అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Thursday, August 6 🌷🌷🌷 *‘‘యెహోవా మహాత్మ్యము గలవాడు ఆయన అధికస్తోత్రము పొందతగినవాడు సమస్త దేవతల కంటెను ఆయన పూజనీయుడు. జనముల దేవతలందరు వట్టి విగ్రహములే. యెహోవా ఆకాశవిశృాలమును సృజించినవాడు, ఘనతా ప్రభావములు ఆయన సన్నిధిని ఉన్నవి. బలసౌందర్యములు ఆయన పరిశుద్ధ స్థలములో ఉన్నవి” (కీర్తన 96:4-6).* బలసౌందర్యములు ఆయన పరిశుద్ధాలయములో ఉన్నవి గనుక దేవుని పరిశుద్ధాలయము నందు లేదా దేవుని ఇంటిలో మనకు క్రొత్త గీతము ఇవ్వబడునని దేవుని వాక్యము చెప్పుచున్నది. దేవుని పరిపూర్ణత సంఘము నందు ఉన్నది. సంఘము ద్వారా మాత్రమే దేవుని నానా విధమైన జ్ఞానము బయలు పరచబడుచున్నది (ఎఫెసీ 1:23; 3:10). అందుచేతనే పరిశుద్ధాలయము నందు దేవుని పని ముగిసిన వెంటనే దేవుని మహిమ దిగివచ్చి దానిని నింపెను (నిర్గమకాండము 40:34-38). ఇశ్రాయేలు ప్రజలు ఐగుప్తులో అనేక అద్భుతములు చూచిరి. మేఘము వారి ముందర నడచుటను, ఎర్ర సముద్రము రెండు పాయలై ఆరిన నేలను త్రోవ ఏర్పడుటను చూచిరి, గాని సాక్ష్యమిచ్చిన ప్రజలు, దేవుని మహిమ వారి మధ్యను నివసించుటను చూడలేదు. ఎప్పుడయితే పరిశుద్ధాలయపు పని ముగించబడెనో అప్పుడు మాత్రమే దేవుని మహిమ దిగివచ్చి పరిశుద్ధాలయమును నింపి అక్కడ నివసించినది. ఆ దినము నుండి కెరూబుల మధ్య నుండి దేవుడు ఇశ్రాయేలు ప్రజలతో మాట్లాడెను (సంఖ్యాకాండము 7:90). దేవుని యొక్క నిజ బల సౌందర్యములు దేవుని పరిశుద్ధాలయములో మాత్రమే చూడగలము, అదే మనకు సంఘము. ఎందుచేతననగా దేవుడు ఇట్లు వాగ్ధానము చేసెను, ‘‘ఎక్కడ ఇద్దరు, ముగ్గురు చేరి నా నామమున ప్రార్థించెదరో వారి మధ్యలో నేను ఉందును”. అందుచేతనే సాతాను చాలామందిలో ఆత్మీయ గ్రుడ్డితనమును కలుగజేసి ఏదో ఒక కారణము చూపి విశ్వాసుల సహవాసమునకు దూరపరచి దేవుని శక్తిని, దేవుని మహిమను అనుభవించకుండ చేయుచున్నాడు. ‘‘జనముల కుటుంబములారా, యెహోవాకు చెల్లించుడి. మహిమ బలములు యెహోవాకు చెల్లించుడి. యెహోవా నామమునకు తగిన మహిమ ఆయనకు చెల్లించుడిద. నైవేద్యము తీసికొని ఆయన ఆవరణములలోనికి రండి” (కీర్తన 96:7,8). దేవునికి ఒక క్రొత్తగీతము పాడవలెనను ఆశ నీకు ఉన్నయెడల నవు దేవుని ఆవరణములలోనికి వచ్చి పాడవలెను. మరియు అక్కడ నీ కృతజ్ఞతార్పణలు, నీ స్తుతులు అర్పించవలెను. ఈ క్రొత్త గీతము దేవుని ప్రజలందరును కలిసి పాడవలెను. మన హృదయములు దేవునియందు ఐక్యపరచుకొని స్తుతిపాటలు పాడిన యెడల అవి మరింత శ్రావ్యముగాను, ఉత్తేజపరచునవిగాను ఉండును. ఈ కారణముచేత నీవు దేవుని ఇంటికి తప్పక రావలెను. ఎవరైతే దేవునిచే నిజముగా ఆశీర్వదించబడిరో వారు దేవుని ప్రేమించి, దేవుని ప్రజల మధ్యలో దేవుని స్తుతించుటకు దేవుని మందిరమునకు వచ్చెదరు. ‘‘పరిశద్ధాలంకారములు ధరించుకొని యెహోవాకు నమస్కారము చేయుడి”. ‘‘పరిశుద్ధాలంకారములు ధరించుకొని” అను మాటలను ‘‘మహిమగల పరిశుద్ధ స్థలము” అని కూడా అనువదించవచ్చును. ‘‘పరిశుద్ధాలయములో (నీ దేవుడైన యెహోవాను)నీ ప్రభువును ఆరాధించుము”. దీని అర్థము ఏమనగా, దేవుని మహిమగల పరిశుద్ధాలయమునందు అనగా దేవుని మందిరములో మాత్రమే నీవు నిజముగా దేవునిని ఆరాధించుట ఎట్లో తెలిసికొనెదవు. కొంతమంది తప్పులు వెదకెడివారుగా ఉందురు. వారు దేవుని ఇంటికి వచ్చినప్పుడు కూడా ఇక్కడ భవంతి బాగుగా లేదని, వాయిద్యములు సరిగాలేవని, తెరలు చాలా పాతగా ఉన్నవని ఏవో వ్యాఖ్యానములు చేయుదురు. వారు దేవుని మందిరములో కూడా ఇటువంటి పాటనే పాడుదురు. అట్టివారిగా మనము ఎప్పుడును ఉండకూడదు. మనము దేవుని పరిశుద్ధాలయములోనికి వచ్చినప్పుడు మన ఆలోచనలన్నియు దేవునిపై ఉండవలెను మరియు ఆయన మన కొరకు ఏమి చేసెను, ఆయన ఏమి మాట్లాడుచున్నాడు, ఏవి బయలు పరచుచున్నాడు అను వాటిపై మన మనస్సు ఉండవలెను. అప్పుడునీవు దేవుని మహిమను చూచుదువు. కనుక మానవుని తప్పిదముల గురించి ఆలోచించువాడవుగా ఉండవద్దు. అలాగు చేసిన యెడల నీ హృదయమునందు ఆత్మీయ గ్రుడ్డితనము అలాగే ఉండును. ఎల్లప్పుడు దేవుని సముఖమును, దేవుని మహిమను చూచుటకు ప్రయత్నించుము. దేవుని వాక్యమును గ్రహించునట్లుగా నీ హృదయమును తెరచి ఉంచుము. #▶️ తెలుగు వాట్సాప్ స్టేటస్ #😇My Status #📽ట్రెండింగ్ వీడియోస్📱 #📕బైబిల్ వాక్యాలు #💪పాజిటీవ్ స్టోరీస్

🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: విజయమునకు రహస్యములు Thursday, August 6 *''దేవుని జ్ఞానము మర్మమైనట్టుగా బోధించుచున్నాము. ఈ జ్ఞానము మరుగైయుండెను. జగదుత్పత్తికి ముందుగానే దీనిని దేవుడు మన మహిమ నిమిత్తము నియమించెను'' (1 కొరింథీ 2:7).* బబులోను రాజైతే ఈ యౌవనస్థులు ఇంజనీర్లు, డాక్టర్లు, శాస్త్రజ్ఞులు కావలెనని కోరెను. వీరి తెలివితేటలతో తన రాజ్యము ఉన్నత స్థానమునకు రాగలదని భావించెను. అయితే ప్రభువు ఉద్దేశము వేరుగా ఉండెను. ఆయన వారికి దైవిక జ్ఞానము ప్రసాదించెను. దాని ద్వారా వారు పరలోక సంగతులను గ్రహించిరి. దేవుని సేవను గూర్చి స్వల్పముగా భావించెదరు. ఇట్టి వారందరు దానియేలు, షద్రకు, మేషాకు, అబేద్నగో అను ఈ నలుగురు యౌవనస్థుల జీవితములను పరిశీలించి చూడవలెనని కోరుచున్నాము. వీరు సామాన్యమైన తెలివితేటలు, తలాంతులు కలవారు కారు. బబులోను రాజ్యములోని విద్యాంసులందరి కంటె తెలివిగలవారు. వీరి తెలివితేటలు, శక్తి సామర్థ్యములు అసమానములు (కీర్తన 119:99,100). లోకజ్ఞానులు, దేవుని సేవలోని ఘనతను గ్రహించలేరు. దేవుని సేవకులనగా దేవునితోటి జతపనివారు. దేవునితో పాలిభాగస్థులు. వీరి సేవ ప్రశస్తమైనది. ''నా బోధకులందరి కంటెను.... వృద్ధులందరి కంటెను నాకు విశేషజ్ఞానము కలదు'' అని దావీదు చెప్పెను. దానియేలు, షద్రకు, మేషాకు, అబేద్నగో అను ఈ నలుగురు యౌవనులు యూదా గోత్రమునకు చెందినవారు. యూదా అనగా స్తుతి అని అర్థము. ఈ పేరును ధరించినవారై ఎడతెగక ప్రభువును స్తుతించుచుండిరి. వారి తోటి యౌవనస్థులందరు రాజు బల్లయొద్దనుండి వచ్చు శ్రేష్టమైన ఆహారమును భుజించి ఆరగించుచుండగా వీరు సామాన్యమైన ఆహారమునకే ప్రభువును స్తుతించుచుండిరి. ఈ నలుగురు యౌవనస్థులువలె మనము కూడా తృప్తిచెంది యుండుటకు, కృతజ్ఞత కలిగియుండుటకు నేర్చుకొనవలెను. మన కష్టములు, శ్రమలలో కూడా ప్రభువుకు వందనములు చెల్లించవలెను. ఇట్లు కృతజ్ఞత చెల్లించినచో, దేవుడు మనలను దైవిక జ్ఞానముతో నింపుము. #💪పాజిటీవ్ స్టోరీస్ #📽ట్రెండింగ్ వీడియోస్📱 #😇My Status #📕బైబిల్ వాక్యాలు #▶️ తెలుగు వాట్సాప్ స్టేటస్