"आम्ही पुस्तक नाही, आम्ही पूर्ण इतिहास वाचलाय. आम्ही मराठा आहोत. त्यांचे वंशज आम्ही. त्यांची आठवी बायको माझ्या घराण्याची होती." ९ वी पास असलेला आमदार आणि लोकप्रतिनिधी यांचा हा माज आहे. जातीचा, सत्तेचा आणि राजकीय शक्तीचा माज. अशा लोकप्रतिनिधींकडून आपण काय अपेक्षा करावी? दादागिरी, शिवीगाळ, आई-बहीण काढणे ? जातीय विषाने भरलेल्या महाराष्ट्रात हे काही नवीन नाही. पण ९ वी पास असलेल्या या आमदारांची वैचारिक उंची काय असेल? हेच आमदार म्हणतात की त्यांनी "शिवाजी कोण होता" हे पुस्तक वाचलं आहे. कदाचित वाचलं असेलही, पण ज्या व्यक्तीची फक्त शारीरिक वाढ झाली आहे आणि बौद्धिक वाढ मर्यादित आहे, त्या व्यक्तीची विचारक्षमता किती असू शकते? मी २०१९ साली शिवाजी विद्यापीठात पत्रकारितेचं शिक्षण घेण्यासाठी गेलो होतो. कुणी विचारलं की काय करतोस, तर मी सांगायचो “मास्टर्स करतोय, शिवाजी विद्यापीठात.” यावर काही संघाच्या विचारसरणीला बांधलेले लोक म्हणायचे “छत्रपती शिवाजी महाराज विद्यापीठ म्हणायचं.” मी हा विषय हसत-खेळत टाळायचो. पण मध्ये विद्यापीठाच्या नामांतरावरूनही मोठा वाद झाला होता,आजही काही लोक नित्य नियमाने ही मागणी करत असतात. अजुन तरी नाव शिवाजी विद्यापीठ असंच आहे. बाकी आमदार महोदय कथित ऑडिओ क्लिपमध्ये म्हणतात "अरे, गोविंद पानसरे कोण हरामखोर आहे, महाराजांना ‘शिवाजी’ म्हणणारा?" "हरामखोर" कॉम्रेड गोविंद पानसरे कोण होते, हे ९ वी पास व्यक्तीला काय कळणार? "हरामखोर" पानसरे यांनी जवळपास वीस पुस्तके लिहिली. त्यांची काही पुस्तके इतर भाषांमध्येही प्रसिद्ध झाली. त्यांनी ते पुस्तक लिहिताना निश्चितच अभ्यासपूर्वक विचार केला असेल, यात शंका नाही. छत्रपती शिवाजी महाराजांचा इतिहास अनेक पैलूंनी समावेशक आहे. त्यांच्या कारकिर्दीत त्यांनी हिंदवी स्वराज्याची स्थापना केली, अनेक किल्ले जिंकले, नवीन किल्ले बांधले, दुष्काळात शेतकऱ्यांना मदत केली आणि सर्व जातींचा सहभाग घेत खऱ्या अर्थाने रयतेचं राज्य उभं केलं. पण स्वतःला वंशज म्हणवणाऱ्या या आमदारांना हे कधी समजणार? पुस्तकाचा अर्थ “एकेरी उल्लेख म्हणजे अपमान” असा होत नाही. प्रकाशकांनीही स्पष्ट केलं आहे की पुस्तकात महाराजांचा कोणताही अपमान केलेला नाही. छत्रपती शिवाजी महाराज हे धर्मनिरपेक्ष, समाजहितकारी आणि रयतेचे खरे राजे होते. आणि एक प्रश्न काही वर्षांपूर्वी “आज के शिवाजी: नरेंद्र मोदी” हे पुस्तक प्रकाशित झालं होतं. त्या लेखकाला किंवा प्रकाशकाला असे फोन आमदार करतील का? #👌हृदयस्पर्शी फोटो #👌प्रेरणादायी स्टेट्स #🤳व्हाट्सअप प्रोफाईल फोटो #😊Feeling happy #1️⃣महाराष्ट्र अपडेट्स