அல்ஹம்துலில்லாஹ் வஸ்ஸலாத்து வஸ்ஸலாமு அலா ரசூலில்லாஹ் #☪️இஸ்லாமிய ஸ்டேட்டஸ் #👌அருமையான ஸ்டேட்டஸ் இரட்சகனே, எங்களின் இப்போதைய நிலைமையைச் சீர் செய்து எங்களுக்கு மன அமைதியைத் தருமாறு கேட்கிறோம் எங்களின் வேண்டுகோளுக்கு பதிலளிக்க இறைஞ்சுகிறோம் என் ரப்பே, இந்த நாளின் நன்மையையும் அதன் பின் வரும் நன்மைகளையும் உன்னிடம் கேட்கிறோம், இந்த நாளில் ஏற்படும் தீமையிலிருந்தும், அதற்குப் பிறகு வரும் தீமையிலிருந்தும் உன்னிடம் பாதுகாப்புத் தேடுகிறோம். எங்கள் உள்ளங்களில் இருக்கும் ஆசைகளை அவைகள் எங்களுக்கு நலன் பயக்கும் எனில் நிறைவேற்றாமல் விட்டுவிடாதே எங்கள் உள்ளங்களை பதட்டம் நீங்கி அமைதியடைச் செய்வாயாக வெளியே சொல்ல முடியாத எங்கள் சுமைகளை இலேசாக்குவாயாக எங்களின் மீது பொறுமை எனும் ஆடையை அணிவிப்பாயாக எங்களின் உள்ளங்களை குளிரச் செய்யும் நற்செய்தியை அறிவிப்பாயாக எங்களுக்காக வாழ்வாதாரம், மகிழ்ச்சி, ஆரோக்கியம், மன அமைதியின் கதவுகளைத் திறந்துவிடுவாயாக அல்லாஹ்வே! நாங்கள் விரும்புவதை விட அழகானதை, நாங்கள் எதிர்பார்ப்பதை விடவும் அதிகத்தை, நாங்கள் உன்னிடம் பிரார்த்திப்பதைவிடவும் சிறந்ததை எங்களுக்கு வழங்குவாயாக! எங்கள் வாழ்நாட்களை துன்பம் துயரம் நெருக்கடி இல்லாமல் நல்ல ஆரோக்கியத்துடன் நீட்டித்து நல்லறங்கள் புரிய அருள்புரிவாயாக! எங்களின் வாழ்க்கையின் இறுதியை அழகாக்குவாயாக அண்ணல் நபி அவர்கள் மீதும் அவர்களின் குடும்பத்தார் மீதும் உன் அருளைப் பொழிவாயாக அனைத்துப் புகழும் உனக்கே உரித்தானது