🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: విజయమునకు రహస్యములు Thursday, August 20 *''ప్రేమలో భయముండదు; అంతేకాదు; పరిపూర్ణ ప్రేమ భయమును వెళ్లగొట్టును'' (1 యోహాను 4:18).* దానియేలు అయిదవ అధ్యాయములో రాజగు బెల్షస్సరు తన అధిపతులైన వెయ్యిమందికి విందు చేయించెను. ఆ వెయ్యి మందితో కలిసి ద్రాక్షారసము త్రాగుచుండెను. ఆ సమయములో అతడు తన తండ్రి నెబుకద్నెజరు యెరూషలేము మందిరము నుండి తెచ్చిన వెండది, బంగారు పాత్రలను తెమ్మని సేవకులకు ఆజ్ఞాపించెను. వారు ఆ పాత్రలలో ద్రాక్షారసము త్రాగుచు బంగారు, వెండి, యిత్తడి, యినుము, కఱ్ఱ, రాయి అనువాటితో చేసిన దేవతలను స్తుతించుచుండిరి. అతనికి చాలినన్ని పాత్రలు లేవని మంచిరములోనివి వాడలేదు గాని యెహోవా నామమును దూషించు నిమిత్తమే అతడట్లు చేసెను. అన్ని యుగములలో కూడా అభివృద్ధిచెంది, ఉన్నత పదవుల నధిష్ఠించినవారు దేవునిని దూషించుచున్నారు. పాపములో జీవించు ప్రజలే సజీవుడైన దేవుని దూషించుటలో గర్వించెదరు. వారే దేవుని వాక్యమునకు విరోధముగాను దేవుని ప్రజలకు విరోధముగాను మాట్లాడుటలో ఆనందించెదరు. ఒక ఉదాహరణ చూడుడి, బైబిలులోను, ఖురానులోను చాలా విషయములు ఒక్కటిగా యున్నవి. అయితే హిందువులు, మహమ్మదీయులను గూర్చిగాని, ఖురాను గూర్చిగాని, ఎక్కువగా మాట్లాడరు. కాని బైబిలునకు విరోధముగా మాట్లాడెదరు. క్రీస్తును దూషించెదరు. ఆ గడియాలోనే గోడమీద వ్రాయుచున్న హస్తమును రాజైన బెల్షెస్సరు చూచెను. ఆ గోడమీద కొన్ని మాటలు వ్రాయబడెను. అయితే ఆ మాటలను అతడు చదువలేకపోయెను. ఆ భాష అతనికి తెలియదు. అప్పుడు రాజుకు భయము కలిగెను. భయముచేత అతని నడుము, కీళ్లు సడలి, మోకాళ్లు గడగడ వణకుచు కొట్టుకొనుచుండెను. భయమనునది చాలా భయంకరమైనది. అనేకులు భయముచే వణకిపోయెదరు. ఇప్పుడైతే ఈ రాజు శరీరమంతయు భయముచే వణకుచు కొట్టుకొనుచుండెను (6,7 వచనములు). మర్మయుక్కతమైన సంగతులు జరుగుట చూచినప్పుడు అధికారులు, జ్ఞానవంతులు, బలవంతులు కలవరపడెదరు, మిగుల ఆశ్చర్యపడుచు వెళ్ళిపోయెదరు. ప్రభువు తన ప్రజల విషయములో ఎన్నటికి తప్పిపోడు. ఆయన శాశ్వతమైన ప్రేమతో మనలను ప్రేమించెను. భూమి పునాదులు వేయబడక మునుపే మన యెడల గొప్ప సంకల్పము గలవాడై క్రీస్తులో మనలను ఏర్పరచుకొనెను (ఎఫెసీ 1:4). అయినను మనము జయించువారముగా యుండినట్లయినచో, అట్టి వాటికి భయపడము. ఎందుకనగా, తన సమయములో తన పద్ధతిలో, వాటి అర్థమును మనకు ప్రభువు వెల్లడి చేయునను నమ్మకము మనకు కలదు (ఆమోసు 3:7). #😇My Status #▶️ తెలుగు వాట్సాప్ స్టేటస్ #💪పాజిటీవ్ స్టోరీస్ #📕బైబిల్ వాక్యాలు #📽ట్రెండింగ్ వీడియోస్📱

🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: విజయమునకు రహస్యములు Tuesday, August 18 *''తన్నుతాను హెచ్చించుకొనువాడు తగ్గింపబడును; తన్నుతాను తగ్గించుకొనువాడు హెచ్చింపబడును'' (మత్తయి 23:12).* నెబుకద్నెజరు పశ్చాత్తాపపడకపోయిన యెడల ఆ చెట్టువలె అతడును నరికివేయబడునని దానియేలు బహు స్పష్టమైన భాషలో అతనికి తెలియజేసెను. దేవుడు తనతో మాట్లాడినను, నెబుకద్నెజరు మారుమనస్సు పొందకపోయెను. అతని మార్చుటకై దేవుడు పండ్రెండు నెలలు కనిపెట్టెను. అతడా హెచ్చరికను అలక్ష్యము చేసెను. ఎంతో గర్వముగా ''నా రాజ్యము, నా భవనములు, నా పనులు చూడుము'' అని ఈ రాజు పలికెను. దేవుని యెదుట తాను ఒక పశువువలె నున్నాననియు తాను కేవలము అజ్ఞానుడననియు గ్రహించలేకపోయెను. పాపము చేయువారందరును దేవుని దృష్టిలో అట్టి వారుగానే యున్నారు. నిత్యమైన వాటిని వారు గ్రహింపరు. నిత్యమైన విషయముల విలువ వారికి తెలియదు. దేవుని యెదుట బలము, విద్య వట్టివే. మానవులు ఆయన యెదుట పశువులవలె యున్నారు. మనము రక్షింపబడిదన తరువాత కూడా, దేవుడు మనకిచ్చిన స్థానములో నుండి మనలను తొలగించుటకు శత్రువు ప్రయత్నించును. ప్రభువు తన ప్రజలు, తనతో పాలివారుగా యుండవలెనని తనంతట తానే కోరుచున్నాడు. తిరిగి జన్మించిన వారందరును తనతో సహపనివారుగాను, తన పాలి భాగస్థులుగాను యుండవలెనని కోరుచున్నాడు. మనము జయించువారముగా యుండిదనట్లయినచో, నిజముగా దేవునితో పాలిభౄగస్థులమై యుందుము. దేవుని దూతలకు సహా తీర్పు తీర్చు వారముగా నుందుము (1 కొరింథీ 6:3). దేవుడు రాజులకు, అధికారులకు తీర్పు తీర్చినప్పుడు ఆ తీర్పులో మనము ఆయనతో పాలి భాగస్థులముగా యుందుము. మనలను మనము హెచ్చించుకొనుట ద్వారా ఎక్కువ మహిమ కలుగునని సహజముగా తలంచెదము. ''తన్ను తాను హెచ్చించుకొనువాడు తగ్గింపబడును. తన్నుతాను తగ్గించుకొనువాడు హెచ్చింపబడును'' (మత్తయి 23:12). ఈ వాక్యము మనకు చక్కగా తెలియును. ఎన్నోమార్లు దీనినిన బైబిలులో చదివితిమి. అయినను మనలను హెచ్చించుకొనుటయే మనకు ప్రతీకరముగా యుండును. మనము ఎక్కడికి వెళ్ళినను మనలను ప్రజలు ఘనపరచి, మన్నన చేయకపోయిన యెడల నిష్ఠురపడెదము. ఇతరులు మనలను పొగడినప్పుడు, మనలను గూర్చి మంచిగా మాట్లాడినప్పుడు ఎంతో సంతోషించెదము. దానిని గూర్చి గర్వించెదము కూడా. అది సహజము. అయితే దైవనిజమము వేరుగా యున్నది. అదేమనగా మనము జయించువారముగా యుండగోరినచో మనలను మనము తగ్గించుకొనెదము. #📕బైబిల్ వాక్యాలు #📽ట్రెండింగ్ వీడియోస్📱 #💪పాజిటీవ్ స్టోరీస్ #▶️ తెలుగు వాట్సాప్ స్టేటస్ #😇My Status