കണ്ണുകൾ അടച്ചു എങ്കിലും അവനു ഉറങ്ങാനെ കഴിഞ്ഞില്ല... അവയോടുള്ള പ്രതികാരം അവന്റെ സിരകളിൽ ഒഴുകാൻ തുടങ്ങി... ഈ ശ്രീ അങ്ങനെ തോറ്റു തരാൻ തയ്യാർ അല്ല... അവൻ കൂലം കശിതമായി ചിന്തിക്കാൻ തുടങ്ങി.... ആ കിട്ടി പോയി മോളെ... മോളെ... നിനക്കുള്ള പണി ഞാൻ രാത്രി തന്നെ തന്നിരിക്കും....നിന്നെ ഞാൻ വെറുതെ വിടില്ല പറഞ്ഞേക്കാം.... അവൻ പലതും മനസ്സിൽ കണക്കുകൂട്ടി ഉറങ്ങാതെ കിടന്നു... കുറച്ചു കഴിഞ്ഞപ്പോൾ ആ ഇരുട്ടിന്റെ നിശബ്ദയെ ഭേദിച്ചുകൊണ്ട് ഇവയുടെ കൂർക്കം വലി അവിടെ എങ്ങും മുഴങ്ങി കേട്ടു.... എന്റെ ഈശ്വര ഇതെന്ത് കൂർക്കം വലിയാണ്... കണ്ടാൽ പറയില്ല.... കുറച്ചു നേരം കഴിഞ്ഞതും അവൻ പതുക്കെ ശബ്ദം ഉണ്ടാക്കാതെ എഴുന്നേറ്റിരുന്നു.. എടി ഇന്നത്തോടെ നിന്റെ അഹങ്കാരം തീർത്തു തരാടി.... അവളെ നോക്കി പതുക്കെ ഇത്രയും പറഞ്ഞതിന് ശേഷം ശബ്ദം ഉണ്ടാക്കാതെ റൂമിന്റെ വാതിൽ തുറന്നു താഴേക്ക് നടന്നു.. താഴെ ചെല്ലുമ്പോൾ ലൈറ്റ് ഓഫ്‌ ചെയ്തു എല്ലാവരും കിടന്നു.... ശ്രീ വർക്ക്‌ ഏരിയയിൽ ഇരിക്കുന്ന നെയിൽ കട്ടറും എടുത്തു അതെ പോലെ തന്നെ റൂമിലേക്ക് നടന്നു... നീ എന്താ ഈ രാത്രി ഇങ്ങനെ നിലാവത്ത് അഴിച്ചു വിട്ട കോഴിയെ പോലെ നടക്കുന്നത്??? പുറകിൽ നിന്നു രാഘവന്റെ ശബ്ദം കെട്ടിട്ടാണ് അവൻ അവിടെ നിന്നത്.. ഈശ്വര അച്ഛൻ.. എന്ത് പറയും??? കോമൺ ശ്രീ.... അ.. അ.. അത് അച്ഛാ നഖം ഒടിഞ്ഞു... പുതെപ്പിൽ കൊണ്ട് വലിയുന്നു... നെയിൽ കട്ടർ എടുക്കാൻ വന്നതാ... അതിനു നിന്റ റൂമിലെ അലമാരയിൽ നെയിൽ കട്ടർ ഉണ്ടല്ലോ... തേഞ്ഞു.... ആ... ഉണ്ട്.....അത് ഇവ നല്ല ഉറക്കത്തിലാ.... അലമാരി തുറക്കുമ്പോൾ ഡിസ്റ്റർബേൻസ് ആയാലോ എന്നോർത്തിട്ടാ... മ്മ്.. അത് ശരിയ... എന്താ ഞാൻ വെട്ടി തരണോ??? വേണ്ട . കുഴപ്പമില്ല...ഞാൻ വെട്ടിക്കൊള്ളാം.. ആ പുതപ്പിൽ തന്നെയാണോ കൊണ്ട് വലിഞ്ഞതെന്ന് ആർക്കറിയാം... രാഘവൻ അവൻ കേൾക്കാത്തത് പോലെ പറഞ്ഞു... വല്ലതും പറഞ്ഞായിരുന്നോ??? ഇല്ല....സമയം ഒരുപാടായി പോയി കിടന്നുറങ്ങാൻ പറഞ്ഞതാ... ശരി... അവൻ എങ്ങനെയൊക്കെയോ അവളുടെ നിന്നു രക്ഷപെട്ടു റൂമിലേക്ക് നടന്നു.... റൂമിൽ എത്തിയതും ഫോണിലെ ഫ്ലാഷ് ഓൺ ആക്കി എന്നിട്ട് കട്ടിലിൽ ഇവയുടെ അടുത്ത് പോയി ഇരുന്നു അവളുടെ വിരലിലെ നഖം മുഴുവൻ മുറിച്ചു.... മോളെ ഇവാനിയ അന്ന ആന്റണി നീ എന്നോടാ കളിച്ചത്.. മനസ്സിലായോ??? അതു കഴിഞ്ഞതും അവൻ കയറി കിടന്നുറങ്ങി.... രാവിലെ അലാം കെട്ടിട്ടാണ് അവൻ എഴുന്നേറ്റത്... ഫോൺ എടുത്തു നോക്കുമ്പോൾ സമയം നാലര.... എത്ര വൈകി കിടന്നാലും രാവിലെ ജോഗിങ്ങിനു പോകുന്ന സ്വഭാവം ഉള്ളത് കൊണ്ട് അവൻ ഫ്രഷ് ആയി വേഗം ഇറങ്ങി... റൂമിൽ നിന്നും ഇറങ്ങുന്നതിനു മുൻപ് അവളെ ഒന്നു നോക്കാനും അവൻ മറന്നില്ല... താഴെ കിച്ചനിൽ ചെല്ലുമ്പോൾ ആരും എഴുന്നേറ്റിർട്ടുണ്ടായിരുന്നില്ല..... അവൻ വേഗം ഒരു ഗ്രീൻ ടീ ഇട്ട് കുടിച്ചു... എന്നിട്ട് പുറത്തേക്ക് ഇറങ്ങി.... ചെറിയ മഴ ചാറ്റൽ ഉണ്ടായിരുന്നത് കൊണ്ട് റെയിൻ കോട്ട് ഇട്ടിട്ടാണ് ജോഗിങ്ങിനു ഇറങ്ങിയത്.... 💥💥💥💥💥💥💥💥💥💥💥 രാവിലെ ഫോൺ റിങ് ചെയ്യുന്നത് കെട്ടിട്ടാണ് ഇവ എഴുന്നേറ്റത്.... അവൾ എഴുന്നേറ്റു നോക്കുമ്പോഴേക്കും കാൾ കട്ട്‌ ആയി പോയി.... സമയം നോക്കുമ്പോൾ അഞ്ചര  കഴിഞ്ഞു.... കർത്താവെ മമ്മി ആണല്ലോ വിളിച്ചത്... എന്താണോ??? അവൾ ബെഡിന് താഴേക്ക് നോക്കിയപ്പോൾ ശ്രീയെ കണ്ടില്ല... ഇയാൾ ഇതെവിടെ പോയി???ആ എവിടെങ്കിലും പോട്ടെ.... അതും ഓർത്തു അവൾ വേഗം ഫോണിന്റെ ലോക്ക് എടുക്കാൻ ശ്രമിച്ചു... ടെൻഷൻ കൊണ്ട് ലോക്ക് എടുക്കാൻ പറ്റുന്നുണ്ടായിരുന്നില്ല ... അപ്പോഴേക്ക് വീണ്ടും മമ്മിയുടെ കാൾ വീണ്ടും വന്നു... മമ്മി എന്താ ഈ സമയം?? അവൾ ടെൻഷനോടെ ചോദിച്ചു.... അപ്പോൾ നീ എഴുന്നേറ്റില്ലേ?ഞാൻ പറഞ്ഞു തന്നത് ഒക്കെ നീ മറന്നോ??? ഇല്ല.. മോളെ സമയം അഞ്ചര ആയി നീ ഒന്നു എഴുനേൽക്കു... മമ്മി അഞ്ചരയല്ലേ ആയുള്ളൂ കൂടുതൽ ഒന്നും ആയില്ലല്ലോ... നീ ആ താഴേക്ക് പോയി നോക്ക് അവരൊക്കെ ഇപ്പോൾ എഴുന്നേറ്റു കാണും... അതൊന്നും എഴുന്നേറ്റ് കാണില്ല.. അവരൊക്കെ നമ്മളെ പോലെ തന്നെയാ... അതൊന്നും പറഞ്ഞാൽ പറ്റില്ല... നീ വേഗം എഴുനേറ്റ് കുളിക്കാൻ നോക്ക്... കുളിക്കാനോ?? കർത്താവെ ഞാനോ?? ഈ സമയമോ??? അതെ... ഇവ ഞാൻ പറയുന്നത് ഒന്നു മനസിലാക്ക് നീയു.... നമ്മുടെ വീട്ടിലെ ശീലങ്ങൾ ഒന്നുമല്ല അവിടെ.... അവരൊക്കെ രാവിലെ എഴുനേറ്റ് കുളിച്ചു വിളക്ക് വെച്ചിട്ട അടുക്കളയിൽ കയറുന്നത്.... മോളും അത് പോലെ രാവിലെ എഴുന്നേറ്റ് കുളിച്ചിട്ട് വേണം അടുക്കളയിൽ കയറാൻ... എന്തൊക്കെ നിയമങ്ങൾ ആണിതൊക്കെ??? എനിക്ക് വയ്യ... ഇവേ പറ്റില്ല..നീ എഴുന്നേൽക്ക്... പിന്നെ എപ്പോഴും കുരിശു വരച്ചോണം.... കല്യാണം കഴിച്ചത് അന്യ ജാതിക്കാരനെ ആണെന്ന് വിചാരിച്ചു കർത്താവിനെ മറക്കരുത് കേട്ടോ... ഓ... കുളിച്ചിട്ട് അടുക്കളയിൽ കയറണം... ,മമ്മി....മമ്മിക്ക് അറിയാമല്ലോ എനിക്ക് ഒന്നും ചെയ്യാൻ അറിയില്ല.... എന്റെ പൊന്നെ നീ എന്തെങ്കിലും ചെയ്തു അവരുടെ ആദ്യത്തെ ഇമ്പ്രെഷൻ തന്നെ കുളമാക്കരുത് കേട്ടോ.... അത് കൊണ്ട് നീ തത്കാലം ഒന്നും ചെയ്യണ്ട... ചുമ്മാ അവിടെ പോയി നിന്നാൽ മതി.. അവർക്കൊരു സന്തോഷം ആകും... എല്ലാവരും അങ്ങെനെ ഒക്കെ നിന്നിട്ട അടുക്കളയിൽ എക്സ് പെർട്ട് ആകുന്നത്... മ്മ് ഞാൻ പോകാം.... അവൾ കോൾ കട്ട്‌ ചെയ്തു... എന്നിട്ട് ആദ്യം കുരിശു വരച്ചു.... എന്നിട്ട് നേരെ വാഷ് റൂമിലേക്കാണ് പോയത്... ആദ്യം ബ്രെഷ് ചെയ്തു.... കർത്താവെ ഇനി ഞാൻ എങ്ങനെ കുളിക്കും....??? അവൾ ആകെ ടെൻഷൻ ആയി... വെള്ളത്തിൽ തൊടാൻ പറ്റാത്ത അവസ്ഥ.... അപ്പോഴാണ് അവൾക്ക് ഒരു ഐഡിയ തോന്നിയത്.... വേഗം മുടി അഴിച്ചു... ഡ്രെസ്സ് പോലും മാറാതെ കുനിഞ്ഞു നിന്നു എന്നിട്ട് മുടിയിലൂടെ രണ്ട് മൂന്നു മഗ് വെള്ളം ഒഴിച്ചു വിട്ടു.... എന്നിട്ട് ടവൽ കൊണ്ട് കെട്ടി വെച്ചു... ആരു കണ്ടാലും കുളിച്ച ഫീലിംഗ്.... അടിപൊളി  എന്നോടാ കളി.. അതും പറഞ്ഞു റൂമിലേക്ക് വന്നു... തലേന്ന് അവളുടെ വീട്ടിൽ നിന്നു വന്നപ്പോൾ ഡ്രസ്സ്‌ എല്ലാം കൊണ്ട് കൊടുത്തത് കൊണ്ട് അതിൽ നിന്നും ഒരു ചുരിദാർ എടുത്തിട്ടു... എന്നിട്ട് തലയിലെ കെട്ടഴിച്ചു മുടി കുളി പിന്നൽ കെട്ടി വെച്ചു.... നെറ്റിയിൽ ഒരു പൊട്ട് മാത്രം വെച്ചു.. ഫോണെടുത്തു സമയം നോക്കുമ്പോൾ അപ്പോഴേക്കും അഞ്ചു അൻപത് കഴിഞ്ഞിരുന്നു... കർത്താവെ താഴെ ആരും എഴുന്നേറ്റ് കാണരുതേ... എനിക്കും പോയി വീണ്ടും കിടക്കാമായിരുന്നു... ഹയ്യ ഹയ്യമ്മ... വേഗം താഴേക്ക് നടന്നു ഹാളിൽ എത്തിയിട്ടും അവിടെ ഒന്നും വെട്ടം പോലും ഉണ്ടായിരുന്നില്ല... എന്റെ കർത്താവെ ഇവിടെ ആരും എഴുന്നേറ്റില്ലെ??? ഒരു കണക്കിന് രക്ഷപ്പെട്ടു.... പക്ഷെ ഞാൻ ഇത്രയും നേരത്തെ എഴുന്നേറ്റത് വെറുതെ ആയി പോയല്ലോ... ശോ ഇതൊന്നും കാണാൻ പോലും ആരും ഉണ്ടായില്ല.... അല്ലേലും ഇവ നീ എവിടെ പരുപാടി അവതരിപ്പിച്ചാലും ഇതാ അവസ്ഥ.... എന്ത് ചെയ്യാനാ..... (ഇവ ആത്മ) അപ്പോഴാണ് കിച്ചണിൽ ലൈറ്റ് കണ്ടത്... കർത്താവെ കിച്ചണിൽ ലൈറ്റ് ഉണ്ട്... അവൾ അതും മനസ്സിൽ ഓർത്തു കിച്ചന്റെ വാതിലിലേക്ക് നടന്നു ... പതുക്കെ അതിന്റെ അകത്തേക്ക് എത്തി നോക്കിയ അവളുടെ കിളി നാലു പാടും പാറി പോയി.. ..കർത്താവെ ഇതൊക്കെ കാണാനാണോ എട്ടും പൊട്ടും തിരിയാത്ത എന്നെ ഇങ്ങോട്ടേക്കു വിട്ടത്??? ഇതൊരുമാതിരി മറ്റേടത്തെ പണി ആയി ആയി പോയി... ചേ... പാചകം ചെയ്യുന്ന സരസ്വതി അവരെ പിറകിൽ നിന്നു രാഘവൻ കെട്ടിപ്പിച്ചിരിക്കുന്ന കാഴ്ചയാണ് അവൾ കണ്ടത്... തലയിൽ നിന്നും കിളികൾ കൂടടങ്കം പറന്നു പോയങ്കിലും കുറച്ചു കഴിഞ്ഞു തിരികെ വന്നപ്പോൾ അവിടത്തെ കാര്യ പരിപാടികൾ കഴിഞ്ഞോ എന്നറിയാൻ ഒന്നുടെ കിച്ചണിലേക്ക് എത്തി നോക്കി... നീ എന്താണ് ഇവിടെ കിടന്നു കറങ്ങുന്നത്?? പിറകിൽ ശ്രീയുടെ ശബ്ദം കേട്ടതും അവൾ ഞെട്ടി പോയി... അത് ഞാൻ അമ്മ.....അടുക്കള.... എന്തവ??? മമ്മി പറഞ്ഞു രാവിലെ കുളിച്ചിട്ട് അടുക്കളയിൽ കയറണം എന്ന്... അത് കൊണ്ട് നീ എന്തിനാ ഇവിടെ കിടന്നു കറങ്ങുന്നത്??? കുറെ നേരമായി ഞാൻ അവിടെ നിന്നു കാണുന്നുണ്ട്... ഒരുമാതിരി കള്ളന്മാരെ പോലെ... ഇന്നലെ എന്നെ എടുത്തു ചവുട്ടിയപ്പോൾ ഇതൊന്നും അല്ലായിരുന്നല്ലോ പെർഫോമൻസ്... അത് കൊണ്ടല്ല ഞാൻ വരുമ്പോൾ....അവൾ പറയാൻ മടിച്ചു നിൽക്കുന്നത് കണ്ടപ്പോഴേ അവനു കാര്യം മനസ്സിൽ ആയി... അത് സാരമില്ല രാവിലെ ആറര വരെ കിച്ചൻ അവരുടെ ലോകമ... അത് വർക്ക് വിട്ടു കൊടുത്തേരെ... അതിൽ ഇടപെടുന്നത് അവർക്ക് ഇഷ്ടമല്ല..  മ്മ്... പോയി കിടന്നോ... എന്നിട്ട് ഏഴു മണി കഴിഞ്ഞു എഴുന്നേറ്റാൽ മതി.... മ്മ്... അപ്പോൾ അമ്മ.... അമ്മ ചോദിച്ചാൽ ഇതൊന്നും പറയണ്ട ഞാൻ പറഞ്ഞിട്ടാണെന്ന് പറഞ്ഞാൽ മതി... അവൾ മൂളി കൊണ്ട് മുകളിലേക്ക് കയറി പോയി... ചേ... അവൾ സ്വന്തം തലയിൽ കൊട്ടി... നേരെ കട്ടിലിലേക്ക് മലർന്നു... കർത്താവെ അപ്പോൾ എന്നോട് സ്നേഹം ഉണ്ട് ഞാൻ പ്രാർത്ഥിച്ച കാര്യങ്ങൾ ഒക്കെ നടത്തി തന്നില്ലേ.... അവൾ ഫോൺ എടുത്തിട്ട് വാട്സാപ്പ് ഫേസ്ബുക് ഇൻസ്റ്റാഗ്രാം എല്ലാത്തിലും കൂടെ ഒരു പ്രദക്ഷിണം വെച്ചു... തലേന്നത്തെ ക്ഷീണം കാരണം ഫോൺ എടുക്കാനോ ഒന്നും നോക്കാനോ ഒന്നിനും സമയം കിട്ടിയിരുന്നില്ല.... അവൾ ഫോൺ എടുത്തു നോക്കുമ്പോൾ എല്ലാടത്തും സേവിച്ഛനുമായുള്ള കല്യാണത്തിന് ആശംസകൾ നിറഞ്ഞു കവിഞ്ഞൊഴുകുന്നു... ഒരാഴ്ച മുൻപായിരുന്നു സേവിച്ഛനുമായുള്ള മനസമ്മതം.... ഇവ അതിന്റെ ഫോട്ടോസ് എല്ലാം സ്റ്റാറ്റസ് ആയും റീൽസ് ആയിട്ടും എല്ലാം അപ്‌ലോഡ് ചെയ്തിരുന്നു.... അന്ന് ഒരുപാട് സന്തോഷത്തോടെ ചെയ്തത് ഇപ്പോൾ അവളെ തന്നെ കളിയാക്കുന്നത് പോലെയാണ് അവൾക്ക് തോന്നിയത്... ഇവ കുത്തിയിരുന്ന് ആ ഫോട്ടോസ് എല്ലാം ഡിലീറ്റ് ചെയ്തു.. എന്നിട്ട് ഫോൺ മാറ്റിവെച്ചിട്ട് ഉറങ്ങാൻ കിടന്നു .. കുറേ നേരം കിടന്നിട്ടും അവൾക്ക് ഉറക്കം വന്നതേ ഇല്ല... ശ്രീ മുകളിലേക്ക് കയറി വരുന്നത് കണ്ടിട്ട് പിന്നെ കണ്ടതെ ഇല്ലല്ലൊ എന്നുള്ളത് അപ്പോഴാണ് അവൾ ശ്രദ്ധിച്ചത്.... ഇയാൾ ഇതെങ്ങോട്ട് പോയി... ഇവ അതും ഓർത്തു റൂമിന്റെ സൈഡിൽ ഉള്ള ബാൽക്കണിയുടെ കർട്ടനുകൾ ഇരു സൈഡിലേക്കും മാറ്റി... രാത്രി പെയ്ത മഴയുടെ ഈർപ്പം ആ ഗ്ലാസ്‌ ഡോറിൽ പറ്റി പിടിച്ചിരിക്കുന്നു.... അവൾ പതുക്കെ ആ ഗ്ലാസ്‌ ഡോർ തുറന്നു പുറത്തേക്ക് ഇറങ്ങി... മഴപെയ്തത് കൊണ്ട് ബാൽക്കണിയിലും ചെറിയ നാനവുണ്ടായിരുന്നു... അവൾ അവിടെ നിന്നും താഴേക്ക് നോക്കി.... മനോഹരമായ ഒരു ഗാർഡൻ ആയിരുന്നു അവിടെ..... ഒരു മാതിരി പെട്ട എല്ലാ തരം പൂക്കളുമുള്ള ഗാർഡൻ.... ശ്രീ അതിന്റെ നടുക്ക് നിൽപ്പുണ്ടായിരിന്നു.... ഇയാൾ എന്താ ഇവിടെ??? ഇനി റെയിൻ കോട്ടിട്ട് ചെടിക്ക് വെള്ളം ഒഴിക്കുമായിരിക്കും.... ഇവൾ അതും ഓർത്തു തിരിഞ്ഞതും  അവളുടെ ഫോൺ പിന്നെയും ബെൽ അടിച്ചു... 🥀🥀തുടരും 🥀🥀 പ്ലീസ് എല്ലാവരും രണ്ട് വരി എങ്കിലും കുറിക്കു.... നന്നായെങ്കിലും ഇല്ലങ്കിലും... പ്ലീസ് "🥀🥀ഒരു കോൺട്രാക്ട് കല്യാണം 1️⃣", എന്ന രചന പ്രതിലിപിയില്‍ വായിക്കൂ:, https://malayalam.pratilipi.com/series/ #പ്രതിലിപി #പ്രതിലിപി മലയാളം #പ്രതിലിപി കഥകൾ## ഒരു-കോൺട്രാക്ട്-കല്യാണം-9mamjhegtbqj?language=MALAYALAM&utm_source=android&utm_medium=content_series_share ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി!