#എൻ്റെ നാട് ഭഗവതിനട #നെയ്യാറ്റിൻകര ഉണ്ണികണ്ണൻ ഭക്തി സുഖങ്ങളെ മാത്രം തേടിനടക്കുന്നവർ എങ്ങനെ ഈശ്വരനിലേക്ക് അടുക്കും.. അവർക്ക് എങ്ങനെ ഈശ്വര കൃപ നേടിയെടുക്കാൻ കഴിയും.. പരിശുദ്ധതയിലേക്ക് അല്ലേ ഈശ്വര ചൈതന്യം പ്രവഹിക്കുകയുള്ളൂ..ഈശ്വര ചിന്തകൾക്ക് പകരം മനസ്സും ചിന്തകളും സുഖഭോഗങ്ങളെ തേടി നടക്കുന്നവർ ദുർഗതികളിലേക്ക് അല്ലേ വീഴുകയുള്ളൂ.... നാം ഒരിക്കലുംലൗകീകമായ സുഖങ്ങളെ തേടി അലയരുത്.. ഭൗതീകമായ എന്തും ദുഖത്തെ മാത്രമേ നൽകുകയുള്ളൂ..അവ നമ്മുടെ സമാധാനവും സന്തോഷവും നശിപ്പിക്കും.. ചില നിമിഷത്തെ ഭൗതീകമായ സുഖങ്ങൾ ചിലപ്പോൾ ജീവിതം മുഴുവൻ ദുഖത്തെ ആവും സമ്മാനിക്കുക.. ഈശ്വരനിലൂടെ ലഭിക്കുന്ന എന്തും സ്ഥായിയായിരിക്കും.. അവക്ക് ഒരിക്കലും നാശം സംഭവിക്കുകയില്ല.. മോഹങ്ങൾ സങ്കടങ്ങളെ നൽകും.. മനസ്സും ചിന്തകളും ഈശ്വരനിൽ ഉറപ്പിച്ചവർക്കേ സന്തോഷവും സമാധാനവും ലഭിക്കുകയുള്ളൂ..ഈശ്വര പാതകളിൽ ജീവിതം നയിക്കുന്നവന് ദുർഗതികളോ.. പാപങ്ങളോ വന്നുഭവിക്കുകയില്ല.. നേരായ പാതകൾ നന്മകളെ മാത്രമേ നൽകുകയുള്ളൂ.. കുറുക്കുവഴികൾ അപകടത്തെ വരുത്തും.. നല്ല തീരുമാനങ്ങളും.. നല്ല കർമ്മങ്ങളും അനുഷ്ടിക്കേണമെങ്കിൽ ചിന്തയിലും മനസ്സിലും ഈശ്വരൻ ഉണ്ടായേ തീരൂ.. ദുർബുദ്ധികൾ ദുഷ്കർമ്മങ്ങൾ മാത്രമേ ചെയ്യുകയുള്ളൂ.. താൽക്കാലികമായ ഒരു ചെറിയ നേട്ടത്തിനോ.. സ്വല്പം സുഖത്തിനോ വേണ്ടി ദുർമ്മാർഗ്ഗങ്ങൾ തേടുന്നവർ ഒരായുസ്സ് മുഴുവൻ ദുരിതം അനുഭവിക്കുക മാത്രമല്ല.. പാപകർമ്മഫലം വരും ജന്മങ്ങളിൽ കൂടി അനുഭവിക്കേണ്ടി വരുകയും ചെയ്യും.. സത്യത്തെ ഒരിക്കലും മറച്ചു വെക്കാനോ.. ഇല്ലായ്മ ചെയ്യുവാനോ കഴിയുകയില്ല.. നാം ചെയ്യുന്ന ഓരോ കർമ്മങ്ങളും എഴുതപ്പെടുന്നുണ്ട് എന്നോർക്കേണം.. മനസ്സിലെ അഹന്ത എല്ലാം നിസ്സാരമാക്കി എടുത്തേക്കാം.. എന്നാൽ ഈ ജന്മം തന്നെ എല്ലാറ്റിനും കണക്ക് പറയേണ്ട ഒരു ദിവസം വന്നുചേരും എന്നത് സത്യം തന്നെ.. കലിയുഗത്തിൽ ഓരോ ചോദ്യത്തിനും ഉള്ള ഉത്തരം അപ്പോൾ തന്നെ ലഭിക്കും എന്നത് ഓർക്കുക.. ആരോഗ്യവും സമ്പത്തും ഉണ്ടെങ്കിൽ ആശ്രിതരും കൂടെ ഉണ്ടാവും.. ഇവ രണ്ടും എന്നും കൂടെ ഉണ്ടാവില്ലെന്ന് ഓർക്കുക.. സമ്പത്തും ആരോഗ്യവും നശിച്ചാൽ കൂടെ ആരും ഉണ്ടാവുകയില്ല.. പിന്നെ കൂടെ ഉണ്ടാവുന്നത് ചെയ്തു വെച്ച പാപങ്ങളുടെ കർമ്മഫലങ്ങൾ മാത്രമാണ്.. ദുരിതങ്ങൾ അനുഭവിക്കുമ്പോൾ ഒറ്റക്ക് തന്നെ അനുഭവിക്കേണം സഹായത്തിനുപോലും ആരുമുണ്ടാവില്ല.. നിസ്സഹായനായി കിടക്കുമ്പോൾ ദുരിതങ്ങൾ വേട്ടയാടുമ്പോൾ ചെയ്തു പോയ ഓരോ ദുഷ്കർമ്മങ്ങളും ഓർമ്മയിൽ വരും.. അപ്പോൾ ഈശ്വരനെ വിളിച്ചു കരയുന്നതിന് പകരം നല്ല കാലത്ത് തന്നെ ഈശ്വര കൃപ ഏറ്റുവാങ്ങി സമാധാനത്തോടെ ജീവിച്ചുകൂടെ.. ഒന്നോർക്കുക അഹങ്കാരം അഹംഭാവം ഇവയൊക്കെ മനസ്സിൽ ഉദിക്കുന്നതെ വരാൻ പോവുന്ന ദുർവിധികളുടെ മണിനാദങ്ങൾ ആണ്.. ഈശ്വരനിൽ അഭയം തേടാത്തവൻ അനുഭവിക്കുകയല്ലാതെ നിവൃത്തിയില്ല.. ഇന്ന് ഉണ്ടെന്ന് കരുതുന്ന ഒന്നും നാളെ ഉണ്ടാവണമെന്നില്ല.. ഇന്ന് കൂടെ ഉള്ള ഭാര്യ..ഭർത്താവ്.. മക്കൾ.. നിങ്ങൾക്ക് എല്ലാം എല്ലാം ആയിരിക്കും.. പക്ഷെ ഒന്നോർക്കുക നാളെ കൂടെ ഇവരൊന്നും.. സമ്പാദിച്ചുവെച്ചതൊന്നും ഉണ്ടാവുമെന്ന് എന്താണ് ഉറപ്പ്.. ഏതൊരു വ്യക്തിക്കും ഉറപ്പ് ഉള്ള ഒന്നേ ഒന്നുള്ളൂ.. അതാണ് ഈശ്വരൻ.. ഈശ്വരനിൽ വിശ്വസിച്ചവരെ ഈശ്വരൻ ഒരുകാലത്തും കൈവെടിയുകയില്ല.. സർവ്വമോഹങ്ങളുടെയും.. ദുഷ് ചിന്തകളുടെയും മായാ വലയങ്ങൾ നമുക്ക് പൊട്ടിച്ചെറിയാം.. ഈശ്വരന്റെ സ്നേഹ സുന്ദരമായ കൃപാകടാക്ഷങ്ങൾ ഏറ്റ് വാങ്ങി ജീവിതം പരമാനന്ദത്തോടെ മുന്നോട്ട് നയിക്കാം.. ഏവർക്കും ശുഭദിനം ആശംസിച്ചുകൊണ്ട്......🙏*സ്വാമി ദേവരാജാനന്ദ സരസ്വതി...* 🙏🌹🙏