#!! जय बजरंगबली !! #!! जय बजरंगबली !! भीमरूपी महारुद्रा, वज्रहनुमान मारुती । वनारी अंजनीसूता, रामदूता प्रभंजना ।। १।। महाबळी प्राणदाता, सकळां उठवीं बळें । सौख्यकारी दुखःहारी, धूर्त वैष्णव गायका ।।२।। दिनानाथा हरीरूपा, सुंदरा जगदंतरा । पातालदेवता हंता, भव्य सिंदूरलेपना ।। ३।। लोकनाथा जगन्नाथा, प्राणनाथा पुरातना । पुण्यवंता पुण्यशीला, पावना परतोषका ।। ४।। ध्वजांगे उचली बाहू, आवेशें लोटिला पुढें । काळाग्नी काळरुद्राग्नी, देखतां कांपती भयें ।।५।। ब्रम्हांडें माइल नेणों, आवळें दंतपंगती । नेत्राग्रीं चालिल्या ज्वाळा, भृकुटी ताठिल्या बळें ।।६।। पुच्छ तें मुरडिलें माथां, किरीटें कुंडलें वरी । सुवर्ण कटी कासोटी, घंटा किंकिणी नागरा ।।७।। ठकारे पर्वताऐसा, नेटका सडपातळू । चपळांग पाहतां मोठें, महाविद्युल्लतेपरी ।।८।। कोटिच्या कोटि उड्डाणें, झेंपावे उत्तरेकडे । मंद्राद्रीसारिखा द्रोणू, क्रोधें उत्पाटिला बळें ।।९।। आणिला मागुती नेला, आला गेला मनोगतीं । मनासी टाकिलें मागें, गतीसी तुळणा नसे ।।१०।। अणूपासोनि ब्रह्मांडा, येवढा होत जातसे । ब्रह्मांडाभोंवतें वेढे, वज्रपुच्छ घालूं शके ।।११।। तयासी तुळणा कोठें, मेरुमंदार धाकुटें । ब्रह्मांडीं पाहतां नसे, तयासी तुळणा कैशी ।।१२।। आरक्त देखिलें डोळां, गिळिलें सूर्यमंडळा । वाढतां वाढतां वाढे, भेदिलें शून्यमंडळा ।।१३।। भूतप्रेत समंधादी, रोगव्याधी समस्तही । नासती तुटती चिंता, आनंदें भीमदर्शनें ।।१४।। हे धरा पंधराश्लोकी, लाभली शोभली भली । दृढदेहो निःसंदेहो, संख्या चंद्रकळा गुणें ।।१५।। रामदासीं अग्रगण्यू, कपिकुळासी मंडण्यू । रामरुप अंतरात्मा, दर्शनें दोष नासती ।।१६।। ॥ श्रीराम समर्थ ॥