#😱चिंताजनक! हंता वायरस बदल माहिती🔴 जगभरात पुन्हा एकदा संसर्गजन्य आजाराबाबत चिंता वाढली असून हंता व्हायरस चर्चेत आला आहे. जागतिक आरोग्य संघटना (WHO) च्या माहितीनुसार, या संसर्गामुळे काही रुग्णांचा मृत्यू झाला असून आरोग्य यंत्रणा सतर्क झाली आहे. हंता व्हायरस प्रामुख्याने उंदीर आणि इतर कुरतडणाऱ्या प्राण्यांच्या लघवी, विष्ठा किंवा लाळेच्या संपर्कातून माणसांमध्ये पसरतो. माणसाकडून माणसात प्रसार होण्याची शक्यता अत्यंत कमी असली तरी काही दुर्मिळ प्रकरणे समोर आली आहेत. तज्ज्ञांच्या माहितीनुसार, या व्हायरसमुळे दोन प्रकारचे गंभीर आजार होऊ शकतात. एक म्हणजे फुफ्फुसांवर परिणाम करणारा ‘पल्मोनरी सिंड्रोम’, ज्यामध्ये ताप, थकवा, स्नायू दुखणं, उलट्या-जुलाब यांसारखी सुरुवातीची लक्षणं दिसतात. पुढे जाऊन रुग्णाला श्वास घेण्यास गंभीर त्रास होऊ शकतो. दुसरा प्रकार किडनीवर परिणाम करणारा असून यात ताप, डोकेदुखी, अंगावर पुरळ, लो ब्लड प्रेशर आणि रक्तस्राव अशी लक्षणं दिसतात. सध्या या आजारावर कोणताही ठोस उपचार उपलब्ध नसून रुग्णांना लक्षणांनुसार उपचार (सपोर्टिव्ह केअर) दिली जाते. श्वसनाचा त्रास वाढल्यास ऑक्सिजन किंवा व्हेंटिलेशनची मदत दिली जाते, तर किडनीवर परिणाम झाल्यास डायलिसिसची गरज भासू शकते. आरोग्य तज्ज्ञांनी नागरिकांना स्वच्छतेची काळजी घेण्याचे, उंदीर किंवा अशा प्राण्यांच्या संपर्कापासून दूर राहण्याचे आणि संशयास्पद लक्षणं दिसल्यास तात्काळ डॉक्टरांचा सल्ला घेण्याचे आवाहन केले आहे. #trending #🔴आजचे ताजे अपडेट्स📰 #ताज्या बातम्या . #ब्रेकिंग न्यूज