#🙏श्री स्वामी समर्थ📿 #🙏 प्रेरणादायक बॅनर #🙏भक्ती सुविचार📝 #🙏प्रेरणादायक / सुविचार #🙏श्री गुरुदेव दत्त💐 हारतुरे नकोत त्यांना हवी निस्सीम सेवा भक्तांस तारुनी देतात अनंत हस्ते मेवा. मनातील श्रद्धा बळकट व्हावी म्हणून अधून मधून छोटे छोटे अनुभव प्रचिती स्वामी भक्तांना येतच असतात..तशीच तिलाही आली. संध्याकाळी साडे सात/पावणे आठ वाजता गाभाऱ्यातून दर्शन करून त्या अनोळखी तिघी जणी एकदमच बाहेर आल्या. प्रसाद' देणाऱ्या छोट्या मुलीने टोपलीतील शेवटचे राहिलेले केळीचे दोन 'पेरभर' तुकडे दुसऱ्या दोघींच्या हातावर ठेवले. नि तिच्याकडे पाहून तिने टोपली उलटी करून दाखवत म्हटले " ...संपला प्रसाद...!" 'असुदे ..' तिला हाताने खुणावत मनात मात्र 'नशीबातच नाही आपल्या' असे म्हणून ती निघणार तर...... कानावर शब्द पडले, ''...खूप गर्दी असते गुरुवारच्या आरतीला. प्रसादच पुरत नाही." ''...'आपण दोघी भाग्यवान आहोत." त्या दोघी बऱ्याच लांब असून पण दोघींचे बोलणे तिला ऐकु आले. तिच्या मनात आले... 'समर्थ कृपा' भक्ती वाचूनी अन्य उपाये न होय....! आपलीच भक्ती कमी पडत असणार..! मंदिराच्या आवारातच शेजारी पिठाची गिरणी आहे तिने तिथे दळण ठेवले होते ते घ्यायला ती गेली...! इतकी छोटी गोष्ट...! आपण आपल्या कामासाठी आलो.. त्या दोघी दर्शनासाठीच आल्या. जाऊ दे स्वामींची इच्छा...! अशा विचारा विचारात तिने मुलाला फोन केला, 'दळण झालेय, मला न्यायला ये...!'' मंदिराच्या गेटवर मुलाची वाट पहात असतानाच गाडीवरून एक अनोळखी व्यक्ती उतरली..! "श्री स्वामी समर्थ ताई…" "श्री स्वामी समर्थ.." "प्रसाद मिळाला का?" ती काही बोलणार तर लगेच... "असु द्या..परत घ्या.."…असे म्हणून त्यांनी हातातल्या पिशवीतून एक केळी काढून तिला दिली. ती व्यक्ती आली तशीच लगेच परत गाडीवरून निघून गेली. एका हातात दळणाचा डबा, एका हातात त्यांनी दिलेला 'प्रसादाचे केळ' घेऊन स्तब्ध उभी ती कितीतरी वेळ........! परत तिच्या मनात आले.... 'समर्थ कृपा' भक्ती वाचोनी अन्य उपाये न होय....🌹 किती गावेत गुरूंचे गुण त्रैलोक्यावर ज्यांचे सदा ऋण 🙏🏼 श्री स्वामी समर्थ🚩 #श्रीगुरुदेवदत्त 🙏🏼 #श्रीस्वामीसमर्थमहाराजपुण्यतिथी🙏🏼 🙏🏼🌹🌺🕉️💐🚩 ©सौ.रेश्मा गवळी-ससाणे.