సుబ్రహ్మణ్య స్వామి స్తోత్రం 🙏🏵️🙏 ఓం ఆదిత్యవిష్ణువిఘ్నేశరుద్రబ్రహ్మమరుద్గణాః | లోకపాలాః సర్వదేవాః చరాచరమిదం జగత్ || సర్వం త్వమేవ బ్రహ్మైవ అజమక్షరమద్వయమ్ | అప్రమేయం మహాశాంతం అచలం నిర్వికారకమ్ || నిరాలంబం నిరాభాసం సత్తామాత్రమగోచరమ్ | ఏవం త్వాం మేధయా బుద్ధ్యా సదా పశ్యంతి సూరయః || ఏవమజ్ఞానగాఢాంధతమోపహతచేతసః | న పశ్యంతి తథా మూఢాః సదా దుర్గతి హేతవే || విష్ణ్వాదీని స్వరూపాణి లీలాలోకవిడంబనమ్ | కర్తుముద్యమ్య రూపాణి వివిధాని భవంతి చ || తత్తదుక్తాః కథాః సమ్యక్ నిత్యసద్గతిప్రాప్తయే | భక్త్యా శ్రుత్వా పఠిత్వా చ దృష్ట్యా సంపూజ్య శ్రద్ధయా || సర్వాన్కామానవాప్నోతి భవదారాధనాత్ఖలు | మమ పూజామనుగ్రాహ్య సుప్రసీద భవానఘ || చపలం మన్మథవశమమర్యాదమసూయకమ్ | వంచకం దుఃఖజనకం పాపిష్ఠం పాహి మాం ప్రభో || సుబ్రహ్మణ్యస్తోత్రమిదం యే పఠంతి ద్విజోత్తమాః | తే సర్వే ముక్తిమాయాంతి సుబ్రహ్మణ్య ప్రసాదతః . #🌅శుభోదయం #🌷బుధవారం స్పెషల్ విషెస్ #🙏🏻బుధవారం భక్తి స్పెషల్ #🦚🙏ఓం శరవణ భవః🕉️🚩 #🦚శ్రీ సుబ్రహ్మణ్యేశ్వర స్వామి🕉️🚩