কে পাজানিভেল কোন? কে পাজানিভেলক আজি ৰাষ্ট্ৰপতি দ্ৰৌপদী মুৰ্মূৱে পদ্মশ্ৰী সন্মানেৰে বিভূষিত কৰে। পদ্মশ্ৰী সন্মান গ্ৰহণৰ পূৰ্বে এইদৰে প্ৰধানমন্ত্ৰী মোদীক জনায় সাষ্টাংগে প্ৰণিপাত। কে পাজানিভেল হৈছে পুডুচেৰীৰ এজন প্ৰখ্যাত ‘চিলেম্বম’ সমৰকলা বিশেষজ্ঞ আৰু প্ৰশিক্ষক। ভাৰতৰ প্ৰাচীন আৰু থলুৱা সমৰকলাক সংৰক্ষণ তথা জনপ্ৰিয় কৰাৰ ক্ষেত্ৰত আগবঢ়োৱা উৎকৃষ্ট অৱদানৰ বাবে ২০২৬ চনত ভাৰত চৰকাৰে ‘পদ্মশ্ৰী’ সন্মান প্ৰদান কৰিছে। ১৯৭৩ চনৰ ৩০ জানুৱাৰীত পুডুচেৰীৰ ‘পূৰণানকুপ্পম’ গাঁৱত জন্ম গ্ৰহণ কৰা পাজানিভেলে এসময়ত পৰিয়াল পোহপাল দিবলৈ বাছ পৰিষ্কাৰ কৰা আৰু গাড়ী চলোৱাৰ কামো কৰিছিল, কিন্তু ইয়াৰ মাজতো তেওঁ নিজৰ সমৰকলাৰ সাধনা এৰি দিয়া নাছিল। তামিলনাডু আৰু পুডুচেৰীৰ প্ৰায় ৫,০০০ বছৰ পুৰণি এই লাঠিভিত্তিক প্ৰাচীন সমৰকলাবিধক তেওঁ কেৱল ভাৰততে নহয়, বিশ্বৰ বিভিন্ন প্ৰান্তত প্ৰদৰ্শন আৰু প্ৰতিযোগিতাৰ জৰিয়তে জনপ্ৰিয় কৰি তুলিছে। তামিল ভাষাত 'চিলাম' মানে হৈছে পাহাৰ আৰু 'বাম' মানে হৈছে বাঁহ। অৰ্থাৎ, পাহাৰত পোৱা বিশেষ বাঁহৰ লাঠিৰে কৰা যুদ্ধক 'চিলেম্বম' বোলা হয়। কেৱল লাঠিয়েই নহয়, মৰু, অৰুভাল আৰু চুৰুল কাত্তি ব্যৱহৃত হয়। #ভাইৰেল কাহিনী 📱