महिला टी-20 वर्ल्ड कप 2026 मध्ये भारतीय महिला संघाने विजयी सलामी देत आपली मोहीम दणक्यात सुरू केली आहे. कट्टर प्रतिस्पर्धी पाकिस्तानविरुद्धच्या पहिल्याच सामन्यात भारताने सर्वांगीण कामगिरी करत तब्बल 64 धावांनी शानदार विजय मिळवला. प्रथम फलंदाजी करत भारतीय संघाने 170 धावांचा मजबूत स्कोअर उभारला. यानंतर भारतीय गोलंदाजांनीही भेदक मारा करत पाकिस्तानच्या फलंदाजांना मोठी खेळी करू दिली नाही. पाकिस्तानचा संपूर्ण संघ 17 षटकांत 106 धावांवर सर्वबाद झाला. या दमदार विजयासह टीम इंडियाने स्पर्धेतील आपला विजयाचा श्रीगणेशा केला आहे. #🇮🇳भारतीय महिला टीम 👩 #🏏महिला टी-20 कप #महिला क्रिकेट