*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷🌷జూన్ 4🌷🌷🌷* *“శాంతి మీకనుగ్రహించి వెళ్ళు చున్నాను, నా శాంతినే మీకనుగ్రహించు చున్నాను ” (యోహాను 14:27)* “నీవు నిజమైన సమాధానమును కనుగొంటివా?” అను సామాన్యమైన ప్రశ్నను నీకు వేయగోరుచున్నాను. రక్షించబడి నప్పటికిని, శత్రువు మోసగించుటచే అనేకులకు నిజమైన సమాధానము లేదు. వారు రక్షించ బడితిమి, తిరిగి జన్మించితిమని చెప్పినప్పటికిని వారి జీవితము, వారి అనుభవమును బట్టి ఎక్కడో ఏదో లోపమున్నట్లు అనిపించును. ప్రభువైన యేసు క్రీస్తు సమాధాన మిచ్చుటకే ఈ లోకమునకు వచ్చెను. యెషయా తన ప్రవచనములో యేసు ప్రభువు యొక్క జననము, జీవితము, శ్రమ, మరణము, పునరుర్ధానము, రెండవ రాకడను గురించిన అతి సూక్ష్మమైన విషయములను స్పష్టముగా ప్రవచించెను. అనేక పేర్లలో యెషయా 9:6 లో ఆయన “సమాధానకర్త యగు అధిపతి” అని పేర్కొనబడెను. ఆయనలో, ఆయన వలన, ఆయన ద్వారా మాత్రమే, మానవులు నిజమైన సమాధానమును కనుగొనగలరు. ఆయన బెత్లేహేములో జన్మించినప్పుడు అదే వర్తమానము పరలోక సైన్య సమూహము చేత భూమి మీదకు తీసికొని రాబడెను. “సర్వోన్నతమైన స్థలములలో దేవునికి మహిమయు ఆయన కిష్టులైన మనుష్యులకు భూమి మీద సమాధానము కలుగును గాక” (లూకా. 2:14) ఆయన పునరుర్దానుడైన తరువాత తన శిష్యులకు మొట్టమొదట ఇచ్చిన వర్తమానము, “మీకు సమాధానము కలుగును గాక!” (యోహాను 20:19,21) ఆ శిష్యులు భయముతో నిండిన వారగుటచే, తలుపులు, కిటికీలు మూసికొని దాగుకొని యుండిరి. అకస్మాత్తుగా ప్రభువైన యేసు క్రీస్తు లోపలికి వచ్చి “మీకు సమాధానము కలుగును గాక! అని పలికెను. ఆయన యోహాను 14 వ అధ్యాయములో ఏమైతే చెప్పెనో అదే ఇప్పుడు తిరిగి చెప్పబడు చున్నది. ఆ సమాధానము తమది కూడా అగునట్లు ఆయన తమ నిమిత్తము శ్రమపడెనని వారప్పుడు గ్రహించిరి. ఒకవేళ నీవు బైబిలు అంతయు ఎరిగియుండ వచ్చును. యేసు క్రీస్తు ప్రభువు నామమున నీ ద్వారా, నీ చుట్టూ అనేక అద్భుతములు జరిగి యుండుట కూడా నీవు చూచి యుండ వచ్చును. అయినప్పటికిని నీవు నిజమైన సమాధానము కనుగొంటివా? నిజమైన సమాధానముమును పొందితిని అని నీవు యధార్ధముగా, నమ్మకముగా చెప్పగలవా? అపొస్తలుడైన పౌలు యొక్క పత్రికలన్నియు “కృపా సమాధానములు” అను పదములతో ఆరంభమైనవి. దాని అర్ధమేమనగా దేవుని కృప, దేవుని సమాధానము కలసి వెళ్ళును. కృప ఎంత అధికమైన, సమాధానమంత అధిక మగును. సమాధానమెంత అధికమైన కృప అంత అధిక మగును. లోక సంభంధమైన సమాధానము ద్వారా చాల మంది మోసగించబడిరి. కాని “లోక మిచ్చునట్టుగా నేను మీ కనుగ్రహించుట లేదు”. అని మన ప్రభువు చెప్పుచున్నాడు. రోమా. 16:20లో “సమాధాన కర్తయగు దేవుడు సాతానును మీ కాళ్ళ క్రింద శీఘ్రముగా చితుక త్రొక్కించును.” అని చదువుదుము . *బైబిలు జ్ఞానము, దీర్ఘ ప్రార్ధనలు , కలలు, అద్భుతముల ద్వారా మనము సాతానును ఓడించలేము. సమాధాన కర్తయగు దేవుడే సాతానును మన కాళ్ళ క్రింద శీఘ్రముగా చితుక త్రొక్కించునని లేఖనము చెప్పుచున్నది. అందువలననే సాతాను మన సమాధానమును భంగపరచవలెనని ప్రయత్నించును. దయచేసి, నీవు నిజమైన సమాధానమును కనుగొంటినని రూడి పరచుకొనుము, లేని యెడల సాతాను యొక్క కుయుక్తి లేక ఉపాయము ద్వారా నీవు ఓడించబడుదువు.* ఇంకను ముందుకు చూచిన, రోమా 14:17 లో “ దేవుని రాజ్యము నీతియు, సమాధానమును పరిశుద్ధాత్మ యందలి ఆనందమునై యున్నది” అని వ్రాయబడి యున్నది. నీ సమాధానము మీదనే దేవుని రాజ్యమునందలి నీ పాలి భాగము ఆధారపడియున్నది. నీతి, సమాధానమును కలుగ జేయును (యెషయా 32:17) పైకి కనబడు దానిని బట్టి నీవు నీతిమంతుడవు లేక మంచివాడవు కాలేవు. *పైకి నీవు మంచి వాడవుగా కనబడవచ్చును, అయితే ఆంతరంగికముగా నీ హృదయములో సాతాను సింహాసనము ఉండి యుండవచ్చును.* “నిరీక్షణకర్తయగు దేవుడు విశ్వాసము ద్వారా సమస్తానందము తోను, సమాధానముతోను, మిమ్మును నింపును గాక” (రోమా 15:13) నీవు నిజమైన సమాధానమును కనుగొనినప్పుడే దేవుని శక్తి నీలో సంపూర్ణముగా పనిచేయగలదు. అట్టి నిజమైన సమాధానమును నీవు కనుగొనని యెడల నీవు సరియైన విధముగా ప్రార్ధించలేవు. నీవు నిజమైన సమాధానమును కనుగొనని యెడల, సాతానును సులభముగా ఓడించ లేవు. అంతరంగములో నిజమైన సమాధానమును కలిగి యుండుట వలన మాత్రమే నీవు దేవుని స్వరమును వినగలవు. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝