#✍️വിദ്യാഭ്യാസം ഡാനിയേൽ ജേക്കബ് ബാസ്റ്റിൻ എന്ന മിടുക്കൻ പയ്യൻ സിബിഎസ്ഇ പത്താം ക്ലാസ് പരീക്ഷയിൽ തകർപ്പൻ വിജയമാണ് സ്വന്തമാക്കിയിരിക്കുന്നത്. വെറും ജയമല്ല കേട്ടോ, 500-ൽ 500 മാർക്കും വാങ്ങി അഖിലേന്ത്യാ തലത്തിൽ ഒന്നാം സ്ഥാനം തന്നെ ഈ കൊച്ചു മിടുക്കൻ കൊയ്തെടുത്തു! ദേവഗിരി സിഎംഎ പബ്ലിക് സ്കൂളിലെ വിദ്യാർത്ഥിയാണ് ഡാനിയേൽ. 🤩👏 നല്ല മാർക്ക് കിട്ടുമെന്ന് പ്രതീക്ഷിച്ചിരുന്നുവെങ്കിലും ഇത്രയും വലിയൊരു നേട്ടം ഒട്ടും പ്രതീക്ഷിച്ചിരുന്നില്ലെന്നാണ് ഡാനിയേൽ ഏഷ്യാനെറ്റ് ന്യൂസിനോട് പറഞ്ഞത്. ഒരു 95 ശതമാനത്തിന് മുകളിൽ കിട്ടുമെന്ന് കരുതിയിരുന്നു, പക്ഷേ കിട്ടിയത് ഫുൾ മാർക്ക്! ഡാനിയേലിന്റെ സന്തോഷത്തിന് അതിരുകളില്ല. 😍✨ പഠനത്തിന്റെ കാര്യത്തിൽ ഡാനിയേലിന് കൃത്യമായ ഒരു പ്ലാൻ ഉണ്ടായിരുന്നു. ഒരു ദിവസം പോലും പഠിക്കാതെ വിട്ടിട്ടില്ല. എല്ലാ ദിവസവും കുറച്ചു സമയമെങ്കിലും മാറ്റി വെച്ച് പഠിക്കുമായിരുന്നു. അതുകൊണ്ട് തന്നെ മോഡൽ എക്സാമും ബോർഡ് എക്സാമും വന്നപ്പോൾ കാര്യങ്ങൾ എളുപ്പമായി. എല്ലാം നേരത്തെ പഠിച്ചു തീർത്തത് കൊണ്ട് അവസാനം ഒന്ന് റിവൈസ് ചെയ്താൽ മാത്രം മതിയായിരുന്നു. 📚✍️ മറ്റൊരു രസകരമായ കാര്യം എന്താണെന്നോ, നമുക്കൊക്കെ ചില വിഷയങ്ങളോട് പേടിയോ അല്ലെങ്കിൽ പ്രത്യേക ഇഷ്ടമോ കാണുമല്ലോ? എന്നാൽ ഡാനിയേലിന് എല്ലാ വിഷയങ്ങളും ഒരുപോലെയായിരുന്നു. ഒരു വിഷയത്തോടും വിവേചനമില്ലാതെ എല്ലാം ഇഷ്ടപ്പെട്ട് തന്നെയാണ് പഠിച്ചത്. റിസൾട്ട് വന്നപ്പോൾ അഭിനന്ദനപ്രവാഹമാണ്. മകൻ നല്ല മാർക്ക് വാങ്ങുമെന്ന് ഉറപ്പായിരുന്നുവെങ്കിലും നൂറു ശതമാനം മാർക്ക് കിട്ടുമെന്ന് കരുതിയിരുന്നില്ലെന്ന് ഡാനിയേലിന്റെ അമ്മയും സന്തോഷത്തോടെ പറയുന്നു. എന്തായാലും ഡാനിയേലിന് ഇനിയും ഉയരങ്ങൾ കീഴടക്കാൻ കഴിയട്ടെ! 🥳️🎉🙌