ్యతను అప్పగించెను (యోనా 1:1,2) నిజముగా, దేవుని జతపనివానిగా నుండుట గొప్ప ఆధిక్యత, ఘనత. ఎంత గొప్ప ఘనతను, ఆధిక్యతను దేవుడు తనకు అప్పగించెనో యోనా గ్రహించలేకపోయెను. కృతజ్ఞత కలిగి యుండుటకు బదులు అతడు పారిపోవుచుండెను. ఆకస్మికముగా ఒక గుమస్తాకు రాష్ట్ర గవర్నరుగా ఉన్నత పదవి వచ్చినదనుకొందాము. అప్పుడతడు ఆ పదవిని తిరస్కరించునా? లేదు. అతడు సంతోషముతో, కృతజ్ఞతతో దానిని అంగీకరించును. దేవుడు యోనాకు నీనెవె పట్టణస్థులకు పశ్చాత్తాపమును గూర్చి బోధించుమని , ఆజ్ఞాపించెనని స్పష్టముగా తెలియుచున్నది. తాను సాక్ష్య మిచ్చినట్లు యోనా దేవుని యందు భయభక్తులు గలవాడు (యోనా 1;9) కానీ అతడు దేవునికి అవిధేయతను చూపి, ఆయన సన్నిధిలో నుండి పారిపోయెను. యోనా దేవుడు తన కప్పగించిన ఆ ఘనమైన పని నుండి పారిపోయినట్లు అనేకమంది యవ్వనస్థులు లోక సంబంధమైన లాభము కొరకు, సుఖభోగముల కొరకు దేవుని ఆజ్ఞను లక్ష్యము చేయక పారిపోవుదురు. ప్రభువు చేత ఎంతమంది యవ్వనస్థులు ఆయన సేవకు పిలువబడిరి? కానీ వారు ఉద్యోగము చేయుచు ఇంకా మేలైన రీతిలో సేవచేయ వచ్చునని తలంచుదురు. వారు దేవునికి అవిధేయత చూపించుట ద్వారా ఎంత నష్టము కలిగినదో తరువాత తెలిసి కొందురు. ఎవరైతే దేవుని గూర్చిన లోతైన అనుభవము కలిగి యుండరో వారు ఆయన తమతో ఏమి చెప్పుచున్నాడో అర్థము చేసికొనలేరు. అందువలననే వారు సంపూర్ణ విధేయతను చూపించరు. అదే విధముగా అనేకులు దేవునికి భయపడుదురు గాని, ఆయన చిత్తమును, ఆయన మార్గములను వారు అర్ధము చేసికొనలేరు. అందువలననే వారు దేవుని చిత్తమునకు వ్యతిరేకముగా అనేక పనులు చేయుదురు. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝