அமெரிக்காவின் Baltimore நகரில் “டாக்டர் Z” என்று அன்புடன் அழைக்கப்பட்ட Michael Zollicoffer, கிட்டத்தட்ட 40 ஆண்டுகளாக பல குடும்பங்களுக்கு இலவசமாக மருத்துவ சேவை வழங்கினார். அவர் நோயாளிகளிடம் கூடுதல் கட்டணம் (copay) கேட்காமல், அவசர நேரங்களில் தொடர்புகொள்ள தனது சொந்த தொலைபேசி எண்ணையும் வழங்கியிருந்தார். ஆனால், அவருக்கே இரண்டு வகையான புற்றுநோய்கள் கண்டறியப்பட்டபோது, ஆவணப் பிழை காரணமாக அவரது மருத்துவக் காப்பீடு ரத்து செய்யப்பட்டது. இதனால், 1.5 லட்சம் அமெரிக்க டாலர்களுக்கும் அதிகமாக செலவாகும் கதிர்வீச்சு சிகிச்சையை (Radiation Therapy) பெற முடியாத நிலை ஏற்பட்டது. அப்போது, பல ஆண்டுகளாக அவர் உதவி செய்த சமூக மக்களே அவருக்கு துணையாக நின்றனர். 3,400-க்கும் மேற்பட்டோர் GoFundMe நிதி திரட்டும் முயற்சியில் பங்களித்து, 2.5 லட்சம் அமெரிக்க டாலர்களுக்கும் அதிகமான தொகையை அவரது மருத்துவச் செலவுகளுக்காக திரட்டினர். உடல்நலப் பிரச்சினைகளை எதிர்கொண்டபோதும், டாக்டர் Z தினமும் தனது நோயாளிகளுக்கு சேவை செய்து கொண்டே இருந்தார். அவரது கருணை, அர்ப்பணிப்பு மற்றும் மனஉறுதியை பாராட்டும் வகையில், அவரது கதை அமெரிக்க காங்கிரஸ் பதிவுகளிலும் இடம்பெற்று கௌரவிக்கப்பட்டது. #😍எமோஷனல் ஸ்டேட்டஸ்