4. ഈശോയുടെ അഞ്ചു തിരുമുറിവുകളെക്കുറിച്ചുള്ള പ്രാർത്ഥന മനുഷ്യവർഗത്തെ തിന്മയിൽ നിന്നു വീണ്ടെടുത്ത് സ്വർഗഭാഗ്യം തരാൻവേണ്ടി മനുഷ്യനായി അവതരിച്ച് ക്ലേശങ്ങളനുഭവിച്ച യേശുനാഥാ, അങ്ങേ ശരീരത്തിൽ നിരവധി തിരുമുറിവുകൾ അങ്ങ് ഏറ്റുവല്ലോ. അവ യെല്ലാം ഞങ്ങളോടുള്ള അനന്തകാരുണ്യത്തിന്റെ അടയാളങ്ങളാണെന്നു ഞങ്ങളറിയുന്നു. അങ്ങയെ ആരാധിക്കുന്നു. അങ്ങേക്കു സ്‌തുതി പാടുന്നു. നന്ദി പ്രകാശിപ്പിക്കുന്നു. കാരുണ്യവാനും ക്ഷമാശീലനുമായ കർത്താവേ, അങ്ങേ ഇടതു തൃപ്പാദത്തിലും വലതു തൃപ്പാദത്തിലും അങ്ങേ ഇടതു തൃക്കൈയിലും വലതു തൃക്കൈയിലും അങ്ങേ തിരുവിലാവിലുമായേറ്റ അഞ്ചു തിരുമുറിവുകളെ ഞങ്ങൾ വണങ്ങുന്നു. ഞങ്ങളുടെ നിത്യരക്ഷ യ്ക്കു വേണ്ടിയാണ് ഈ മുറിവുകളേറ്റതെന്ന് ഞങ്ങൾ മനസ്സിലാക്കുന്നു. എത്രമാത്രം കനിവോടെയാണ് അങ്ങി തെല്ലാം സ്വയം വരിച്ചതെന്ന് ഞങ്ങളറിയുന്നു. ദുസ്സ ഹമായ വേദനകൾ സഹിച്ച അങ്ങ് ഈ തിരുമുറിവു കളിൽ നിന്നൊഴുകിയ രക്തംകൊണ്ട് ഞങ്ങളുടെ ഘോരപാപങ്ങൾ കഴുകിക്കളയുകയായിരുന്നു. അങ്ങ യുടെ പ്രാണൻ ഒരു ദിവ്യബലിയായി പരമപിതാവായ ദൈവത്തിന് അർപ്പണം ചെയ്യുകയായിരുന്നു. അങ്ങേ തിരുമുറിവുകളിൽ നിന്നൊഴുകിയ തിരുരക്തം വഴി പാപ മുക്തിവരിച്ച് ഞങ്ങൾ നിത്യസൗഭാഗ്യമനുഭവിക്കാൻ ഇടയാകട്ടെ, ആമ്മേൻ. #✝ ബൈബിള്‍ #✝️ ക്രിസ്തീയ പ്രാർത്ഥനകൾ #⛪ ക്രിസ്തീയ വിശ്വാസം #🙏 ഭക്തി Status #🏰 ക്രിസ്ത്യൻ സ്റ്റാറ്റസ്