#👩‍🍳 പാചകലോകം +-----+------+------+------+ *🌶️ ഇന്നത്തെ പാചകം 🍳* *ബട്ടർ ഗാർലിക് എഗ്ഗ്* +-----+------+------+------+ ```പ്രഭാതഭക്ഷണം എപ്പോഴും ആരോഗ്യകരവും ഒപ്പം രുചികരവുമായിരിക്കാൻ എല്ലാവരും ആഗ്രഹിക്കാറുണ്ട്. മുട്ട കൊണ്ടുള്ള വിഭവങ്ങൾ ബ്രേക്ക്ഫാസ്റ്റ് മേശകളിൽ സ്ഥിരമാണെങ്കിലും, സാധാരണ ഓംലെറ്റിനും പുഴുങ്ങിയ മുട്ടക്കും അപ്പുറം ഒട്ടനവധി രുചിഭേദങ്ങൾ മുട്ട കൊണ്ട് തയ്യാറാക്കാൻ സാധിക്കും. അത്തരത്തിൽ വളരെ പെട്ടെന്നും എളുപ്പത്തിലും തയ്യാറാക്കാൻ പറ്റിയ ഒരു കിടിലൻ വിഭവമാണ് ബട്ടർ ഗാർലിക് എഗ്ഗ്. വെണ്ണയുടെയും വെളുത്തുള്ളിയുടെയും സവിശേഷമായ സുഗന്ധവും മുട്ടയുടെ സ്വാഭാവിക രുചിയും ഒത്തുചേരുമ്പോൾ ഈ വിഭവം തികച്ചും വ്യത്യസ്തമായ ഒരു അനുഭവം സമ്മാനിക്കുന്നു.``` _______________________ *ചേരുവകൾ* _______________________ _മുട്ട- 3 എണ്ണം_ _കുരുമുളകുപൊടി- 2 ടേബിൾസ്പൂൺ_ _ഉപ്പ്- ആവശ്യത്തിന്_ _വെണ്ണ- 3 ടീസ്പൂൺ_ _വെളുത്തുള്ളി- 4 ടേബിൾസ്പൂൺ_ _സവാള- 3 ടേബിൾസ്പൂൺ_ _പാൽ- 1/2 കപ്പ്_ _വറ്റൽമുളക് ചതച്ചത്- 1/2 ടേബിൾസ്പൂൺ_ _മൈദ- 1 ടേബിൾസ്പൂൺ_ _______________________ *തയ്യാറാക്കുന്ന വിധം* _______________________ ```ഒരു ബൗളിലേക്ക് മൂന്ന് മുട്ട പൊട്ടിച്ചൊഴിക്കാം. അതിലേക്ക് ഒരു ടേബിൾസ്പൂൺ കുരുമുളകുപൊടിയും ആവശ്യത്തിന് ഉപ്പും ചേർത്തിളക്കി യോജിപ്പിക്കാം. ഒരു പാൻ അടുപ്പിൽ വക്കാം. അതിലേക്ക് ഒരു ടേബിൾസ്പൂൺ വെണ്ണ ചേർത്തു ചൂടാക്കാം. ഇതിലേക്ക് മുട്ട ഒഴിച്ചിളക്കാം. ഇത് ഒരു പാത്രത്തിലേക്കു മാറ്റാം. അതേ പാനിലേക്ക് രണ്ട് ടേബിൾസ്പൂൺ വെണ്ണ ചേർക്കാം. 4 ടേബിൾസ്പൂൺ വെളുത്തുള്ളി ചെറുതായി അരിഞ്ഞതും, മൂന്ന് ടേബിൾസ്പൂൺ ഉള്ളി അരിഞ്ഞത് എന്നിവ ചേർത്ത് മൂന്ന് മിനിറ്റ് വഴറ്റാം. ഇതിലേക്ക് മൂന്ന് ടേബിൾസ്പൂൺ മൈദ ചേർത്ത് ഒരു മിനിറ്റ് വേവിക്കാം. അര കപ്പ് പാൽ ഒഴിക്കാം. ശേഷം ഒരു ടേബിൾസ്പൂൺ കുരുമുളകുപൊടി, ആവശ്യത്തിന് ഉപ്പ്, വറ്റൽമുളക് ചതച്ചത് അര ടേബിൾസ്പൂൺ എന്നിവ ചേർത്തു ഇളക്കി യോജിപ്പിക്കാം. ഇതിലേക്ക് വേവിച്ചു വച്ച് മുട്ടയും ചീസും കുറച്ച് ഒറിഗാനോയും ചേർത്ത് അടുപ്പണക്കാം.​ ഇത് ബ്രെഡിനൊപ്പം കഴിച്ചു നോക്കൂ. ``` +-----+------+------+------+