#🏝️ പ്രവാസി #😇 മുഖം തിളങ്ങാൻ കെമിക്കൽ വേണ്ട; ഇത് കാണൂ #🧘‍♂️ നിങ്ങളുടെ ആ രോഗം മാറും ; ഇതാ എളുപ്പവഴി #👨‍👩‍👧‍👦 കുടുംബം #🤝 സുഹൃദ്ബന്ധം പിടിച്ചുനിർത്തുക, വേഗത്തിൽ ഭക്ഷണം കഴിക്കുക, ചൂടുവെള്ളത്തിലെ കുളി; ആരോഗ്യം തകർക്കുന്ന 8 ശീലങ്ങൾ* നിങ്ങളുടെ ഭക്ഷണക്രമം, വ്യായാമം, ഉറക്കം, മൊത്തത്തിലുള്ള ജീവിതശൈലി എന്നിവയെല്ലാം ശാരീരികക്ഷമതയിൽ പ്രധാന പങ്ക് വഹിക്കുന്നു നമ്മുടെ നിത്യജീവിതത്തിലെ ചില ചെറിയ കാര്യങ്ങൾ ദീർഘകാലാടിസ്ഥാനത്തിൽ വലിയ ആരോഗ്യപ്രശ്നങ്ങൾക്ക് കാരണമാകാറുണ്ട്. കുടലിന്റെ ആരോഗ്യമാകട്ടെ, ഹൃദയമോ, മസ്തിഷ്ക പ്രവർത്തനമോ, അസ്ഥികളോ, പേശികളോ ആകട്ടെ, നിങ്ങളുടെ ഭക്ഷണക്രമം, വ്യായാമം, ഉറക്കം, മൊത്തത്തിലുള്ള ജീവിതശൈലി എന്നിവയെല്ലാം ശാരീരികക്ഷമതയിൽ പ്രധാന പങ്ക് വഹിക്കുന്നു. ദിവസവും കൃത്യമായ ഭക്ഷണക്രമവും വ്യായാമവും പിന്തുടർന്നാൽ പോലും, നിങ്ങൾക്ക് പൂർണമായ ശാരീരികക്ഷമത അനുഭവപ്പെട്ടെന്നു വരില്ല. അത്തരം സാഹചര്യങ്ങളിൽ, നിങ്ങളുടെ ജീവിതശൈലി നിങ്ങൾ വിശകലനം ചെയ്യേണ്ടതുണ്ട്. ഹാർവാർഡ്, സ്റ്റാൻഫോർഡ് സർവകലാശാലകളിൽ നിന്ന് പരിശീലനം സിദ്ധിച്ച ഗ്യാസ്‌ട്രോഎൻട്രോളജിസ്റ്റ് ഡോ. സൗരഭ് സേത്തിയുടെ അഭിപ്രായത്തിൽ, ആരോഗ്യകരമായ ജീവിതം നയിക്കാൻ ആളുകൾ എട്ട് മോശം ജീവിതശൈലീ ശീലങ്ങൾ ഉപേക്ഷിക്കേണ്ടതുണ്ട് 1. മൂത്രം പിടിച്ചുനിർത്തുന്നത് മൂത്രം ബ്ലാഡറിലാണ് സംഭരിക്കപ്പെടുന്നത്. ഇത് ദീർഘനേരം പിടിച്ചുനിർത്തുന്നത് ബാക്ടീരിയകൾ വളരാൻ കാരണമാകും. ഇത് മൂത്രനാളിയിലെ അണുബാധയ്ക്കുള്ള സാധ്യത വർധിപ്പിക്കുന്നുവെന്ന് വിദഗ്ദ്ധർ പറയുന്നു. കൂടാതെ, 50-60 ശതമാനം സ്ത്രീകളും ജീവിതത്തിൽ ഒരിക്കലെങ്കിലും ഇത്തരം അണുബാധകൾ നേരിടുന്നുണ്ടെന്നും അദ്ദേഹം ചൂണ്ടിക്കാട്ടി 2. വായ തുറന്നുറങ്ങുന്നത് പലരും വായ തുറന്നാണ് ഉറങ്ങാറുള്ളത്. ഉറക്കത്തിൽ വായിലൂടെ ശ്വസിക്കുന്നത് ഉറക്കത്തിന്റെ ഗുണനിലവാരം കുറയ്ക്കുമെന്ന് വിദഗ്ദ്ധർ അഭിപ്രായപ്പെടുന്നു. ഇത് വായ വരളുന്നതിനും കൂർക്കംവലിക്കും കാരണമായേക്കാം. വാസ്തവത്തിൽ, വിട്ടുമാറാത്ത കൂർക്കംവലി ഉയർന്ന രക്തസമ്മർദവുമായി ബന്ധപ്പെട്ടിരിക്കുന്നു. കൂടാതെ, അഞ്ചിൽ ഒരാൾക്ക് 'സ്ലീപ്പ് അപ്നിയ' എന്ന അവസ്ഥയുണ്ടെങ്കിലും പലരിലും ഇത് തിരിച്ചറിയപ്പെടാതെ പോകുന്നു. 3. മോശം രീതിയിലുള്ള ഇരുപ്പ് കുട്ടികളോട് ശരിയായ രീതിയിൽ ഇരിക്കാൻ മാതാപിതാക്കൾ എപ്പോഴും പറയാറുണ്ട്. എന്നിരുന്നാലും, രാവിലെ 9 മുതൽ വൈകിട്ട് 5 വരെയുള്ള ജോലി ചെയ്യുന്നവർ മണിക്കൂറുകളോളം കൂനിയിരുന്ന് ജോലി ചെയ്യുന്നത് പതിവാണ്. ഇത് അവരുടെ പുറംഭാഗത്തും കഴുത്തിലും കടുത്ത സമ്മർദം ഉണ്ടാക്കുന്നു. ഇത് ക്രമേണ ശരീരത്തിന് വഴക്കമില്ലായ്മ, വേദന, സന്ധി സംബന്ധമായ പ്രശ്നങ്ങൾ എന്നിവയ്ക്ക് കാരണമാകും. 4. കൂടുതൽ നേരം ടോയ്‌ലറ്റിൽ ഇരിക്കുന്നത് ടോയ്‌ലറ്റിൽ കൂടുതൽ നേരം ചിലവഴിക്കരുതെന്ന് ഡോ.സേത്തി ഉൾപ്പെടെയുള്ള നിരവധി വിദഗ്ധർ ശുപാർശ ചെയ്യുന്നു. ടോയ്‌ലറ്റ് മലവിസർജ്ജനത്തിന് മാത്രമുള്ളതാണ്. മണിക്കൂറുകളോളം ഇരിക്കാനുള്ള ഇടമല്ല അത്. കൂടുതൽ നേരം ഇരിക്കുന്നത് ഗുദഭാഗത്തെ ഞരമ്പുകളിൽ അമിത സമ്മർദം ചെലുത്തുകയും അത് മൂലക്കുരു പോലുള്ള പ്രശ്നങ്ങൾക്ക് കാരണമാവുകയും ചെയ്യും. 5. ഇടയ്ക്കിടെ മുഖത്ത് തൊടുന്നത് പകൽ സമയങ്ങളിൽ നാം നൂറുകണക്കിന് വസ്തുക്കളിൽ സ്പർശിക്കാറുണ്ട്. ഇതിലൂടെ നമ്മുടെ കൈകളിൽ ബാക്ടീരിയകളും അണുക്കളും അടിഞ്ഞുകൂടുന്നു. കൈകൾ കൊണ്ട് ഇടയ്ക്കിടെ മുഖത്ത് തൊടുന്ന ശീലം ഉണ്ടെങ്കിൽ, ഈ ബാക്ടീരിയകൾ ചർമ്മത്തിലേക്ക് പടരുകയും മുഖക്കുരുവിനും മറ്റ് അണുബാധകൾക്കും കാരണമാവുകയും ചെയ്യും. 6. വേഗത്തിൽ ഭക്ഷണം കഴിക്കുന്നത് അഞ്ച് പത്ത് മിനിറ്റിനുള്ളിൽ ഭക്ഷണം കഴിച്ച് തീർക്കുന്നത് വലിയ കാര്യമാണെന്ന് നിങ്ങൾ കരുതുന്നുണ്ടെങ്കിൽ നിങ്ങൾക്ക് തെറ്റി. വേഗത്തിൽ ഭക്ഷണം കഴിക്കുന്നത് അമിതമായി ആഹാരം കഴിക്കാനിടയാക്കുമെന്നും അത് വയറു വീർക്കുന്നതിലേക്ക് നയിക്കുമെന്നും ഡോ. സേത്തി വിശദീകരിക്കുന്നു. കാരണം, വയർ നിറഞ്ഞുവെന്ന സന്ദേശം തലച്ചോറിലെത്താൻ ആവശ്യമായ സമയം ഇതിലൂടെ ലഭിക്കുന്നില്ല. 7. നഖത്തിന് ചുറ്റുമുള്ള തൊലി അടർത്തി മാറ്റുന്നത് പലർക്കും നഖത്തിന് ചുറ്റുമുള്ള ചർമ്മം നഖം കൊണ്ടോ മറ്റോ അടർത്തി മാറ്റുന്ന ശീലമുണ്ട്. ഇത് ബാക്ടീരിയകൾക്കും അണുക്കൾക്കും ശരീരത്തിനുള്ളിലേക്ക് കടക്കാൻ ചെറിയ വഴികൾ ഉണ്ടാക്കുന്നു. ഇത് ഗുരുതരമായ അണുബാധകൾ ഉണ്ടാകാനുള്ള സാധ്യത വർധിപ്പിക്കുന്നു. 8. കുളിക്കാൻ ചൂടുവെള്ളം ഉപയോഗിക്കുന്നത് ക്ഷീണം നിറഞ്ഞ ഒരു ദിവസത്തിന് ശേഷം ചൂടുവെള്ളത്തിലുള്ള കുളി ആശ്വാസം നൽകുമെങ്കിലും, ദിവസവും ചൂടുവെള്ളം ഉപയോഗിക്കുന്നത് ചർമ്മത്തിന് ദോഷകരമാണ്. ഏതാനും മിനിറ്റുകളിലെ ആശ്വാസത്തിനായി നിങ്ങൾ നിങ്ങളുടെ ചർമ്മത്തെ നശിപ്പിക്കുകയാണ് ചെയ്യുന്നത്. ചൂടുവെള്ളം ചർമ്മത്തിലെ സ്വാഭാവിക എണ്ണമയം ഇല്ലാതാക്കുകയും ചർമ്മം വരണ്ടുപോകുന്നതിനും ചൊറിച്ചിലിനും അസ്വസ്ഥതകൾക്കും കാരണമാവുകയും ചെയ്യുന്നു. നിങ്ങളുടെ ദൈനംദിന ശീലങ്ങളിൽ വരുത്തുന്ന ചെറിയ മാറ്റങ്ങൾ മൊത്തത്തിലുള്ള ആരോഗ്യവും മെച്ചപ്പെട്ട ജീവിതശൈലിയും കെട്ടിപ്പടുക്കാൻ നിങ്ങളെ സഹായിക്കും.