#🤬भयानक! 9 महिन्याच्या मुलीवर अत्याचार➡️ उत्तर प्रदेशातील गोरखपुर जिल्ह्यात 12 वर्षांच्या मुलाने 9 महिन्याच्या भाचीवर बलात्कार केल्याचा धक्कादायक प्रकार घडला आहे. पोलिसांनी दिलेल्या माहितीनुसार, आरोपीने आधी दारु पिऊन आपल्या मोबाईलवर पॉर्न व्हिडीओ पाहिले. यानंतर त्याने बहिणी शेजारी झोपलेल्या 9 महिन्याच्या भाचीला उचलून घरा बाहेर नेलं. जवळपास 500 मीटर दूर शेतात नेऊन तिच्यावर अत्याचार केला. एवढंच नव्हे तर त्या मुलीला तिथेच सोडून निघून गेला. आता या 9 महिन्यांच्या मुलीवर रुग्णालयात उपचार सुरु आहे. उपचारा दरम्यान घडलं सत्य सूत्रांनी सांगितले की, कुटुंबियांनी तिला तात्काळ सामुदायिक आरोग्य केंद्रात नेले, जिथे तिची प्रकृती खालावल्याने तिला गोरखपूर वैद्यकीय महाविद्यालयात पाठवण्यात आले. डॉक्टरांनी सांगितले की, वैद्यकीय तपासणीत मुलीवर बलात्कार झाला असून तिची प्रकृती गंभीर असल्याचे म्हटले जात आहे. चौकशीदरम्यान पोलिसांना पीडितेच्या नातेवाईक असलेल्या एका 12 वर्षांच्या मुलावर संशय आला. त्यांनी सांगितले की, तीन दिवसांपूर्वी चंदीगडहून आलेल्या त्या मुलाची पोलिसांनी चौकशी केली असता, त्याने सुरुवातीला त्यांची दिशाभूल करण्याचा प्रयत्न केला, परंतु नंतर त्याने मुलीवर बलात्कार केल्याची कबुली दिली.