२.१ लाख व्ह्यू · ३.३ ह प्रतिक्रिया | ಏರ್ಪೋರ್ಟ್ನಲ್ಲಿ ಈ ಮರ ಕಂಡಾಗ ಹಳೆಯ ಆಟದ ನೆನಪಾಯ್ತು . ಉಚ್ಚೆಕಾಯಿ ಮೊಗ್ಗುಗಳಿಂದ ನೀರು ಚಿಮ್ಮಿಸುವ ಆಟ. ಆದರೆ ಮೊಗ್ಗಿನಲ್ಲಿ ಇಷ್ಟು ನೀರು ಏಕೆ? ಈ ಪ್ರಶ್ನೆ ನನ್ನನ್ನು ಆಫ್ರಿಕಾದ ಕಾಡುಗಳಿಗೆ, ಮೂಜಂಟಿ ಜೇನುಗಳ ಯುದ್ದಕ್ಕೆ, ಮತ್ತು ಸೂರಕ್ಕಿಗಳ ಕಳ್ಳತನಕ್ಕೆ ಕರೆದೊಯ್ತು. Spathodea campanulata - ನೀರುಕಾಯಿ ಮರ - ಮದ್ಯ ಆಫ್ರಿಕಾದಿಂದ ಬಂದ ಮರ. ಅಲ್ಲಿ ಟ್ರಿಗೋನ ಎಂಬ ಮೂಜಂಟಿ ಜೇನುಗಳು ಹೂವು ತೆರೆಯುವ ಮೊದಲೇ ಮೊಗ್ಗಿನಲ್ಲಿ ರಂದ್ರ ಹಾಕಿ ನೆಕ್ಟರ್ ಕದಿಯುತ್ತವೆ. ಇವು ಕುಟುಕಲು ಸಾದ್ಯವಿಲ್ಲ, ಆದರೆ 5 ಚೂಪಾದ ಹಲ್ಲುಗಳಿಂದ ಕಚ್ಚುತ್ತೆ. ಕಾಟ ತಾಳಲಾರದೆ, ಮರ ಒಂದು ಆಯ್ಕೆ ಮಾಡಿತ್ತು - ಮೊಗ್ಗಿನಲ್ಲಿಯೇ ವಿಶ ತುಂಬಿಸುವುದು. ಹಕ್ಕಿಗಳಿಗೆ ಮತ್ತು ಬಾವಲಿಗಳಿಗೆ ಈ ನಂಜು ಏನೂ ಮಾಡದು, ಆದರೆ ಜೇನುಗಳಿಗೆ ಮಾರಕ. ಬ್ರೆಜಿಲ್ನಲ್ಲಿ 96.8% ಜೇನುಗಳು ಮೊದಲ ದಿನದಲ್ಲೇ ಸಾಯುತ್ತವೆ (Castagnino et al. 2024). ಆದರೆ ಬಾರತಕ್ಕೆ ವಲಸೆ ಬಂದ ಮೇಲೆ ಹೊಸ ಸಮಸ್ಯೆ. ನಮ್ಮ ಸೂರಕ್ಕಿಗಳು (sunbird) ಬೇರೆ ತಂತ್ರ ಕಲಿತವು - ಹೂವಿನ ಅಡಿಯಲ್ಲಿ ಕನ್ನ ಹಾಕಿ ಮಕರಂದ ಕದ್ದು ಕುಡಿಯುವುದು. ಹೋದುಂಬಿವಿಕೆ ಆಗುವುದಿಲ್ಲ. ನಾನು ಪರೀಕ್ಷಿಸಿದ 20 ಹೂವುಗಳಲ್ಲಿ ಎಲ್ಲವೂ ರಂದ್ರಗಳಿಂದ ತುಂಬಿದ್ದವು. ಇದು “Red Queen Hypothesis” - ಆಲಿಸ್ ಇನ್ ವಂಡರ್‌ಲ್ಯಾಂಡ್‌ನಲ್ಲಿ ರಾಣಿ ಹೇಳಿದಂತೆ: “ಒಂದೇ ಸ್ತಳದಲ್ಲಿ ಇರಲು ಓಡುತ್ತಾನೇ ಇರ್ಬೇಕು.” ಜೇನುಗಳು ಕದಿಯುತ್ತವೆ → ಮರ ವಿಶ ತುಂಬಿಸುತ್ತದೆ → ಹಕ್ಕಿಗಳು ರಂದ್ರ ಹಾಕುತ್ತವೆ → ಮರ…? ವಿಕಾಸದ ಅಸ್ತ್ರ ಪೋಟಿ ಮುಂದುವರಿಯುತ್ತದೆ (Irwin et al. 2010). ಆದರೆ ಮರ ಬದುಕುತ್ತದೆ, ಹರಡುತ್ತದೆ. ಕೆಲವು ಹಕ್ಕಿಗಳು ಇನ್ನೂ ಸರಿಯಾಗಿ ಹೋದುಂಬಿವಿಕೆ ಮಾಡುತ್ತವೆ. ಕೆಲವೊಮ್ಮೆ ಜೀವನದಲ್ಲಿ ಪರಿಪೂರ್ಣ ಪರಿಹಾರ ಇಲ್ಲ. ಬದುಕುವುದೇ ಗೆಲುವು. ಮೂಲಗಳು : 1. Castagnino et al. (2024). Mortality of stingless bees on Spathodea campanulata. Revista Brasileira de Saúde e Produção Animal 2. Franco et al. (2020). Are native nectar robbers against the alien? Acta Oecologica 3. Irwin, R.E. et al. (2010). Nectar robbing: ecological and evolutionary perspectives. Annual Review of Ecology, Evolution, and Systematics 41:271-292 #ಕುತೂಹುಳ #Kutuhula #KannadaScience #Evolution ​​​​​​​​​​​​​​​​ #redqueen | ಕುತೂಹುಳ kutūhuḷa