#പാചകം
*🌶️ ഇന്നത്തെ പാചകം 🍳*
*ചിരി മുട്ട*
+------+------+-------+------+
```നാലുമണി ചായക്ക് ഒപ്പം കഴിക്കാൻ മലബാറിന്റെ സ്വന്തം രുചിയിലുള്ള ഒരു കിടിലൻ പലഹാരം തിരയുന്നവർക്ക് പറ്റിയ ഒന്നാണ് 'ചിരി മുട്ട'. പേര് കേൾക്കുമ്പോൾ തന്നെ മുഖത്ത് ഒരു പുഞ്ചിരി വിരിയുന്ന ഈ സ്നാക്ക് കുട്ടികൾക്കും മുതിർന്നവർക്കും ഒരുപോലെ പ്രിയങ്കരമാണ്. സാധാരണയായി ഉണ്ടാക്കാറുള്ള മുട്ട ബജികളിൽ നിന്നും കട്ലറ്റുകളിൽ നിന്നും തികച്ചും വ്യത്യസ്തമായ ഒരു രുചിക്കൂട്ടാണ് ഇതിനുള്ളത്. പുറംഭാഗം നല്ല മൊരിഞ്ഞിരിക്കുന്ന ബ്രെഡും, ഉള്ളിൽ സ്വാദിഷ്ടമായ മുട്ടയും മസാലയും ചേരുമ്പോൾ ഈ പലഹാരത്തിന്റെ രുചി ഇരട്ടിയാകുന്നു.```
_______________________
*ചേരുവകൾ*
_______________________
_ബ്രെഡ് സ്ലൈസ്- 8 എണ്ണം_
_മുട്ട- 3 എണ്ണം_
_ബ്രെഡ് പൊടിച്ചത് - ആവശ്യത്തിന്_
_മുട്ട-4 എണ്ണം_
_സവാള-3 എണ്ണം_
_ഇഞ്ചി,വെളുത്തുള്ളിപേസ്റ്റ്- 1 ടേബിൾസ്പൂൺ_
_പച്ചമുളക്-3 എണ്ണം_
_കറിവേപ്പില - ആവശ്യത്തിന്_
_മഞ്ഞൾപ്പൊടി-1/4 ടീസ്പൂൺ_
_മുളകുപൊടി- 1 ടേബിൾസ്പൂൺ_
_ഗരംമസാല- 1/2 ടീസ്പൂൺ_
_കുരുമുളകുപൊടി- 1 ടീസ്പൂൺ_
_മല്ലിയില - ആവശ്യത്തിന്_
_______________________
*തയ്യാറാക്കുന്ന വിധം*
_______________________
```ആദ്യം ബ്രെഡ് സ്ലൈസുകൾ വട്ടത്തിൽ മുറിച്ചെടുക്കാം.
ഒരു പാത്രത്തിൽ 3 മുട്ടകൾ കുരുമുളകുപൊടിയും ഉപ്പും ചേർത്ത് നന്നായി അടിച്ചെടുക്കാം.
ഒരു ബ്രെഡ് സ്ലൈസ് ഈ മുട്ടക്കൂട്ടിൽ മുക്കിയ ശേഷം ബ്രെഡ് പൊടിച്ചതിൽ പൊതിഞ്ഞെടുക്കുക.
മറ്റൊരു ബ്രെഡ് സ്ലൈസ് കൂടി മുട്ടക്കൂട്ടിൽ മുക്കി ആദ്യം തയ്യാറാക്കിയ ബ്രെഡിന് മുകളിൽ വെക്കാം.
ഇനി ഈ രണ്ട് സ്ലൈസുകളും ഒരുമിച്ച് ബ്രെഡ് പൊടിയിൽ നന്നായി പൊതിഞ്ഞെടുക്കാം.
ഇത് എണ്ണയിൽ ഗോൾഡൻ ബ്രൗൺ നിറമാകുന്നത് വരെ വറുത്തെടുക്കാം.
ഇതിലേക്കുള്ള ഫില്ലിംഗ് തയ്യാറാക്കാൻ, ഒരു പാനിൽ എണ്ണ ചൂടാക്കി സവാള, പച്ചമുളക്, ഇഞ്ചി-വെളുത്തുള്ളി പേസ്റ്റ്, കറിവേപ്പില എന്നിവ ചേർത്ത് വഴറ്റാം.
ഇതിലേക്ക് മഞ്ഞൾപ്പൊടി, മുളകുപൊടി, കുരുമുളകുപൊടി, ഗരം മസാല എന്നിവ ചേർത്തിളക്കി യോജിപ്പിക്കാം.
ശേഷം അടുപ്പണച്ച് ഇത് സവാളക്കൂട്ട് മാറ്റി വക്കാം.
ഇതിനിടയിൽ, ബ്രെഡ് സ്ലൈസുകൾ ഗോൾഡൻ ബ്രൗൺ നിറമാകുന്നത് വരെ വറുത്തെടുക്കാം.
ഇതുകഴിഞ്ഞാൽ, ബ്രെഡ് പകുതിയായി കീറി അതിനുള്ളിൽ ഈ സവാളക്കൂട്ട് നിറക്കാം.
ഇതിന് മുകളിലായി പകുതിയായി മുറിച്ച പുഴുങ്ങിയ മുട്ട വെക്കാം.
നിങ്ങൾക്ക് താല്പര്യമുണ്ടെങ്കിൽ മയോണൈസ് കൂടി ചേർക്കാവുന്നതാണ്.
ചിരി മുട്ട തയ്യാർ!
ഇനി ചൂട് ചായക്കൊപ്പം കഴിച്ചു നോക്കൂ.```
+------+------+-------+------+
