പെട്രോളിയം ഉൽപ്പന്നങ്ങൾക്ക് വിലകൂട്ടി കേന്ദ്രസർക്കാർ നടത്തുന്ന ജനദ്രോഹ നടപടികൾ കേരളത്തെ വിലക്കയറ്റത്തിലേക്ക് തള്ളിവിടുന്നു. നിത്യോപയോഗ സാധനങ്ങളുടെ വില കുതിച്ചുയരുമ്പോൾ സപ്ലൈകോ, മാവേലി സ്റ്റോറുകളിൽ സാധനങ്ങൾ കുറഞ്ഞത്‌ സാധാരണക്കാരെ പ്രതിസന്ധിയിലാക്കി. ഇന്ധനവില വർധനയിലൂടെ ലഭിക്കുന്ന അധിക നികുതി വരുമാനത്തിൽനിന്ന് പത്ത് രൂപയെങ്കിലും കുറയ്ക്കാൻ തയ്യാറാകാത്ത സംസ്ഥാന സർക്കാരിന്റെ നിലപാട്‌ ജനങ്ങളോടുള്ള വെല്ലുവിളിയാണ്‌. തമിഴ്‌നാട്ടിൽനിന്ന്‌ പച്ചക്കറി വരവ് കുറഞ്ഞതും ചരക്കുവണ്ടി വാടക 20 ശതമാനം വർധിച്ചതും വിപണിയെ തകിടം മറിച്ചു. ചൊവ്വാഴ്ച മൊത്തവ്യാപാര നിരക്കനുസരിച്ച് ഇഞ്ചി വില 80ൽനിന്ന് 160 ആയി. പയർ 120, ചെറിയ ഉള്ളി 90, വഴുതനങ്ങ 60, വെണ്ടയ്ക്ക 50 എന്നിങ്ങനെ വില ഉയർന്നു. കോളിഫ്ലവർ, കാബേജ്, വെള്ളരിക്ക എന്നിവയ്ക്ക് കിലോഗ്രാമിന് 20 രൂപ വീതം കൂടി. പാമോയിലിന് 165 രൂപയും സൺഫ്ലവർ ഓയിലിന് 135 രൂപയുമായപ്പോൾ ബിരിയാണി അരിവില 120ൽനിന്ന്‌ 140 ആയി. മട്ടന് 1100 രൂപയും പോത്തിറച്ചിക്ക് 500 രൂപയും ബീഫിന് 450 രൂപയും കോഴിക്ക് 175 രൂപയുമാണ് പുതിയ നി�രക്ക്. വാണിജ്യ സിലിണ്ടർ വില വർധിപ്പിച്ചത് ഹോട്ടൽ ഭക്ഷണവില ഇനിയും ഉയർത്തും. 19 കിലോ സിലിണ്ടറിന് 53.50 രൂപവരെയാണ്‌ കൂട്ടിയത്‌. തലസ്ഥാനത്ത്‌ 3,152 രൂപയാണ്‌ വില. നിർമാണ മേഖലയിൽ കന്പി, സിമന്റ് എന്നിവയ്ക്ക് വില ഉയർന്നതിനൊപ്പം ടാർ വിലവർധന റോഡ് നിർമാണ പ്രവർത്തനങ്ങളെയും ബാധിച്ചു. #🆕 ലേറ്റസ്റ്റ് അപ്ഡേറ്റ്