సాహసానికి మారుపేరు,నిర్మాతల శ్రేయోభిలాషి, దివంగత సూపర్ స్టార్ కృష్ణ గారి 83వ జయంతి నేడు! తెలుగు సినిమా పరిశ్రమ గర్వించదగ్గ నటుడు, దర్శకుడు,నిర్మాత,పార్లమెంట్ సభ్యుడు దివంగత సూపర్ స్టార్ కృష్ణ గారి 83వ జన్మదినం అయిన ఈ ప్రత్యేక సందర్భాన్ని పురస్కరించుకొని ( 31-5- 2026) ఆయన ప్రత్యేకత,గొప్పతనం,ఆయన సాధించిన ఘన విజయాలను గురించి ఒక్కసారి మనం పున : పరిశీలన చేసుకుంటే ముఖ్యంగా 1970,80ల్లో తెలుగు హీరోగా గొప్ప ప్రజాదరణ సాధించి,సూపర్ స్టార్ గా ప్రఖ్యాతి పొందాడు.ఇక ఆయన పూర్తి పేరు ఘట్టమనేని శివరామకృష్ణమూర్తి.1984 కు ముందు పలు సినిమాల్లో చిన్న చిన్న పాత్రలు చేసిన కృష్ణ గారు 1964-65 లో హీరోగా నటించిన తొలి సినిమా తేనే మనస్సులు, మూడవ సినిమా గూఢచారి 116 చిత్రాలు ఆయన పరిశ్రమలో నిలదోక్కుకునేందుకు ఎంతగానో ఉపకరించాయి.ఆపైన నాలుగు దశాబ్దాలుగా పైగా సాగిన విలువైన కెరీర్లో 340 పైచిలుకు సినిమాల్లో ప్రదాన పాత్రలో నటించారు.ఇక ఆయన 1970 లో నిర్మాణ సంస్థను ప్రారంభించి పద్మాలయా సంస్థ ద్వారా పలు విజయవంతమైన చలన చిత్రాలు తీశారు.1983లో ప్రభుత్వ సహకారంతో స్వంత స్టూడియో పద్మాలయా ను హైదరాబాద్ లో నెలకొల్పాడు.దర్శకుడిగా సైతం 16 సినిమాలు తీసిన చరిత్ర కృష్ణ గారిది.అదేమాదిరి సూపర్ స్టార్ కృష్ణ నటించిన పలు సినిమాలు తెలుగులో కొత్త సాంకేతికతలు,జానర్ లను పరిచయం చేశాయి.తెలుగులో తొలి జేమ్స్ బాండ్ చిత్రం గూఢచారి 116,తొలి కౌబాయ్ చిత్రం మోసగాళ్ళకు మోసగాడు,తొలి ఫుల్ స్కోప్ సినిమా అల్లూరి సీతారామరాజు ), తొలి 70 ఎంఎం సినిమా ( సింహాసనం ) వంటివి కృష్ణ నటించిన సినిమాలే. వీటితో పాటుగా పండంటి కాపురం, దేవుడు చేసిన మనుషులు,పాడి పంటలు ఈనాడు,అగ్ని పర్వతం వంటి సూపర్ హిట్ సినిమాలు వున్నాయి. 1976 - 85 మధ్య కాలంలో కృష్ణ కెరీర్ అత్యున్నత దశకు అందుకుంది.1964 నుంచి 1995 వరకు కృష్ణ సగటున పదేళ్లకు వంద సినిమాలు, అంటే ఏడాదికి 10 సినిమాల చొప్పున 300 సినిమాలు పూర్తి చేశాడు.ఇందుకోసం మూడు షిఫ్ట్ ల చొప్పున అత్యంత వేగంగా సినిమాలు పూర్తి చేసిన ఘనత ఈ సూపర్ స్టార్ కృష్ణది. ఏదిఏమైన సూపర్ స్టార్ కృష్ణకు 2,500 ( రికార్డు స్థాయిలో ) అభిమాన సంఘాలు ఉండేవి.అతను అత్యున్నత దశలో ఉండగా ఓక సినిమా శత దినోత్సవానికి ఆంధ్రప్రదేశ్ నుంచి మద్రాసుకు 30 వేల మంది అభిమానులు 400 బస్సుల్లో అభిమానులు స్వచ్ఛందంగా తరలి వచ్చారు అంటే కృష్ణ గారి ఇమేజ్, కీర్తి,ప్రతిష్టలు,ఫ్యాన్ ఫాలోయింగ్ ఏ స్థాయిలో ఉండేదో మనం ఇట్టే ఊహించవచ్చు. Lఏమైనా సూపర్ స్టార్ కృష్ణ గారి సత్కారాలు,సాధించిన పురోగతి,ఘన విజయాల గురించి చెప్పాల్సివస్తే ఆయనకు అల్లూరి సీతారామరాజు చిత్రానికి ఉత్తమ నటుడిగా నంది పురస్కారం ఆంధ్రప్రదేశ్ ప్రభుత్వం అందించింది. ఇంకా ఆయనకు ఫిల్మ్ ఫేర్ సౌత్ జీవిత సాపల్య పురస్కారం ( 1997),ఎన్టీఆర్ జాతీయ పురస్కారం ( 2003),ఆంధ్ర విశ్వ విద్యాలయం గౌరవ డాక్టరేట్ ( 2008),పద్మభూషణ్ పురస్కారం ( 2009)లభించాయి.అన్నింటికి మించి ఒకానొక సందర్భంలో ఆయన 1984 నుంచి కాంగ్రెస్ సమర్థకుడిగా వ్యవహరించి ఎన్టీఆర్ ప్రభుత్వాన్ని విమర్శిస్తూ కూడా సినిమాలు చేసిన గొప్ప సాహసి కృష్ణ గారు.అందులో భాగంగా ఏలూరు నియోజకవర్గం నుంచి లోకసభ సభ్యుడిగా గెలుపొందారు కూడా. ఆయన మానవత్వం,గొప్ప మనస్సు గురించి ఒక్క మాటలో చెప్పాలంటే తాను హీరోగా పెట్టి సినిమాలు నిర్మించిన నిర్మాతలకు తన సినిమా ఒకవేళ ప్లాప్ అయ్యి వారికి నష్టం వచ్చిన పక్షంలో తాను ఆ ప్లాప్ సినిమాకు తీసుకున్న పారితోషికం తిరిగి వారికి ఇచ్చివేసి మళ్ళీ తనను హీరో గా పెట్టి సినిమా తీసుకోమని తన కాల్షిట్ లు ఇచ్చే గొప్ప ఉదార స్వభావం ఈ సూపర్ స్టార్ కృష్ణ గారిది.జయ జయహో దివంగత సూపర్ స్టార్ కృష్ణ గారు! ఈ ప్రత్యేక సందర్భంగా ఆయనకు 83 వ జయంతి ఘన నివాళులు!✍️✍️✍️ - బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా! #⭐🎂సూపర్ స్టార్ కృష్ణ గారి జన్మదిన శుభాకాంక్షలు 🎉