இன்று நடந்து முடிந்துள்ள சட்டமன்ற தேர்தல் எவ்வித அசம்பாவிதம் எதுவும் இல்லாமல் சுமூகமான நிலையில் முடிந்துள்ளது, பாராட்டுக்குரியது. ஆனால் இந்த தேர்தலில் ஏதோ பெரிய அளவில் எழுச்சி வந்தது போன்றும், நிறைய வாக்குப்பதிவு போன்றும், ஒரு செய்தி பரபரப்பாக்கப்படுகிறது. ஒரு சில விபரங்களை இந்த பதிவில் தருகிறேன். சென்ற 2021 தேர்தலில் தமிழக வாக்காளர் எண்ணிக்கை 6.28 கோடி. அந்தத் தேர்தலில் பதிவான வாக்குகள் 4.62 கோடி அதாவது 73.63%.தற்போது நடைபெற்றுள்ள தேர்தல் என்பது, சிறப்பு வாக்காளர் பட்டியல் சீர்திருத்த அடிப்படையில் சுமார் 74 லட்சம் வாக்காளர்கள் நீக்கப்பட்ட நிலையில், புதிதாக 14 லட்சம் வாக்காளர்கள், அதாவது முதல் முறை வாக்காளர்கள் சேர்க்கப்பட்ட நிலையில், மொத்த வாக்காளர் எண்ணிக்கை 5.73 கோடி ஆக குறைந்துவிட்டது. (அதாவது சுமார் 55 லட்சம்) இந்த நிலையில் உத்தேசமாக தமிழகத்தின் சராசரி வாக்குப்பதிவு 83% எடுத்துக் கொண்டால் கூட மொத்த வாக்குபதிவு என்பது 4.76 கோடி தான். அதாவது சென்ற 2021 தேர்தலை விட சுமார் 14 லட்சம் வாக்காளர்கள் தான் கூடுதலாக வாக்களித்துள்ளனர். அனேகமாக இந்த வாக்காளர்களும் ஆர்வத்துடன் முதல் முறை வாக்களித்தவர்களாக இருக்கலாம். அந்த வகையில் வாக்காளர் எண்ணிக்கை பெருமளவு குறைந்துள்ள நிலையில் 2021 இல் சுமார் 74% வாக்குப்பதிவு என்பது தற்போது 83% - 84% வரை என்பது பெரிய ஆச்சரியம் இல்லை!....ஒரே ஒரு புதிய விடயம் என்னவென்றால் மேற்குப் பகுதியில் அதாவது சேலம், கோவை, ஈரோடு போன்ற மாவட்டங்களில் மிக அதிகமாக 88- 90% வரை பதிவானது என்பது கணக்கில் எடுக்க வேண்டிய ஒரு விடயமாகும். மற்றபடி வாக்காளர் சீர்திருத்தத்தின் அடிப்படையில் இரட்டை வாக்கு உள்ளவர்கள், இறந்தவர்கள்,முகவரியில் இல்லாதவர்கள், வசிக்காதவர்கள், இவர்களை நீக்கியதன் அடிப்படையில் தான் இந்த சதவிகித உயர்வு. ஆனாலும் புதிய வாக்காளர்கள் 14 லட்சம் பேர் ஒரு சில தொகுதிகளில் முடிவுகளை தீர்மானிப்பவர்களாக கூட இருக்கலாம், அதுவும் 234 தொகுதிகளில் பிரித்தாலும் தொகுதிக்கு இது 5000 - 7000 ஓட்டுகள் வரலாம். ஒரு உத்தேச கணக்குதான். 83% -84% வாக்கு பதிவு உயர்வு என சொல்வது, உயர்வு என பெருமையாக்குவதும், ஏதோ எழுச்சி உண்டானது போல், யாருக்கோ சாதகமாக வந்துவிட்டது போல், பலர் பேசிக் கொண்டிருப்பதும்தான் ஆச்சரியமானது!...... பொறுத்திருந்து பார்ப்போம் மே 4 இல் தேர்தல் முடிவுகளை!..... #👨மோடி அரசாங்கம்