#🍨 ഈ ചൂടിനൊരു തണുത്ത ഐസ്ക്രീം #🍲 ഇന്നത്തെ രുചി #👩‍🍳 പാചകലോകം +------+-------+-------+------+ *🌶️ ഇന്നത്തെ പാചകം 🍳* *നെല്ലിക്ക സർബത്ത്* +------+-------+-------+------+ ```വീട്ടിൽ തന്നെ വളരെ എളുപ്പത്തിൽ തയ്യാറാക്കാൻ പറ്റിയ ഒരു അത്ഭുത പാനീയമാണ് നെല്ലിക്ക സർബത്ത്.``` ```പോഷകങ്ങളുടെ കലവറയെന്ന് അറിയപ്പെടുന്ന നെല്ലിക്കയുടെ മുഴുവൻ ഗുണങ്ങളും അടങ്ങിയ ഈ സർബത്ത് സ്വാദിഷ്ടമെന്നതിലുപരി ആരോഗ്യത്തിന് ഏറെ ഗുണം ചെയ്യുന്ന ഒന്നാണ്. വിറ്റാമിൻ സി ധാരാളമായി അടങ്ങിയിരിക്കുന്നതിനാൽ ഇത് രോഗപ്രതിരോധശേഷി ഇരട്ടിയാക്കാൻ സഹായിക്കുന്നു. ഈ നെല്ലിക്ക സർബത്തിന്റെ ലളിതമായ റെസിപ്പി താഴെ നൽകുന്നു. ``` ________________________ *ചേരുവകൾ* ________________________ _നെല്ലിക്ക- 500ഗ്രാം_ _കല്ലുപ്പ്- 1 ടേബിൾസ്പൂൺ_ _നാരങ്ങ- 1 എണ്ണം_ _ഇഞ്ചി- ആവശ്യത്തിന്_ _പഞ്ചസാരപ്പൊടി- ആവശ്യത്തിന്_ ________________________ *തയ്യാറാക്കുന്ന വിധം* ________________________ ```നെല്ലിക്ക നന്നായി കഴുകി തുടച്ചെടുക്കാം. അവ കുരുകളഞ്ഞ് ചെറിയ കഷ്ണങ്ങളാക്കിയെടുക്കാം. ശേഷം കുറച്ച് ഉപ്പ് കല്ല് പൊടിച്ചെടുത്തതും, ഒരു നാരങ്ങ പിഴിഞ്ഞതും, ഇഞ്ചി ചെറിയ കഷ്ണങ്ങളാക്കിയതും ചേർത്ത് അരച്ചെടുക്കാം. ഇത് ഒരു കോട്ടൺ തുണിയോ അരിപ്പയോ ഉപയോഗിച്ച് അരിച്ചെടുക്കാം. അരിച്ചെടുത്ത ജ്യൂസ് ഒരു കുപ്പിയിലാക്കി സൂക്ഷിക്കാം. കുടിക്കേണ്ടപ്പോൾ ഒരു ഗ്ലാസിൽ കുറച്ച് ഐസ്ക്യൂബിടാം. അതിലേക്ക് അൽപം പൊടിച്ച പഞ്ചസാര ചേർക്കാം. ശേഷം കുറച്ച് വെള്ളവും തയ്യാറാക്കി വച്ച നെല്ലിക്ക ജ്യൂസും ചേർത്തിളക്കി യോജിപ്പിക്കാം. ഇനി ആസ്വദിച്ചു കുടിച്ചു നോക്കൂ. ``` +------+-------+-------+------+