📘📕📗📘📗📕📘 *" महामंगल सुत्त "* मी असे ऐकले . एकदा तथागत अनाथपिंण्डकाच्या जेतवनात राहत होते . त्यावेळी एक सत्पुरुष पहाटे भगवान बुद्ध जिथे होते , तिथे आला आणि भगवंतांना अभिवादन करून एकिकडे उभा राहून म्हणाला " आपण माणसं कल्याणासाठी बरेच मंगल कार्ये करतात . पण मला आपण सांगा की , सर्वात उत्तम मंगल काय आहे ?" * तेव्हा भगवान बुद्ध म्हणाले , "मूर्खाची संगती करू नका, सज्जनांची संगती करावी. पूज्यनियांची पूजा करावी हे उत्तम मंगल आहे. * अनुकूल जागी निवास करावा . सत्कार्य करीतच सन्मार्गाला लागावे हेच उत्तम मंगल आहे, * बहुश्रुत होणे, शिल्प शिकणे , सुशिक्षित -विनयशील होणे आणि गोड बोलणे उत्तम मंगल आहे. * आई -वडिलांची सेवाकरणे , पत्नी आणि मुलाबाळांचे योग्य संगोपन करणे उत्तम मंगल आहे. * दान देणे,धम्माचरण करणे,बंधू-बांधवांचा आदरसत्कार करणे व निर्दोष कार्य करणे उत्तम मंगल आहे. * काया वाचा व मनाने पापाचा त्याग करणे, मद्यपान न करणे उत्तम मंगल आहे. * गौरव करणे, नम्र होणे , संतुष्ट राहणे , कृतज्ञ होणे, आणि योग्य वेळी धम्म श्रवण करणे उत्तम मंगल आहे. * क्षमाशील होणे, आज्ञाकारी होणे, श्रमणाचे दर्शन करणे आणि वेळोवेळी धम्म चर्चा करणे उत्तम मंगल आहे." '' ब्रम्हचर्याच्या पालनाचा प्रयत्न करणे, आर्य सत्याचे दर्शन आणि निर्वाणाचा साक्षात्कार उत्तम मंगल आहे. ज्याचे चित्त लोकधर्मात विचलित होत नाही तो मनुष्य शोकरहित , निर्मळ आणि निर्भीड असतो . हेच उत्तम मंगल आहे. अशा प्रकारचे कार्य करून, सगळीकडे अपराजित होऊन जे लोक कल्याणाचे कार्य करतात, हे त्यांच्यासाठी उतम मंगल आहे." !!!सर्वांचे मंगल होवो!!! *नमो बुद्धाय !!!* 📘📕📗📘📗📕📘 #बुद्ध पौर्णिमा #बुद्ध पौर्णिमा #बुद्ध #तथागत गौतम बुद्ध #🙂 शुभेच्छा