அதலபாதாளத்திற்கு வீழ்ந்த அரசு கலைக் கல்லூரி மாணவர் சேர்க்கை: கல்வித்தர வீழ்ச்சியே காரணம் – அன்புமணி தமிழ்நாட்டின் 181 அரசு கலை மற்றும் அறிவியல் கல்லூரிகளில் உள்ள 1.26 லட்சம் இடங்களில், இதுவரை 71,502 இடங்கள் மட்டுமே நிரப்பப்பட்டுள்ள நிலையில், 55,457 இடங்கள் (43.68%) காலியாக இருப்பது கவலையளிப்பதாக மருத்துவர் அன்புமணி இராமதாஸ் தெரிவித்துள்ளார். அரசு கல்லூரிகளில் 100-க்கும் மேற்பட்ட முதல்வர் பணியிடங்களும், சுமார் 9,000 உதவிப் பேராசிரியர் பணியிடங்களும் காலியாக இருப்பதால் கல்வித்தரம் கடுமையாக பாதிக்கப்பட்டுள்ளதாக அவர் குற்றம்சாட்டியுள்ளார். இதன் விளைவாக மாணவர்கள் அரசு கல்லூரிகளை புறக்கணித்து தனியார் கல்லூரிகளை நாடுவதாகவும் கூறியுள்ளார். எனவே, அரசு கலை மற்றும் அறிவியல் கல்லூரிகளில் காலியாக உள்ள அனைத்து ஆசிரியர் மற்றும் முதல்வர் பணியிடங்களையும் உடனடியாக நிரப்பி, கல்வித்தரத்தையும் மாணவர் சேர்க்கையையும் மேம்படுத்த அரசு நடவடிக்கை எடுக்க வேண்டும் என்று அவர் வலியுறுத்தியுள்ளார். #pmk #tvk #anbumaniramadoss #ramadoss #tamilnews #😎தளபதி மாஸ் சீன்ஸ்👏🏻 ##TVK Vijay #👨‍🦰தளபதி விஜய் #தலைவர் விஜய் (TVK) #🤝பா.ம.க