வெளியேறும் தோட்டாவை விட வீரியமான ஆயுதம் புத்தகம்" என்கிறார் மார்ட்டின் லூதர்கிங். இத்தனை வலிமை மிக்க புத்தகங்களின் பெருமையைக் கொண்டாடும் நாள் ஏப்ரல் 23. 1995ல் முதல் உலக புத்தக தினம் கொண்டாடப்பட்டது. உலகில் வாசித்தல், பதிப்பித்தல் மற்றும் அறிவாற்றல் சார்ந்த சொத்துகளை, பதிப்புரிமை மூலம் பாதுகாக்கும் நோக்கத்துடன் ஆண்டு தோறும் ஏப்ரல் மாதம் 23ம் தேதி, ஐ.நா. சார்பில் உலக புத்தகம் மற்றும் பதிப்புரிமை தினம் கொண்டாடப்பட்டு வருகிறது. மனிதர்களை நல்வழிப்படுத்த புத்தகம் சிறந்த வழிகாட்டியாகவும், நண்பனாகவும் திகழ்கிறது. அதனால் தான் "ஒரு குழந்தைக்கு நீங்கள் வாங்கித் தரும் ஆகச் சிறந்த பரிசு ஒரு புத்தகம் தான்" என்கிறார் வின்ஸ்டன் சர்ச்சில். இன்றைய வாழ்க்கை முறையில் நமது குழந்தைகளுக்கு புத்தகங்கள் என்றால் அவை பாடப்புத்தகங்கள் மட்டும் தான் என்ற சூழல் தான் உள்ளது. ஏனெனில் அவர்களின் பொழுதுபோக்கு தொலைக்காட்சி மற்றும் செல்போனிலேயே முடங்கி விடுவது தான். ஆனால், ஒரு கதையை திரையில் காட்சி வடிவமாகப் பார்ப்பதைப் காட்டிலும், அதனை புத்தகத்தில் எழுத்துக்களாக படிப்பதே நல்லது என்கிறார்கள். ஏனெனில் திரைக்காட்சியில் அதனை உருவாக்கியவரின் கற்பனைத் திறனே காட்சிப் படுத்தப்பட்டிருக்கும். ஆனால், எழுத்துக்களைப் படித்து, நமது மனத்திரையில் விரியும் காட்சியில் வாசகரின் கற்பனைத் திறன் அடங்கியிருக்கும். எனவே தான் குழந்தைகளுக்கு புத்தகங்களை வாசிக்கும் பழக்கத்தை அதிகரிக்க வேண்டும் என்கிறார்கள். சமூகம் சார்ந்த நுால்களை வாசிக்காமல், அவர்களுக்கு சமூக அறிவு எப்படி வரும்?புத்தகங்கள் வீட்டை மட்டும் அலங்கரிப்பதில்லை; மனிதனின் அறிவு வளர்ச்சியையும் அலங்கரிப்பவை. புரட்சியாளர் பகத்சிங், தான் சாகும் வரை படித்துக் கொண்டிருந்தார். “சாகப் போகிறோம் என்றாகி விட்டது... இந்த நேரத்தில் புத்தகம் எதற்கு” என்று அவரிடம் கேட்டதற்கு, “சாகும் போது முட்டாளாகச் சாக எனக்கு விருப்பமில்லை. எதையாவது கற்றுக் கொண்டோம் என்ற திருப்தி இருக்க வேண்டும்”என்று புன்னகைத்தவாறே பதிலளித்தார் பகத்சிங். உலக புத்தக தினத்தை முன்னிட்டு உலகம் முழுவதும் புத்தக வாசிப்பை ஊக்குவிக்கும் வகையில் கண்காட்சி, கருத்தரங்கள் உள்ளிட்ட பல்வேறு நிகழ்ச்சிகள் நடைபெறுகின்றன. எனவே நாமும் நம் இளைய தலைமுறை சீரிய சிந்தனையும், தெளிந்த நல் அறிவும் கொண்டதாக வளர நம்மால் இயன்ற அளவு பள்ளிப் புத்தகங்களைத் தாண்டி, அறிவார்ந்த புத்தகங்களையும் அவர்களுக்கு அறிமுகம் செய்வோம். அனைவருக்கும், புத்தக தின நல்வாழ்த்துக்கள்! 😊😊😊 #பொழுது போக்கு #😍குட்டி கதை📜 #💪ஊக்குவிக்கும் கதைகள் #⏱ஒரு நிமிட கதை📜 #👪 cute family members 👪