ପ୍ରଥମେ ମେ ୧ରେ କମର୍ସିଆଲ୍ ସିଲିଣ୍ଡର ୯୯୩ ଟଙ୍କା ଏବଂ ୫ କିଲୋଗ୍ରାମ ବିଶିଷ୍ଟ ସିଲିଣ୍ଡର ଦର ୨୬୧ ଟଙ୍କା ବଢ଼ିଥିଲା। ଏହାପରେ ଜୁନ୍ ୧ରେ କମର୍ସିଆଲ୍ ସିଲିଣ୍ଡର ପୁଣି ୪୨ ଟଙ୍କା ମହଙ୍ଗା ହୋଇଥିଲା। ଏହି ସଂକଟ ଜନିତ ପରିସ୍ଥିତି ଭିତରେ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରାଳୟ ଜନସାଧାରଣଙ୍କୁ ଆଶ୍ୱାସନା ଦେଇଛି। ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ "ଦେଶରେ ଗ୍ୟାସ୍ ସିଲିଣ୍ଡର ଯୋଗାଣ ସମ୍ପୂର୍ଣ୍ଣ ସ୍ୱାଭାବିକ ରହିଛି। ହର୍ମୁଜ୍ ସଂକଟ ସତ୍ତ୍ୱେ କୌଣସି ରିଟେଲ୍ ଏଜେନ୍ସିରେ ଗ୍ୟାସ୍ ଅଭାବ ଦେଖାଯାଇନାହିଁ। କଳାବଜାରୀ ଏବଂ ବେଆଇନ ମହଜୁଦକାରୀଙ୍କ ବିରୋଧରେ ଦେଶବ୍ୟାପୀ କଡ଼ା କାର୍ଯ୍ୟାନୁଷ୍ଠାନ ଜାରି ରହିଛି।" ସରକାରଙ୍କ ସୂଚନା ମୁତାବକ, ଦେଶବାସୀଙ୍କ କିଚେନରେ ଯେପରି ଗ୍ୟାସ୍‌ର ଅଭାବ ନହୁଏ ସେଥିପାଇଁ ସମସ୍ତ ରିଫାଇନାରୀ ଉଚ୍ଚ କ୍ଷମତାର ସହ କାମ କରୁଛନ୍ତି ଏବଂ ଦେଶରେ ପର୍ଯ୍ୟାପ୍ତ ପରିମାଣର ଅଶୋଧିତ ତେଲ ମହଜୁଦ ହୋଇ ରହିଛି । କିନ୍ତୁ ଏହି ଦର ବୃଦ୍ଧି ସାଧାରଣ ଗ୍ରାହକଙ୍କ ରୋଷେଇ ଘରର ବଜେଟକୁ ନିଶ୍ଚିତ ଭାବେ ବିଗାଡ଼ି ଦେଇଛି। #📣ପୁଣି ୨୯ ଟଙ୍କା ବଢ଼ିଲା LPG ଦାମ୍🍳