#🙆‍♂️ऋषिकेशमध्ये 3 डबे रुळावरून घसरले ऋषिकेश रेल्वे स्थानकाजवळ उज्जैनी एक्सप्रेसला अपघात; शंटिंगदरम्यान तीन डबे रुळांवरून घसरले................... उत्तराखंडमधील योग नागरी ऋषिकेश रेल्वे स्थानकाजवळ असणाऱ्या खंड गावात सोमवारी रात्री उज्जैनी एक्सप्रेसला एक अपघात झाल्याची घटना समोर आली आहे. रात्री साडेनऊ वाजेच्या सुमारास रेल्वेचे शंटिंग सुरू असताना अचानक गाडीचा ताबा सुटल्याने हा अपघात घडला. रेल्वे प्रशासनाने दिलेल्या अधिकृत माहितीनुसार, या अपघातामध्ये उज्जैनी एक्सप्रेसचे तीन डबे रुळांवरून खाली उतरले. हे डबे इतक्या वेगाने घसरले की त्यातील काही डबे थेट उलटले आणि रेल्वे स्थानकाच्या सुरक्षा भिंतीला जाऊन धडकले. सुदैवाने, अपघात झाला त्यावेळी या गाडीमध्ये एकही प्रवासी उपलब्ध नसल्यामुळे या घटनेत कोणतीही जीवितहानी झालेली नाही किंवा कोणीही जखमी झालेले नाही.