#அபரா_ஏகாதசி நன்றி : Samayam Tamil ஏகாதசி விரதம் என்பது ஒவ்வொரு மாதமும் 11வது திதியில் கடைபிடிக்கப்படும் விரதமாகும். ஏகாதசி விரதம் இருப்பதால் பாவங்கள் நீங்கி, மனஅமைதி கிடைக்கும் என நம்பப்படுகிறது. ஒருவர் செய்த பாவங்களை நீங்கி, அவர்களை பிறப்பு-இறப்பு சுழற்சியில் இருந்து விடுவித்து, வைகுண்ட பதவியை தரும் மிக உயர்ந்த விரதமாக ஏகாதசி விரதம் கருதப்படுகிறது. இவற்றில் மே மாதத்தில் வரும் முதல் ஏகாதசி விரதமான அபரா ஏகாதசி அன்று என்ன செய்ய வேண்டும், பெருமாளை எப்படி வழிபட்டால் அவரது அருள் கிடைக்கும் என்பதை தெரிந்து கொள்ளலாம். ஏகாதசி விரதம் என்பது இந்து மத கலாச்சாரத்தில் மிக முக்கியமான, புண்ணிய பலன் தரும் உயர்வான விரதமாக கருதப்படுகிறது. பெருமாளின் அருளை பெறுவதற்கும், பல விதமான துன்பங்களில் இருந்து விடுபடுவதற்கும் மிக உன்னதமான விரதமாக ஏகாதசி விரதம் கருதப்படுகிறது. ஏகாதசி என்ற சமஸ்கிருத சொல்லில், ஏகம் என்றால் ஒன்று; தச என்றால் பத்து. அதாவது பதினோறாவதாக வரும் திதி என்பதை குறிப்பதாகும். ஒரு மாதத்தில் 2 என்ற ரீதியில் ஒரு ஆண்டில் மொத்தம் 24 ஏகாதசிகள் வருவது உண்டு. இவற்றில் சில ஏகாதசிகள் மிக முக்கியமானதாக கருதப்படுகின்றன. அந்த வகையில் #ஜேஷ்ட_மாதம் என்படும் வைகாசி மாதம் துவங்குவதற்கு முன் சித்திரை மாத இறுதியில் #தேய்பிறையில் வரும் ஏகாதசிக்கு #அபரா_ஏகாதசி என்று பெயர். இந்த ஆண்டு அபரா ஏகாதசி மே 13ம் தேதி புதன் கிழமை வருகிறது. அபரா ஏகாதசி 2026 தேதிமே 13 புதன்ஏகாதசி திதி துவக்கம்மே 12 காலை 10.37ஏகாதசி திதி நிறைவுமே 13 காலை 09.37பாரணை செய்யும் நேரம்மே 14 காலை 05.31 முதல் 08.14 வரை அபரா ஏகாதசி சிறப்புகள் : அபரா ஏகாதசி என்பது ஒருவருடைய வாழ்க்கையில் இருக்கும் தடைகளை நீக்கி, அமைதியை தரக் கூடிய விரதமாகும். அதனால் இந்த நாளில் உணவு ஏதும் உண்ணாமல் முழு உபவாசமாக விரதம் இருந்து வழிபட வேண்டிய நாள் என சொல்லப்படுகிறது. இந்த விரதம் நிலையான மகிழ்ச்சியை தரக் கூடியதாகும். வாழ்வில் நெருக்கடிகள், பலவிதமான பிரச்சனைகளில் சிக்கிக் கொண்டிருப்பவர்கள் இந்த விரதத்தை கடைபிடிக்கலாம். மன அமைதி, செல்வ வளம், வாழ்க்கையில் உயர்ந்த நிலையை தரக் கூடிய விரதம் அபரா ஏகாதசி விரதம் என்பதால் இந்த விரதத்தை அதிகமானவர்கள் கடைபிடிப்பது வழக்கம். அபரா ஏகாதசியில் கண்டிப்பாக செய்ய வேண்டியவை : - அபரா ஏகாதசி அன்று பெருமாளுக்கு மஞ்சள் நிற மலர்கள், இனிப்புக்கள் படைத்து வழிபட வேண்டும். அதோடு துளசி, பழங்கள், பஞ்சாமிர்தம் படைத்தோ அல்லது அபிஷேகம் செய்வதும் அவசியம். இந்த நாளில் பெருமாளுக்கு துளசியால் அர்ச்சனை செய்வது மிக விசேஷமானதாக கருதப்படுகிறது. அபரா ஏகாதசி அன்று பெருமாளுக்கு கடலைப் பருப்பு சுண்டல் செய்து படைத்து வழிபட்டால் மகிழ்ச்சியும், செல்வ வளமும் கிடைக்கும். ஏகாதசி கதைகள் இந்த நாளில் படிப்பதும், பிறருக்கு சொல்லுவது மிகுந்த புண்ணியத்தை தரும். கையில் துளசி மாலை வைத்தோ அல்லது கழுத்தில் அணிந்து கொண்டோ "ஓம் நமோ பகவதே வாசுதேவாய" என்ற மந்திரத்தை 108 முறை சொல்வது சிறப்பு. இந்த நாளில் பாகவதம், விஷ்ணு சகஸ்ரநாமம் ஆகியவற்றை படிப்பது சிறந்தது. துவாதசியில் யாராவது ஒருவருக்கு அன்னதானம் வழங்கிய பிறகு விரதத்தை நிறைவு செய்வதால் ஏகாதசி விரதத்தின் முழு பலனையும் பெற முடியும். #🥰அன்புடன் காலை வணக்கம்🌞 #🙏பெருமாள் #🤔 ஆன்மீக சிந்தனைகள் #🙏ஏகாதசி🕉️ #✨கடவுள்