#kaviarasan. என்பது மூடத்தனம் – உன்விரல்கள் பத்தும் மூலதனம்" என்னும் இடித்துரை வரிகளுக்குச் சொந்தக்காரர் கவிஞர் தாராபாரதியின் நினைவுதினம் 13 மே 2000. தமிழில் போற்றப்பட வேண்டிய புலவர்களும் கவிஞர்களும் எண்ணிறந்தோர் உள்ளனர். அவர்களுள் முதன்மையாகக் குறிப்பிடத்தக்கவர்களுள் ஒருவர் கவிஞர் தாராபாரதி. தன் நெருப்புச் சொற்களால் உயிர்ப்பு கொடுப்பவர் கவிஞர் தாராபாரதி. தாராபாரதி - 1947 ஆம் ஆண்டு திருவண்ணாமலை மாவட்டம் ‘குவளை’ என்னும் சிற்றூரில் பிறந்தார். இவரது இயற்பெயர் ராதாகிருஷ்ணன். பெற்றோர் துரைசாமி; புஷ்பம் அம்மாள். துணைவியாரின் பெயர் சந்தானலட்சுமி. 34 ஆண்டுகள் ஆசிரியராகப் பணியாற்றியாவர். ஆசிரியர் சேவைக்காக தமிழக அரசின் நல்லாசிரியர் விருது பெற்றவர். கவிஞாயிறு என்ற சிறப்புப் பெயரால் அழைக்கப்படுகிறார். தமிழ் நாடு அரசு 2010 - 2011 இல் இவரது நூல்களை நாட்டுடைமை ஆக்கியுள்ளது வள்ளுவரின் வாழ்வியல் நெறியும், இளங்கோவின் இன உணர்வும், பாரதியின் விடுதலை வேட்கையும், பாவேந்தரின் மொழிப் பற்றும் தாராபாரதியின் கவிதைகளில் மிளிரும் புதிய விடியல்கள், இது எங்கள் கிழக்கு, விரல்நுனி வெளிச்சங்கள், கவிஞாயிறு தாராபாரதி கவிதைகள் ஆகியவை இவரது படைப்புகளாகும். "கவிஞாயிறு' என்ற சிறப்புப் பெயரால் அழைக்கப்படும் இவர் 53ஆவது வயதில் (2000) காலமானார். தாரா பாரதியின் கவிதை. வெறுங்கை என்பது மூடத்தனம் - உன் விரல்கள் பத்தும் மூலதனம் கருங்கல் பாறையும் நொறுங்கிவிழும் - உன் கைகளில் பூமி சுழன்று வரும் மூலையில் கிடக்கும் வாலிபனே - தினம் முதுகில் வேலையைத் தேடுகிறாய் பாலை வனம் தான் வாழ்க்கையென - வெறும் பல்லவி எதற்குப் பாடுகிறாய் விரக்தி எனும் சிலந்தி வலைக்குள் வேங்கைப் புலி நீ தூங்குவதா? - நீ இருட்டைக் கிழிக்கும் வெளிச்சகீற்று எங்கே கிழக்கெனத் தேடுவதா.