#😱ਦਿੱਲੀ ਤੋਂ ਪੰਜਾਬ ਆਉਂਦਾ ਜਹਾਜ਼ ਜਾ ਵੜਿਆ ਪਾਕਿਸਤਾਨ! #🌍 ਪੰਜਾਬ ਦੀ ਹਰ ਅਪਡੇਟ 🗞️ #👉 ਤਾਜ਼ਾ ਅਪਡੇਟਸ ⭐ #🏙️ ਦੇਸ਼ ਵਿਦੇਸ਼ ਦੀਆਂ ਅਪਡੇਟਸ 📰 #😲ਅਜ਼ਬ-ਗਜ਼ਬ ਏਅਰ ਇੰਡੀਆ ਦੀ ਇਕ ਫਲਾਈਟ ਰਸਤੇ ਤੋਂ ਭਟਕ ਕੇ ਪਾਕਿਸਤਾਨ ਦੇ ਹਵਾਈ ਖੇਤਰ ਵਿਚ ਜਾ ਦਾਖਲ ਹੋਈ। ਇਸ ਯਾਤਰੀ ਫਲਾਈਟ ਨੇ ਦਿੱਲੀ ਤੋਂ ਉਡਾਣ ਭਰੀ ਸੀ ਤੇ ਇਸ ਨੂੰ ਅੰਮ੍ਰਿਤਸਰ ਲੈਂਡ ਹੋਣਾ ਸੀ ਪਰ ਪਾਕਿਸਤਾਨ ਚਲੇ ਜਾਣ ‘ਤੇ ਇਸ ਨੂੰ ਪਾਕਿਸਤਾਨ ਦੀ ਏਅਰ ਟ੍ਰੈਫਿਕ ਅਥਾਰਟੀ ਨੇ ਚੇਤਾਵਨੀ ਦੇ ਕੇ ਵਾਪਸ ਭੇਜਿਆ।ਤੈਅ ਸਮੇਂ ‘ਤੇ ਫਲਾਈਟ ਅੰਮ੍ਰਿਤਸਰ ਨਹੀਂ ਪਹੁੰਚ ਸਕੀ ਤਾਂ ਏਅਰਪੋਰਟ ‘ਤੇ ਟ੍ਰੈਫਿਕ ਵਧਣ ਦੇ ਬਾਅਦ ਫਲਾਈਟ ਨੂੰ ਵਾਪਸ ਦਿੱਲੀ ਜਾਣਾ ਪਿਆ। ਏਅਰਪੋਰਟ ਅਧਿਕਾਰੀਆਂ ਨੇ ਦੱਸਿਆ ਕਿ ਤਕਨੀਕੀ ਖਰਾਬੀ ਕਾਰਨ ਇਹ ਫਲਾਈਟ ਰਸਤਾ ਭਟਕ ਗਈ ਸੀ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈlਮਿਲੀ ਜਾਣਕਾਰੀ ਮੁਤਾਬਕ ਜਹਾਜ਼ ਨੇ 9 ਵਜ ਕੇ 18 ਮਿੰਟ ‘ਤੇ ਦਿੱਲੀ ਤੋਂ ਉਡਾਣ ਭਰੀ ਸੀ। ਇਹ ਜਹਾਜ਼ ਨਿਰਧਾਰਤ ਸਮੇਂ ਤੋਂ 3 ਮਿੰਟ ਦੀ ਦੇਰੀ ਨਾਲ ਉਡਿਆ ਸੀ। ਇਸ ਦੇ ਬਾਅਦ ਉਡਾਣ ਦੌਰਾਨ ਜਹਾਜ਼ ਵਿਚ ਤਕਨੀਕੀ ਖਰਾਬੀ ਆਈ।ਜਹਾਜ਼ ਨੂੰ 10.30 ਵਜੇ ਅੰਮ੍ਰਿਤਸਰ ਲੈਂਡ ਹੋਣਾ ਸੀ ਪਰ ਜਹਾਜ਼ ਆਪਣੇ ਰੂਟ ਤੋਂ ਭਟਕ ਗਿਆ ਤੇ ਪਾਕਿਸਤਾਨ ਦੇ ਏਅਰਸਪੇਸ ਵਿਚ ਜਾ ਵੜਿਆ। ਘਟਨਾ ਦੇ ਤੁਰੰਤ ਬਾਅਦ ਪਾਇਲਟ ਨੇ ਜਹਾਜ਼ ਦਾ ਰਸਤਾ ਬਦਲਿਆ ਤੇ ਯੂ ਟਰਨ ਲੈ ਕੇ ਵਾਪਸ ਭਾਰਤ ਦੇ ਏਅਰਸਪੇਸ ਵਿਚ ਆਇਆ। ਸਮਾਂ ਨਿਕਲ ਜਾਣ ਦੇ ਬਾਅਦ ਜਹਾਜ਼ ਅੰਮ੍ਰਿਤਸਰ ਪਹੁੰਚਿਆ ਪਰ ਟ੍ਰੈਫਿਕ ਵਧਣ ਨਾਲ ਜਹਾਜ਼ ਨੂੰ ਉਤਰਨ ਦੀ ਇਜਾਜ਼ਤ ਨਹੀਂ ਮਿਲੀ। ਏਅਰਪੋਰਟ ਕੰਟਰੋਲ ਰੂਮ ਤੋਂ ਜਹਾਜ਼ ਨੂੰ ਵਾਪਸ ਦਿੱਲੀ ਜਾਣ ਦੇ ਨਿਰਦੇਸ਼ ਮਿਲੇ। ਇਸ ਦੇ ਬਾਅਦ ਜਹਾਜ਼ ਵਾਪਸ ਦਿੱਲੀ ਗਿਆ ਜਿਥੇ ਉਸ ਦੀ ਸੁਰੱਖਿਅਤ ਲੈਂਡਿੰਗ ਕਰਵਾਈ ਗਈ।