#📺வைரல் தகவல்🤩 #🗞அரசியல் தகவல்கள் #📽சினிமா தகவல்கள் #🎬 சினிமா #🧐நாட்டு நடப்பு மே 7 #36YearsOfJournalist கடந்த 1990ம் ஆண்டில் வேலூர் ‘தினகரன்’ நாளிதழில் நிருபராகப் பணியில் இணைந்த நான், பிறகு சென்னை ‘தினகரன்’ நாளிதழுக்கு டிரான்ஸ்பராகி வந்தேன். இங்கு 1990ம் ஆண்டு மே மாதம் 7ம் தேதி பணியில் இணைந்தேன். இன்று 2026ம் ஆண்டு மே மாதம் 7ம் தேதியாகும். நான் பத்திரிகைப் பணியில் இணைந்து இன்றுடன் 36 ஆண்டுகள் நிறைவடைகிறது. ஒரே நிறுவனத்தில் தொடர்ந்து பணியாற்றுவது என்பது எனக்கு மிகவும் பிடித்திருந்ததால், வேறு சில பத்திரிகைகளில் பணியாற்ற வந்த அழைப்புகளை நான் ஏற்றுக்கொள்ளவில்லை. தமிழ் திரைப்படத்துறை செய்தியாளராகப் பணியாற்றி வரும் நான், கடந்த 36 ஆண்டுகளில் யாருடைய வாழ்க்கையையும் அழிப்பதற்கான செய்திகளை எழுதியது இல்லை என்பதே எனக்கு மன நிம்மதியை அளித்துள்ளது. பத்திரிகைப் பணியில் 36 ஆண்டுகளை நிறைவு செய்துள்ளேன். தமிழ் சினிமாவில் 55க்கும் மேற்பட்ட படங்களில் முக்கியத்துவம் அற்ற அல்லது முக்கியத்துவம் கொண்ட அல்லது ஏனோதானோ போன்ற கேரக்டர்களில் நடித்துள்ளேன். எனது 50வது வயது நிறைவடைந்த நிலையில், மிகப்பெரிய ஞாபகார்த்தமாக இருக்க வேண்டும் என்று, சென்னை மருத்துவக் கல்லூரியில் எனது உடலை தானம் செய்வதற்கான உறுதிமொழிப் பத்திரத்தில் கையெழுத்து போட்டேன். பிறகு சென்னை சங்கர நேத்ராலயாவில் எனது இரண்டு கண்களையும் செய்வதற்கான உறுதிமொழிப் பத்திரத்தில் கையெழுத்து போட்டேன். இனி… காலத்தின் கையில் நான். #36YrsOfJournalist #KayalDevaraj #DINAKARAN