#🙏ଜୟ ମା ଦୁର୍ଗା #ନମୋ ଭଗବତେ ବାସୁଦେବାୟ #🙏ଜୟ ମା' ସରସ୍ଵତୀ📔 #🙏ଜୟ ମା ସନ୍ତୋଷୀ🙏 #🤰ମୋ ମା'🤗 ଲଳିତା ପଞ୍ଚକମ୍ 🔱💥* ଓଁ ପ୍ରାତଃ ସ୍ମରାମି ଲଳିତାବଦନାରବିନ୍ଦଂ ବିମ୍ବାଧରଂ ପୃଥୁଳମୌକ୍ତିକଶୋଭିନାସମ୍ । ଆକର୍ଣ୍ଣଦୀର୍ଘନୟନଂ ମଣିକୁଣ୍ଡଳାଢ୍ୟଂ ମନ୍ଦସ୍ମିତଂ ମୃଗମଦୋଜ୍ଜ୍ୱଳଭାଲଦେଶମ୍ ॥ ୧॥ ପ୍ରାତର୍ଭଜାମି ଲଳିତାଭୁଜକଳ୍ପବଲ୍ଲୀଂ ରତ୍ନାଙ୍ଗୁଳୀୟଲସଦଙ୍ଗୁଳିପଲ୍ଲବାଢ୍ୟାମ୍ । ମାଣିକ୍ୟହେମବଳୟାଙ୍ଗଦଶୋଭମାନାଂ ପୁଣ୍ଡ୍ରେକ୍ଷୁଚାପକୁସୁମେଷୁସୃଣୀଃଦଧାନାମ୍ ॥ ୨॥ ପ୍ରାତର୍ନମାମି ଲଳିତାଚରଣାରବିନ୍ଦଂ ଭକ୍ତେଷ୍ଟଦାନନିରତଂ ଭବସିନ୍ଧୁପୋତମ୍ । ପଦ୍ମାସନାଦିସୁରନାୟକପୂଜନୀୟଂ ପଦ୍ମାଙ୍କୁଶଧ୍ୱଜସୁଦର୍ଶନଲାଞ୍ଛନାଢ୍ୟମ୍ ॥ ୩॥ ପ୍ରାତଃ ସ୍ତୁବେ ପରଶିବାଂ ଲଳିତାଂ ଭବାନୀଂ ତ୍ରୟ୍ୟନ୍ତବେଦ୍ୟବିଭବାଂ କରୁଣାନବଦ୍ୟାମ୍ । ବିଶ୍ୱସ୍ୟ ସୃଷ୍ଟିବିଲୟସ୍ଥିତିହେତୁଭୂତାଂ ବିଶ୍ୱେଶ୍ୱରୀଂ ନିଗମବାଙ୍-ମନସାତିଦୂରାମ୍ ॥ ୪॥ ପ୍ରାତର୍ବଦାମି ଲଳିତେ ତବ ପୁଣ୍ୟନାମ କାମେଶ୍ୱରୀତି କମଳେତି ମହେଶ୍ୱରୀତି । ଶ୍ରୀଶାମ୍ଭବୀତି ଜଗତାଂ ଜନନୀ ପରେତି ବାଗ୍ଦେବତେତି ବଚସା ତ୍ରିପୁରେଶ୍ୱରୀତି ॥ ୫॥ ଯଃ ଶ୍ଲୋକପଞ୍ଚକମିଦଂ ଲଳିତାମ୍ବିକାୟାଃ ସୌଭାଗ୍ୟଦଂ ସୁଲଳିତଂ ପଠତି ପ୍ରଭାତେ । ତସ୍ମୈ ଦଦାତି ଲଳିତା ଝଟିତି ପ୍ରସନ୍ନା ବିଦ୍ୟାଂ ଶ୍ରିୟଂ ବିମଳସୌଖ୍ୟମନନ୍ତକୀର୍ତ୍ତିମ୍ ॥ ୬॥ ॥ ଇତି ଶ୍ରୀମତ୍ ଶଙ୍କରଭଗବତଃ କୃତୌ ଲଳିତା ପଞ୍ଚକମ୍ ସମ୍ପୂର୍ଣ୍ଣମ୍ ॥