എൽഡിഎഫ് സർക്കാർ അധികാരമൊഴിയുമ്പോൾ ഖജനാവ് കാലിയാണെന്ന യുഡിഎഫ് പ്രചാരണം പൊളിയുന്നു. സർക്കാർ അധികാരമൊഴിയുമ്പോൾ ഖജനാവിൽ 5,429 കോടി രൂപ ബാക്കിയുണ്ടായിരുന്നതായി ധനവകുപ്പിന്റെ വിവരാവകാശ രേഖ വ്യക്തമാക്കുന്നു. ഈ മാസം ഒന്നു വരെയുള്ള കണക്കാണിത്. സംസ്ഥാനം പാപ്പരായെന്നും ഖജനാവ് കാലിയാണെന്നും മുതിർന്ന കോൺഗ്രസ് നേതാവ് എ കെ ആന്റണി ഉൾപ്പെടെയുള്ളവർ നടത്തിയ പ്രസ്താവനകൾ വലിയ വിവാദമായിരുന്നു. സർക്കാർ ധവളപത്രം പുറത്തിറക്കുമെന്ന് മുഖ്യമന്ത്രി വി ഡി സതീശനും വ്യക്തമാക്കിയിരുന്നു. ഇതിനിടയിലാണ് ഔദ്യോഗിക രേഖകൾ തന്നെ യുഡിഎഫിന്റെ വാദങ്ങൾ തെറ്റാണെന്ന് തെളിയിക്കുന്നത്. എൽഡിഎഫ് സർക്കാർ 6,000 കോടി രൂപയോളം ബാക്കിവെച്ചാണ് ഇറങ്ങിയതെന്ന് മുൻ ധനമന്ത്രി സ. കെ എൻ ബാലഗോപാൽ നേരത്തെ തന്നെ വ്യക്തമാക്കിയിരുന്നു. "പൂച്ച പെറ്റുകിടക്കുന്ന ഖജനാവ്" എന്ന തരത്തിൽ യുഡിഎഫ് നടത്തിയ പരിഹാസം അടിസ്ഥാനരഹിതമാണെന്നും, ഖജനാവിൽ പണമുള്ളതുകൊണ്ടാണ് ഗ്യാരണ്ടികൾ നടപ്പിലാക്കാൻ കഴിയുന്നതെന്നും അദ്ദേഹം ചൂണ്ടിക്കാട്ടിയിരുന്നു. പി എം എ സലാം ഉൾപ്പെടെയുള്ള യുഡിഎഫ് നേതാക്കൾ നടത്തിയ ആരോപണങ്ങൾ വസ്തുതകൾക്ക് നിരക്കാത്തതാണെന്ന് വ്യക്തമാക്കുന്നതാണ് ധനവകുപ്പിന്റെ ഈ വിവരാവകാശ മറുപടി. സംസ്ഥാനത്തിന്റെ സാമ്പത്തിക നില ഭദ്രമാണെന്നും, രാഷ്ട്രീയ ലക്ഷ്യങ്ങളോടെയുള്ള തെറ്റായ പ്രചാരണങ്ങളാണ് നടക്കുന്നതെന്നും ഇതോടെ വ്യക്തമായിരിക്കുകയാണ്. #🆕 ലേറ്റസ്റ്റ് അപ്ഡേറ്റ്